<div class="article-content">
<p><strong>បាត់ដំបង</strong> ៖ ស្ដ្រីជាភរិយារបស់មន្ដ្រី គយ ប្រចាំការ នៅស្រុកម៉ាឡៃម្នាក់ បានដាច់ចិត្ដ ផឹកថ្នាំ<br />បំពុលសម្លាប់ខ្លួន ដោយសារតែមាន វិបត្ដិជំពាក់បំណុលគេវ័ញ្ចកហើយគ្មានប្រាក់សង ដោយ<br />ករណីនេះ បានកើតឡើងកាលពី ថ្ងៃទី២៧ ខែកក្កដា ឆ្នាំ២០១៣ កន្លងទៅនេះ ស្ថិតនៅផ្ទះ<br />របស់ជនរងគ្រោះ ដែលមានទីតាំង នៅភូមិត្រពាំងព្រលិត ឃុំសន្ដិភាព ស្រុកសំពៅលូន ខេត្ដ<br />បាត់ដំបង ។</p>
<p>សាកសពជនរងគ្រោះ ត្រូវបានគេស្គាល់ ឈ្មោះកិល កេង អាយុ ៣២ឆ្នាំ មានប្ដីជាមន្ដ្រី គយ<br />ប្រចាំការនៅមាត់ច្រកស្រុកម៉ាឡៃ ខេត្ដ បន្ទាយមានជ័យ តែគេមិនបានប្រាប់ឱ្យដឹង ថា ប្ដីស្ដ្រី<br />រងគ្រោះមានឈ្មោះអ្វីនោះទេ តែ រូបនាង ក៏ត្រូវបានគេស្គាល់ផងដែរថា គឺជា កូនស្រីរបស់<br />លោកអធិការរងស្រុកសំពៅ លូន ឈ្មោះ មាស គាំ ផងដែរ ។</p>
<p>សូមបញ្ជាក់ថា កាលពីវេលាម៉ោង៦ព្រឹក ថ្ងៃទី២៧ ខែកក្កដា ឆ្នាំ២០១៣កន្លងទៅនេះ នៅក្នុង<br />ផ្ទះស្ដ្រីរងគ្រោះ គេបានប្រទះឃើញ រូបនាងដេកសន្លប់ស្ដូកស្ដឹង ហើយក៏ត្រូវបាន សាច់ញាតិ<br />បញ្ជូនយកទៅធ្វើការសង្គ្រោះ នៅ មន្ទីរពេទ្យខេត្ដច័ន្ទបូរី ប្រទេសថៃ ហើយមួយថ្ងៃក្រោយមក<br /> គឺនៅវេលាម៉ោង៥ល្ងាច ស្ដ្រីរងគ្រោះបានបាត់បង់ជីវិតដោយក្រុម គ្រូពេទ្យអះអាងថា រូបនាង<br />បានផឹកថ្នាំបំពុល ជាប្រភេទថ្នាំសម្រាប់បាញ់សម្លាប់ស្មៅ មិន អាចជួយសង្គ្រោះបានឡើយ។</p>
<p>នៅព្រឹកថ្ងៃទី២៩ ខែកក្កដា ឆ្នាំ២០១៣ សពស្ដ្រីរងគ្រោះត្រូវបានសាច់ញាតិនាំយកមកតម្កល់<br />ធ្វើបុណ្យ នៅក្នុងលំនៅដ្ឋានរបស់ ខ្លួនវិញ ដោយក្នុងនោះគេក៏បានឃើញមនុស្ស ៣-៤នាក់ <br />ដែលអះអាងថា ជាម្ចាស់បំណុល មកចូលរួមបុណ្យសពផងដែរ ។</p>
<p>ពាក់ព័ន្ធទៅនឹង ករណីអត្ដឃាតខាងលើ នេះបើតាមប្រភពព័ត៌មាន បានបង្ហើបឱ្យដឹង ថា <br />ដោយសារតែ ស្ដ្រីរងគ្រោះកន្លងមកមាន ជំពាក់បំណុលគេជាច្រើនម៉ឺនដុល្លារ ហើយគ្មាន <br />លុយសង។ ចំណែកប្ដីដែលធ្វើជាមន្ដ្រីគយ មួយរូបនោះ ត្រូវបានគេអះអាងថា មិនទទួល <br />ខុសត្រូវចំពោះ ករណីប្រពន្ធជំពាក់បំណុលគេ នោះឡើយ ទើបធ្វើឱ្យស្ដ្រីជាប្រពន្ធ គ្មានវិធី <br />ដោះស្រាយ ក៏សម្រេចជ្រើសរើសយកការ សម្លាប់ខ្លួន ដើម្បីបញ្ចប់វិបត្ដិបែបនេះទៅ៕</p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0746.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>