<p><strong>ព័ត៌មានអន្តរជាតិ ៖</strong> ម៉ោងជិត ១២ ថ្ងៃត្រង់ ថ្ងៃទី ២ កក្កដា ឆ្នាំ ២០១៤ នេះ ទំព័រសារព័ត៌មានរដ្ឋ ចិន ស៊ិនហួរ បានចេញ ផ្សាយ អោយ ដឹងថាប្រទេសកូរ៉េខាងជើង បានបាញ់មីស៊ីល រយៈចម្ងាយជិតចំនួន ពីរគ្រាប់ បន្ថែមទៀត ទៅកាន់ដែនទឹក ភាគខាងកើតប្រទេស កាលពីព្រឹកថ្ងៃពុធ នេះ គឺមួយថ្ងៃ បន្ទាប់ ពី កូរ៉េខាងត្បូងបានបដិសេធ នូវសំណើរបស់កូរ៉េ ខាងជើង ឲ្យបញ្ឈប់នូវរាល់ការបច្ចេញសាច់ដុំ ផ្នែក យោធាគ្រប់បែបយ៉ាងនោះ។</p>
<p><a class="thickbox" title="" href="/FileManager/Commons/2014/7/2/61-02-07-2014--14-06-06.jpg"><img src="/FileManager/Articles/mce/2014/7/2/61-02-07-2014--14-06-06.jpg" alt="" /></a></p>
<p>ប្រភព បន្ត អោយដឹងថា គម្រោងរបស់កូរ៉េខាងជើង គឺត្រូវបាញ់គ្រាប់មីស៊ីលជាច្រើនគ្រាប់ ក្នុងពេល តែមួយ ជាប្រភេទ មីស៊ីលទំហំ ៣០០ មីលីម៉ែត្រ ដែលត្រូវបានបាញ់កាលវេលាម៉ោង ៦ និង ៥០ នាទី ម្តង និង ម៉ោង ៨ ព្រឹកម្តងទៀត។ នេះបើតាម ប្រភពដែលទទួលបាន ពីយោធា របសកូរ៉េខាងត្បូង ។ គ្រាប់មីស៊ីលត្រូវបានគេរាយការណ៍ថា បានហោះក្នុង ចម្ងាយ ១៨០ គីឡូម៉ែត្រ ទៅធ្លាក់នៅ ដែនទឹក ភាគ ខាងកើតរបស់ខ្លួន។</p>
<p><a class="thickbox" title="" href="/FileManager/Commons/2014/7/2/sel102-6292014120034high-02-07-2014--14-06-17.jpg"><img src="/FileManager/Articles/mce/2014/7/2/sel102-6292014120034high-02-07-2014--14-06-17.jpg" alt="" /></a></p>
<p>គួរបញ្ជាក់ថា កាលពីចុងខែមិថុនា កន្លងទៅនេះកូរ៉េខាងជើង ក៏បានបាញ់គ្រាប់មីស៊ីល រយៈ ៥០០ គីឡូម៉្រែចំនួន ៥គ្រាប់ផងដែរ ដើម្បីបង្ហាញ ពីឥទ្ធិពលរបស់ខ្លួនក្នុងតំបន់។ ដោយឡែក កូរ៉េខាងត្បូង បាន បដិសេធសំណើ របស់កូរ៉េខាងជើង ដែលបានទាមទារឲ្យបញ្ឈប់ នូវរាល់ ការបង្ហាញសាច់ដុំ យោ ធា គ្រប់ប្រភេទនោះ ក៏ព្រោះ តែ កូរ៉េខាងត្បូងយល់ឃើញថា ខ្លួនមិនអាច ទទួលបានភាព ស្មោះត្រង់ គ្រប់ គ្រាន់ ពីកូរ៉េខាងជើងនោះឡើយ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ស៊ិនហួរ និង ដើមអម្ពិល</p>