<p><strong>ភ្នំពេញ៖</strong> អតីតតារាចម្រៀងធ្លាប់ជ្រក ក្រោមដំបូលផលិតកម្ម Diamond កញ្ញា ជិន ស្រីនុត ហៅ លីនី ខណៈដែលសន្ទុះនៃការគាំទ្រ និងប្រជាប្រិយភាព កំពុងតែលេចឈ្មោះល្បី ក្នុងទីផ្សារសិល្បៈ ក៏ស្រាប់តែថ្មីៗនេះ បានធ្លាយដំណឹងនៃការចាកចេញ ពីទ្រនំមួយនេះ ដោយពុំដឹងច្បាស់ ពីមូលហេតុពិតប្រាកដថា មកពីចប់កុងត្រា ឬមួយមកពីមានបញ្ហា ជាមួយផលិតកម្ម នោះឡើយ។</p>
<p>មុននេះបន្តិច មានប្រភពច្បាស់ការ បានទម្លាយមកថា ការរើបង្វេចដើរចេញ ពីផលិតកម្ម Diamond របស់តារាចម្រៀង កញ្ញា ជិន ស្រីនុត គឺដោយសារតែខាងផលិតកម្ម បញ្ចប់កុងត្រា មុនកំណត់ ព្រោះតារារូបនេះ មិនគោរពតាមគោលការណ៍ របស់ក្រុមហ៊ុន។ ប៉ុន្ដែ ស្រីនុត បានបដិសេធន៍ ចំពោះរឿងនេះ ហើយបានបញ្ជាក់ថា នាងបានចប់កុងត្រា ជាមួយផលិតកម្មរួចរាល់ហើយ ។</p>
<p>ស្របពេលព័ត៌មាននេះ កាន់តែរីកសាយភាយ និងក៏ជាទីចាប់អារម្មណ៍ ចង់ដឹងពីសំណាក់ មហាជនអ្នកគាំទ្រនោះស្រាប់តែមានដំណឹងមកថា តារាចម្រៀង ជិន ស្រីនុត រកឃើញទ្រនំថ្មី ផ្ញើខ្លួនជ្រកកោនវិញហើយ ពោលគឺផលិតកម្ម M ។ ប៉ុន្តែមុននេះតារាស្រី ជិន ស្រីនុត តែងឆ្លើយ បដិសេធន៍ ពីការពិត ទើបតែឥឡូវនេះ នាងបានឆ្លើយប្រាប់ ពីការពិតថា ចូលផលិតកម្ម M មែន។</p>
<p>ប្រាប់គេហទំព័រ LookingTODAY ឲ្យដឹងនៅរសៀលថ្ងៃទី១៧ ខែមិថុនា ឆ្នាំ០១៤នេះ កញ្ញា ជិន ស្រីនុត បានឲ្យដឹងថា នាងពិតជាចូលច្រៀងក្នុងផលិតកម្ម M មែន។ ឥឡូវនេះនាងមាន បទចម្រៀង ចេញលក់ជា CD នៅលើទីផ្សារហើយក្នុងវ៉ុល៦១ របស់ផលិតកម្ម M ។</p>
<p>កញ្ញា ជិន ស្រីនុត បានបញ្ជាក់ថា "ខ្ញុំពុំមានទំនាស់អ្វី ជាមួយផលិតកម្មមុននោះទេ កាលដែលខ្ញុំទៅចូលMនេះ គឺព្រោះតែចប់កុងត្រាជាមួយផិតកម្មចាស់។ ម្យ៉ាងទៀត ខ្ញុំមិនដែលខ្វល់នឹងពត៌មាន គេនិយាយនោះឡើយ គឺខ្ញុំខំសាងកេរ្តិ៍ឈ្មោះឲ្យ ល្បីបន្ថែមក្នុងផលិតកម្មថ្មី (M) នេះ ទៅបានហើយ..!"។</p>
<p>ទោះបីជាយ៉ាងណាក្តី ទស្សនិកជន នឹងរង់ចាំមើលថា តើអតីតតារាចម្រៀងធ្លាប់ លេចឈ្មោះល្បីគួរសម នៅផលិតកម្ម ដាយម៉ិន កញ្ញា ជិនស្រីនុត អាចរក្សាបាននូវប្រជាប្រិយភាព និងការគាំទ្រច្រើនដូចមុន ឬយ៉ាងណា?</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/june/id-141/photo-1193.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/june/id-141/photo-1194.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/june/id-141/photo-1195.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/31428----diamond-music--m.html" target="_blank">ផ្តល់សិទ្ធដោយ ៖ ដើមអម្ពិល</a></p>