<p>ព័ត៌មានអន្តរជាតិ ៖ យោងតាម ទំព័រសារព័ត៌មានរដ្ឋ ចិន ស៊ិនហួរ ដែលទើបតែបានចេញផ្សាយកាល ពីយប់ថ្ងៃសុក្រ ម្សិលមិញនេះ អោយដឹងថា យន្ដហោះរបស់អូស្រ្ដាលី បានប្រទះឃើញបំណែក កំពុង រសាត់អណ្ដែត លើផ្ទៃ សមុទ្រឥណ្ឌា នៅទីតាំងស្វែងរកថ្មី ដែលមានចម្ងាយប្រមាណ ១១០០ គីឡូ ម៉ែត្រ ភាគខាងត្បូង ពីទីតាំងដែលគេកំណត់ថា ជាទីតាំងដែលយន្ដហោះ MH-370 បានធ្លាក់ ។</p>
<p><a class="thickbox" title="" href="/FileManager/Commons/2014/3/29/01-29-03-2014--09-05-14.jpg"><img src="/FileManager/Articles/mce/2014/3/29/01-29-03-2014--09-05-14.jpg" alt="" /></a></p>
<p>ដោយឡែក រូបភាពខាងក្រោមនេះ សរបញ្ជាក់អោយឃើញ ពីយន្តហោះ កងកម្លាំងយោធា ញូវសេ ឡេនបានវិលត្រលប់ មកកាន់អាកាសយានដ្ឋានអន្តរជាតិ ក្រុង <span id="content" class="bai14">Perth ប្រទេស អូស្រា្តលីវិញ ក្រោយពី បុគ្គលិក ដែលជាក្រុមការងារ នៅលើយន្តហោះ ខាងលើ បានបញ្ជាក់ថា ពួកគេបានប្រទះឃើញ បំ ណែកមួយចំនួន ដែលកំពុងតែរសាត់អណ្តែត លើផ្ទៃទឹកសមុទ្រ ឥណ្ឌា ពោល នៅទីតាំងថ្មី ពីកន្លែង ដែលរុករកចាស់ ភាគខាងត្បូង សមុទ្រ ឥណ្ឌា ដែលធ្លាប់ត្រូវបានគេសន្មត់អោយដឹងថា ជាកន្លែងធ្លាក់ យន្តហោះ ។ </span></p>
<p><span class="bai14"><a class="thickbox" title="" href="/FileManager/Commons/2014/3/29/02-29-03-2014--09-05-23.jpg"><img src="/FileManager/Articles/mce/2014/3/29/02-29-03-2014--09-05-23.jpg" alt="" /></a><br /></span></p>
<p>គួររំឭកថា ជាមួយនឹង ព័ត៌មានចុងក្រោយ ចេញផ្សាយជាសាធារណទូទាំងពិភពលោក អោយដឹងថា ប្រតិបត្តិការរុករក បានចាប់ផ្តើមពង្រីកដែន វិសាលភាព របស់ខ្លួនទៀតហើយ ពោល បន្តការរុករកជា ច្រើនគីឡូម៉ែត្រ ភាគខាងត្បូង ទីតាំងចាស់ ដោយនៅក្នុងនោះ បានចាប់ផ្តើមរុករកទីតាំងថ្មីទាំងស្រុង កាលពីថ្ងៃសុក្រ ម្សិលមិញនេះ ក្រោយពីមានរបាយការណ៍ចុងក្រោយ ពីប្រព័ន្ធផ្កាយរណបអោយដឹង ថាយន្តហោះ មុននឹងមានការធ្លាក់ចុះ និង បាត់ពីប្រព័ន្ធរ៉ាដា វាបានធ្វើដំណើរ លឿនហួស ពីការស្មាន ពីលើកដំបូង ៕</p>
<p><a class="thickbox" title="" href="/FileManager/Commons/2014/3/29/04-29-03-2014--09-05-32.jpg"><img src="/FileManager/Articles/mce/2014/3/29/04-29-03-2014--09-05-32.jpg" alt="" /></a></p>
<p style="text-align: right;">ប្រែសម្រួល ៖ កុសល<br />ប្រភព ៖ ស៊ិនហួរ</p>