<p>ប្រទេសចិន ហាក់ដូចជាមានភាពល្បីល្បាញជាងគេ អំពីរឿងចម្លែកៗ ដែលនឹកស្មានមិនដល់ ក្នុងនោះ ក៏មានករណីស្រីស្អាតជ្រើសរើសប្ដី ដោយវិធី និងលក្ខខណ្ឌដ៏មិនគួរឱ្យជឿ។<br /><br />ថ្មីៗនេះ នៅលើបណ្ដាញអ៊ីនធើរណិតចិន មានការជ្រួលជ្រើមខ្លាំង ដោយសារតែស្រីស្អាតម្នាក់ មានរហ័សនាមថា "Hyun Fujie" ជ្រើសរើសប្ដី តាមគេហទំព័រសង្គម។ នារីវ័យក្មេងនេះ បានបង្ហោះរូបដ៏ស្រស់ស្អាតបំផុតរបស់ខ្លួន ហើយរូបទាំងនេះ ស្ថិតក្នុងស្ថានភាពបង្អួតភាពសិចស៊ីដល់កម្រិត។ នៅក្នុងការឧទ្ទេសនាម នារីនេះ សរសេរថា នាងជាកូនស្រីរបស់អ្នកមានរកស៊ីផ្នែកអចលនទ្រព្យម្នាក់ នៅសៀងហៃ។ នាងក៏បានសង្កត់ធ្ងន់ថា ទ្រព្យដែលនាងត្រូវទទួលបានពីឪពុកនាង គឺមានដល់ទៅ ៣ពាន់លានដុល្លារអាមេរិក។ មិនត្រឹមតែប៉ុណ្ណោះ នាងថែមទាំងបញ្ចេញស្ទីលជាមួយប្រាក់ ដើម្បីទាក់ទាញអនាគតស្វាមីទៀតផង។</p>
<p style="text-align: center;"><a class="thickbox" title="" href="/FileManager/Commons/2013/11/6/findhusband1-06-11-2013--21-48-57.jpg"><img src="/FileManager/Articles/mce/2013/11/6/findhusband1-06-11-2013--21-48-57.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2013/11/6/findhusband3-06-11-2013--21-50-11.jpg"><img src="/FileManager/Articles/mce/2013/11/6/findhusband3-06-11-2013--21-50-11.jpg" alt="" /></a></p>
<p>ប៉ុន្ដែ ប្រការដែលគួរឱ្យភ្ញាក់ផ្អើលបំផុត នោះគឺការប្រកាសនៅក្នុង ទំព័ររបស់ខ្លួន នាងសរសេរថា ៖ “ចង់ធ្វើជាស្វាមីរបស់ខ្ញុំ គឺត្រូវមាន ៖ ផ្ទះស្អាត រថយន្ដល្អ យ៉ាងហោចក៏ Porsche ។ ពិសេសគឺត្រូវចេះធ្វើការផ្ទះ ព្រោះខ្ញុំមិនចេះដាំស្ល និងរកប្រាក់ទេ។ ទីបី គឺកុំស្រមៃចង់ទៅរកស្រីនៅខាងក្រៅ ខ្ញុំនឹងប្រើកាំបិតកាត់ “អាអូនតូច” របស់គាត់។ ទីបួន ត្រូវមានប្រាក់លើសពី ២ពាន់លានដុល្លារ។ មានសញ្ញាបត្រអនុបណ្ឌិត។</p>
<p style="text-align: center;"><a class="thickbox" title="" href="/FileManager/Commons/2013/11/6/findhusband2-06-11-2013--21-49-39.jpg"><img src="/FileManager/Articles/mce/2013/11/6/findhusband2-06-11-2013--21-49-39.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2013/11/6/findhusband4-06-11-2013--21-50-46.jpg"><img src="/FileManager/Articles/mce/2013/11/6/findhusband4-06-11-2013--21-50-46.jpg" alt="" /></a></p>
<p>នៅពេលបានអានលក្ខខណ្ឌរបស់នាង គេជឿថា ប្រាកដជាមិនមានបុរសណាហ៊ានលើកដៃធ្វើជាប្ដីនាង ដោយសារតែប្រាក់នោះទេ។<br /><br />ប៉ុន្ដែ ការស្វែងរកអនាគតស្វាមី មិនមែនមានតែមួយករណីនោះទេ។ កន្លងមក ក៏មានរឿងរ៉ាវប្រហាក់ប្រហែលនេះ ដែលបានធ្វើឱ្យមានការចាប់អារម្មណ៍ជាខ្លាំងពីសំណាក់អ្នកលេងអ៊ីនធើរណិត នៅចិន។</p>
<p style="text-align: center;"><a class="thickbox" title="" href="/FileManager/Commons/2013/11/6/findhusbandb-06-11-2013--21-51-59.jpg"><img src="/FileManager/Articles/mce/2013/11/6/findhusbandb-06-11-2013--21-51-59.jpg" alt="" /></a></p>
<p style="text-align: center;"><em>គណនីរបស់ “Daji ពាន់ឆ្នាំ”</em></p>
<p style="text-align: left;">នារីវ័យក្មេងរូបស្រស់ម្នាក់ មានរហ័សនាមថា “Daji ពាន់ឆ្នាំ” បានធ្វើឱ្យបុរសជាច្រើនត្រូវឈ្លក់វង្វេង។ នៅលើទំព័រ Weibo របស់នាង “Daji ពាន់ឆ្នាំ” បានសរសេរថា ខ្លួនជាមនុស្សលេងឫកពា និងស្មោះត្រង់ ចង់ស្វែងរកប្ដី ក្នុងវិស័យអចលនទ្រព្យ។ មិនត្រឹមតែមានរូបស្រស់ស្អាត នាងថែមទាំងមានរថយន្ដទំនើប Maserati មានប្រាក់ច្រើន និងពេជ្រមានតម្លៃ។ “Daji ពាន់ឆ្នាំ” ក៏បានបង្ហើបឱ្យដឹងថា នាងជាកូនអ្នកមាន។</p>
<p style="text-align: center;"><a class="thickbox" title="" href="/FileManager/Commons/2013/11/6/findhusbanda-06-11-2013--21-51-22.jpg"><img src="/FileManager/Articles/mce/2013/11/6/findhusbanda-06-11-2013--21-51-22.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2013/11/6/findhusbandc-06-11-2013--21-52-31.jpg"><img src="/FileManager/Articles/mce/2013/11/6/findhusbandc-06-11-2013--21-52-31.jpg" alt="" /></a></p>
<p>យ៉ាងនេះក្ដី អ្នកលេងអ៊ីនធើរណិតជាច្រើន សង្ស័យចំពោះការប្រកាសស្វែងរកគូអនាគតរបស់នាង។ ពួកគេយល់ថា ប្រសិនស្រស់ស្អាត មានទ្រព្យច្រើន និងឆ្លាតវៃបែបនេះ ហេតុអ្វីចាំបាច់ត្រូវប្រកាសរកប្ដីតាមអ៊ីនធើរណិត?</p>
<p><strong> អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #0000ff;"><a href="/News/Detail/96520/martial-arts-expert-practises-his-skills-while-balancing-on-trunk"><span style="color: #0000ff;">បញ្ចេញក្បាច់គុន នៅលើដើមដូង ដើម្បីអូសទាញសិស្ស</span></a></span></p>
<p><span style="color: #0000ff;"><a href="/News/Detail/48750/unbelievable"><span style="color: #0000ff;">ចង់ឲ្យគេ Like និង Comment បានច្រើន បង្ហោះរូបសិចស៊ីលើ Facebook ត្រូវប្ដីសុំលែងលះ</span></a></span></p>
<p><span style="color: #0000ff;"><a href="/News/Detail/19605/ghost-girl-at-china-cars-parking"><span style="color: #0000ff;">បះសក់! ពេលឃើញស្រីស្អាតបាត់ខ្លួនមួយរំពេច នៅចំណតរថយន្ដក្រោមដី (វីដេអូ)</span></a></span><br /><br /><br /></p>
<p style="text-align: right;">ប្រែសម្រួលដោយ ៖ តារា<br />ប្រភព ៖ KH/Northnews</p>