<div class="article-content">
<p><strong>ភ្នំពេញ៖</strong> ជនបង្កម្នាក់ ក្នុងដៃកាន់ដែកបំពង់ទីប បានចូលទៅវាយគេ ដល់ក្នុងផ្ទះ បណ្តាលឱ្យ២<br />នាក់ ប្តីប្រពន្ធ និងអ្នកស្នាក់នៅជាមួយម្នាក់ រងរបួសធ្ងន់ស្រាល បន្ទាប់មកជនដៃដល់បានចេញ<br />មកខាងក្រៅផ្ទះ ហើយដើរចូលអុកឡុកក្នុង ហាងផឹកស៊ី មួយកន្លែងក្បែរនោះ យីហោ រាត្រីជួប<br />ស្នេហ៍ ក៏ត្រូវភ្ញៀវក្នុងនោះ ព្រួតគ្នាវាយស្ទើរស្លាប់ស្ទើររស់ កាលពីវេលាម៉ោង១១យប់ ថ្ងៃទី០៧ <br />ខែសីហា ឆ្នាំ២០១៣ នៅចំណុចផ្ទះលេខ២៦៧K ក្នុងក្រុមទី១២ ភូមិទួលគោក សង្កាត់ទួលសង្កែ <br />ខណ្ឌឫស្សីកែវ ។</p>
<p>សមត្ថកិច្ចមូលដ្ឋាន បានឲ្យដឹងថា ជនដៃដល់ឈ្មោះ រ៉េត អាយុជាង ៣០ឆ្នាំ ចំណែកជនរងគ្រោះ<br />រួមមាន ទី១ ឈ្មោះ ហេង សុភា ភេទប្រុស អាយុ ២៥ឆ្នាំ ស្នាក់នៅក្នុងសង្កាត់ស្រះចក ខណ្ឌដូន<br />ពេញ រងរបួសធ្ងន់ បែកក្បាលសន្លប់ស្តូកស្តឹង ទី២ ឈ្មោះ អ៊ី សុធី អាយុ ៥១ឆ្នាំ ជាម្ចាស់ផ្ទះ និង<br />ជាជនពិការស្វិតជើងទាំងពីរ (ប្តី) របួសដៃស្តាំ និងទី៣ឈ្មោះ ញឹក ធីតា អាយុ ៥៥ឆ្នាំ ជាប្រពន្ធ<br /> របួសដៃស្តាំ និងស្រ្តីម្នាក់ទៀត ដែលបម្រើការងារនៅក្នុងខាងលើ ។</p>
<p>ប្តីប្រពន្ធម្ចាស់ផ្ទះបានឱ្យដឹងថា មុនពេលកើតហេតុ កាលពីវេលាម៉ោង ៥ល្ងាច ឈ្មោះ រ៉េត ដែល<br />ធ្លាប់រស់នៅក្នុងភូមិស្គាល់គ្នា បានមកសុំបាយគាត់ហូប បន្ទាប់ពីហូបបាយ ហើយជននោះ បាន<br />ចេញទៅ លុះមកដល់ម៉ោងប្រមាណ ១១យប់ ស្រាប់តែឈ្មោះ រ៉េត បានត្រលប់មកវិញ កាន់ដែក<br />បំពង់ទីបនៅនឹង ដៃចូលវាយពួកគាត់ដល់ ក្នុងផ្ទះតែម្តង ។</p>
<p>ក្រោយកើតហេតុ ជនរងគ្រោះ និងជនដៃដល់ ដែលរងរបួសធ្ងន់ធ្ងរត្រូវបានបញ្ជូនទៅសង្រ្គោះ<br />នៅមន្ទីរពេទ្យឯកជន ចំណែកប្តីប្រពន្ធ ២នាក់ ត្រូវសមត្ថកិច្ចធ្វើការសាកសួរបន្ត ៕</p>
<p style="text-align: center;"><img src="http://111.92.240.170:81//dap-news/dap-images/2013/August/id-007/Pheak-0009.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/August/id-007/Pheak-0010.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/August/id-007/Pheak-0011.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/August/id-007/Pheak-0012.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/August/id-007/Pheak-0013.jpg" alt="Photo by DAP-NEWS" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>