<p><span style="color: #000000;"><strong>ភ្នំពេញ៖</strong> តារាចម្រៀងប្រុស ធ្លាប់លេចឈ្មោះល្បីលោក អេរិច ក្រោយពី បែកធ្លាយដំណឹង ស្នេហាក្រៅឆាកជាបន្តបន្ទាប់ រួចមក រហូតមកដល់ពេលនេះ ហាក់ដូចជាបាត់មុខបាត់មាត់ ពីសិល្បៈស្ទើរតែទាំងស្រុងទៅហើយ ។ ប៉ុន្តែ មុននេះបន្តិច ស្រាប់តែឃើញ តារាប្រុសរូបនេះ បានបង្ហោះរូបថត បង្ហាញពីភាពស្និទ្ធជាមួយ នារីវ័យក្មេងម្នាក់ដែល មានវ័យប្រហាក់ ប្រហែលគ្នា ។</span></p>
<p><span style="color: #000000;">ថ្មីៗនេះ នៅលើបណ្តាញសង្គម ទំនាក់ទំនង Facebook របស់តារាចម្រៀងប្រុស លោក អេរិច គេបានឃើញលោក បង្ហោះ នូវរូបថតចំនួន ១ សន្លឹក ថតលក្ខណៈកៀកកើយ ជាមួយនារីម្នាក់ ដែលមានវ័យស្របាលគ្នានឹងលោក ។</span></p>
<p><span style="color: #000000;">ការបង្ហាញរូបភាព មើលទៅហាក់មានភាពស្និទ្ធស្នាលនេះ បានធ្វើឱ្យ មិត្តភក្តិនៅ ក្នុងfacebook ក៏ដូចជាអ្នកដែល បានឃើញរូបថតនេះ មានភាពភ្ញាក់ផ្អើលគ្រប់គ្នា និង មានការសង្ស័យចំពោះសកម្មភាព ដ៏ស្និទ្ធស្នាលប្លែកនេះ ។</span></p>
<p><span style="color: #000000;">ទោះបីជាយ៉ាងណាក៏ដោយ គេមិនទាន់ដឹងទេថា អ្នកទាំងពីរនេះមានទំនាក់ទំនងស៊ីជម្រៅ បែបណាជាមួយគ្នាទើប បានជាស្និទ្ធស្នាល ជាមួយគ្នាខ្លាំងបែបនេះ ។ ប្រាប់គេហទំព័រ LookingTODAY នៅរសៀលថ្ងៃទី២ ខែមេសា ឆ្នាំ ២០១៥នេះ តារាចម្រៀងលោក អេរិច បាននិយាយ ទាំងអស់សំណើយថា« នារីម្នាក់នេះមិនមែន ជាសង្សា ឬ គូ ស្នេហ៍ថ្មីថ្មោង ដូចគេសង្ស័យនោះឡើយគាត់គឺជាអ្នករួមអាជីពការងារ ខាងក្រៅជាមួយគ្នា តែប៉ុណ្ណោះដូច្នេះសុំបង ប្អូនក៏ដូចមិត្តភក្តិក្នុងហ្វេសប៊ុកទាំងអស់ កំមានការ យល់ច្រឡំ » ។</span></p>
<p><span style="color: #000000;">លោក អេរិច បានបញ្ជាក់ទៀតថា «ខ្ញុំ និងគាត់គ្រាន់តែមិត្តរួមការងារប៉ុណ្ណោះ គ្មានអីផ្សេងពីនេះទេ ហើយរូបថតនេះ គឺពួកយើងបានថត ជាមួយគ្នាកាលពីទៅធ្វើនៅជប៉ុន នាអំឡុងចុងខែមករា ឆ្នាំ២០១៥ កន្លងនេះ។ ខ្ញុំក៏សូមច្រាន ចោលចំពោះការលើកឡើងថា ខ្ញុំមានទំនាក់ទំនងស្នេហា ឬជាការចាប់ផ្តើម នៃសម្ព័ន្ធភាពមេត្រីស្នេហ៍ ជាមួយគ្នា ព្រោះភាពស្និទ្ធស្នាលនេះ គ្រាន់តែក្នុងលក្ខណៈការងារប៉ុណ្ណោះ» ៕</span></p>
<p><span style="color: #000000;"><a class="thickbox" title="" href="/FileManager/Commons/2015/4/3/10-03-04-2015--08-46-34.jpg"><img src="/FileManager/Articles/mce/2015/4/3/10-03-04-2015--08-46-34.jpg" alt="" /></a></span></p>
<p><a class="thickbox" title="" href="/FileManager/Commons/2015/4/3/11-03-04-2015--08-46-42.jpg"><img src="/FileManager/Articles/mce/2015/4/3/11-03-04-2015--08-46-42.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/4/3/10-03-04-2015--08-46-34.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>