<p><span style="color: #000000;">ព័ត៌មានអន្តរជាតិ ៖ អគ្គមេធាវី ប្រទេស ម៉ិចសិក គូសបញ្ជាក់អោយដឹងថា លោកអាចបញ្ជាក់បាន ពីអ្វី ដែលបានកើតឡើងពិតប្រាកដ ទៅលើករណីក្រុមសិស្ស និស្សិត បាត់ខ្លួនទាំង ៤៣ នាក់កាលពីអំឡុង ខែ សីហាកន្លងទៅនេះ ពីភាគខាងត្បូងរដ្ឋ Guerrero ។ </span></p>
<p><span style="color: #000000;"><a class="thickbox" title="" href="/FileManager/Commons/2015/1/28/22-28-01-2015--09-20-12.jpg"><img src="/FileManager/Articles/mce/2015/1/28/22-28-01-2015--09-20-12.jpg" alt="" /></a><br /></span></p>
<p><span style="color: #000000;">អគ្គមេធាវី លោក Jesus Murillo Karam ស្រាយបំភ្លឺអោយដឹងថា ក្រុមការងារជំនាញរបស់លោក បាន ធ្វើបទសម្ភាសន៍ជាមួយនឹងក្រុមមនុស្ស ៩៩ នាក់ ក្នុងនោះ រួមមានសមាជិក ក្រុមជន អន្ធពាលដូចគ្នា ដែរ ដែលលោកធ្លាប់បញ្ជាក់ដោយភស្តុតាងថា ពួកគេគឺជា ជនដៃដល់ សម្លាប់សិស្ស និស្សិតទាំងនោះ</span></p>
<p><span style="color: #000000;">គួរបញ្ជាក់ថា អ្វីដែលជាការលើកឡើងនេះ លោក លោក Jesus Murillo Karam ស្រាយបំភ្លឺ អោយដឹង មួយថ្ងៃបន្ទាប់ពីសមាជិកក្រុមគ្រួសារ សិស្សនិស្សិត បាត់ខ្លួនទាំងអស់ ចេញមកប្រមូលផ្តុំគ្នា ធ្វើការតវ៉ា នៅក្នុងទីក្រុង ម៉ិចសិក ។ ពួកគេចេញមកតវ៉ា ដោយតម្រូវអោយរដ្ឋាភិបាល ចេញចំណាត់ ការផ្លូវការ និងជាក់ស្តែង ដើម្បីបញ្ជាក់អោយបាន ពីមូលហេតុពិត ទៅលើអ្វីដែលបានកើតឡើង រយៈ ពេល ៤ ខែ បន្ទាប់ពីក្រុមសិស្សនិស្សិតទាំងអស់បាត់ខ្លួន ។ </span></p>
<p><span style="color: #000000;">សេចក្តីរាយការណ៍ បញ្ជាក់ថា លោក Murillo Karam នៅតែ ទទូច បញ្ជាក់ បានថា ក្រុមសិស្សនិស្សិត ទាំងនោះ ត្រូវបានសម្លាប់ស្លាប់បាត់ទៅហើយ ដោយក្រុម ជន អន្ធពាល ខណៈសាកសព របស់ពួកគេ ត្រូវបានដុតកម្ទេចចោល នៅឯវាលចាក់សម្រាម ។ យ៉ាងណាមិញ ការលើកឡើងដូចនេះ បើទោះជា មានតម្រុយយ៉ាងណាក៏ដោយចុះ ក៏ក្រុមសាច់ញ្ញាត្តិ សិស្ស និស្សិត បាត់ខ្លួន នៅតែបន្តបដិសេធនៅ ឡើយ ។ លោក Murillo បន្តអោយដឹងថា ក្រុមរបស់លោក មានចម្លើយសារភាព ជនសង្ស័យទាំង ៣៩ នាក់ ពីមន្រ្តីប៉ូលីស ក៏ដូចជា ពីសមាជិកក្រុមជនពាលដូចគ្នាដែរ ។ </span></p>
<p><span style="color: #000000;">អ្នកឆ្លើយឆ្លងសារព័ត៌មាន បញ្ជាក់អោយដឹងថា នេះជាលើកទីមួយហើយ សម្រាប់លោក Murillo ចេញ មុខបកស្រាយអោយដឹងថា សិស្សនិស្សិតទាំងអស់ បានស្លាប់បាត់ទៅហើយ ។ បំណែកសាកសព ក៏ ដូចជាសំណល់សាកសព ជនរងគ្រោះតែម្នាក់នោះ ត្រូវ បានបញ្ជាក់ អត្ត សញ្ញាណ ក្រោយពីឆ្អឹងដុត កម្លោចខ្លាំងរបស់គេ បញ្ជូនទៅមន្ទីរពិសោធន៍ ក្នុងប្រទេស Austria សម្រាប់ ធ្វើ ការវិភាគ រក DNA ។ ផ្ទុយទៅវិញ មន្ទីរពិសោធន៍ អះអាងអោយដឹងថា ពុំមានលទ្ធភាពក្នុងការបញ្ជាក់ អត្តសញ្ញាណ ជនរង គ្រោះផ្សេងៗទៀតនោះទេ ពីព្រោះតែ លក្ខខ័ណ្ឌសំណាកគម្រូយកមកពិសោធន៍ នោះ ខូចខាតស្ទើរតែ ទាំងស្រុង ៕</span></p>
<p><span style="color: #0000ff;"><a href="/News/Detail/75968/mexico-missing-students-guerreros-unidos-gang-member-arrested" target="_blank"><span style="color: #0000ff;">- អាន ៖ រឿងអាស្រូវ ៖ អភិបាលក្រុង នៅពីក្រោយ ការបញ្ជា សម្លាប់ដុតសិស្ស និស្សិតបាត់ខ្លួន ទាំង ៤៣ នាក់</span></a></span></p>
<p><span style="color: #0000ff;"><a href="/News/Detail/91487/mexico-mass-grave-discovered-near-iguala" target="_blank"><span style="color: #0000ff;">- អាន ៖ ព្រឺក្បាល ៖ រកឃើញ សាកសព ជាច្រើនសិបនាក់ ផ្តុំនៅផ្នូរតែមួយ សង្ស័យជាសព សិស្សនិស្សិត បាត់ខ្លួន (វីដេអូ)</span></a></span></p>
<p><span style="color: #000000;"><a class="thickbox" title="" href="/FileManager/Commons/2015/1/28/20-28-01-2015--09-19-57.jpg"><img src="/FileManager/Articles/mce/2015/1/28/20-28-01-2015--09-19-57.jpg" alt="" /></a></span></p>
<p><a class="thickbox" title="" href="/FileManager/Commons/2015/1/28/21-28-01-2015--09-20-04.jpg"><img src="/FileManager/Articles/mce/2015/1/28/21-28-01-2015--09-20-04.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/1/28/20-28-01-2015--09-19-57.jpg"></a><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ប៊ីប៊ីស៊ី</span></p>