<p>Cheong-Choon Ng អតីតវិស្វកររបស់ក្រុមហ៊ុន Nissan Motor នៅអាមេរិក បានរកឃើញវិធីរក<br />ប្រាក់ពីការលក់ខ្សែកៅស៊ូចម្រុះពណ៌ ដើម្បីត្បាញជាខ្សែដៃ តម្លៃ ១៧ដុល្លារអាមេរិក។ ប្រភេទ<br />របស់លេងនេះ ត្រូវបានកុមារអាមេរិក ចូលចិត្តយ៉ាងខ្លាំង ហើយក្នុងរយៈពេលពីរឆ្នាំកន្លងមក <br />ផលិតផលនេះត្រូវលក់ចេញ រាប់លានឈុត។</p>
<p style="text-align: center;"><a class="thickbox" title="" href="/FileManager/Commons/2013/9/2/rainbow-loom1-02-09-2013--11-42-41.jpg"><img style="display: block; margin-left: auto; margin-right: auto;" src="/FileManager/Articles/mce/2013/9/2/rainbow-loom1-02-09-2013--11-42-41.jpg" alt="" /></a></p>
<p style="text-align: center;">Cheong-Choon Ng អ្នកបង្កើតក្រុមហ៊ុន Rainbow Loom លក់ខ្សែកៅស៊ូ</p>
<p>ទំព័រ CNN បានចេញផ្សាយថា កុមារនៅពាសពេញប្រទេសអាមេរិក កំពុងតែនាំគ្នាសប្បាយជា<br />មួយល្បែងត្បាញខ្សែកៅស៊ូ ដែលមានពណ៌ស្រស់ស្អាត ជាខ្សែដៃ។ កៅស៊ូដែលមានយីហោ<br /> Rainbow Loom ក្នុងមួយឈុតៗ ត្រូវបានគេលក់ក្នុងតម្លៃ ១៧ដុល្លារ ដោយរួមមានខ្សែកៅស៊ូ<br />ចំនួន ៦០០កង និងមានពណ៌គ្រប់ប្រភេទ រួមនិងឧបករណ៍ត្បាញផងដែរ។ វីដេអូណែនាំអំពីវិធី<br />ត្បាញក៏ត្រូវបានគេបង្ហោះ និងចែករំលែកនៅពេញអ៊ីនធើរណិត។<br /><br />Michaels Stores ដែលជាបណ្ដាញលក់សម្ភារៈសិប្បកម្មធំមួយនៅអាមេរិក បានទទួលទិញ<br />ផលិតផលនេះ កាលពីដើមខែ ៨ ហើយពេលនេះ Rainbow Loom ក៏កំពុងតែលក់ដាច់បាន<br />ច្រើនជាងមុនដល់ទៅ ១០ដង នេះបើតាម Philo Pappas អ្នកគ្រប់គ្រងរងរបស់ក្រុមហ៊ុន ខ្សែ<br />កៅស៊ូនេះ។<br /><br />កៅស៊ូកង ដែលមានពណ៌ដ៏ស្រស់ស្អាតនេះ គឺជាគំនិតរបស់ Cheong-Choon Ng ជាអតីត<br />វិស្វកររបស់ Nissan Motor នៅតំបន់ Detroit អាមេរិក។ ចាប់តាំងពីបានបង្ហាញខ្លួនក្នុងទីផ្សារ<br />អាមេរិក កៅស៊ូកង រាប់លានឈុត ត្រូវបានលក់ចេញ។</p>
<p>កាលពីបីឆ្នាំមុន Cheong-Choon Ng បានឃើញកូនស្រីរបស់ខ្លួនពីរនាក់ គឺ Teresa អាយុ ១២<br />ឆ្នាំ និង Michelle អាយុ ៩ឆ្នាំ នាំគ្នាត្បាញកៅស៊ូជាខ្សែដៃ។ ប្រការនេះ ធ្វើឱ្យគាត់នឹកឃើញកាល<br />ពីខ្លួននៅតូច នៅ Malaysia ដែលកាលណោះគាត់តែងយកកៅស៊ូមកធ្វើជាខ្សែសម្រាប់លោត<br />លេង។ Cheong-Choon Ng បានយកកៅស៊ូតូចមួយចំនួន ត្បាញជាខ្សែដៃ ប៉ុន្ដែប្រភេទកៅស៊ូ<br />នេះតូច ធៀបនឹងម្រាមដៃរបស់គាត់។</p>
<p style="text-align: center;"><a class="thickbox" title="" href="/FileManager/Commons/2013/9/2/rainbow-loom4-02-09-2013--11-43-37.jpg"><img src="/FileManager/Articles/mce/2013/9/2/rainbow-loom4-02-09-2013--11-43-37.jpg" alt="" /></a><br />Rainbow Loom អាចបង្កើតខ្សែដៃដែលមានពណ៌ស្រស់ស្អាត ដោយកៅស៊ូ</p>
<p>ដូច្នេះ Cheong-Choon Ng ក៏បានចូលហ្គារ៉ាស និងបង្កើតឧបករណ៍តម្បាញសាមញ្ញមួយធ្វើអំពី<br />ឈើ។ ក្រោយក គាត់ក៏ចាប់ផ្ដើមត្បាញជាកង។ ដំបូង កូនៗរបស់គាត់ ហាក់មិនពេញចិត្តប៉ុន្មាន ប៉ុន្ដែនៅពេលបានឃើញល្បឿននៃការត្បាញរបស់ពុក ពួកគេក៏បានប្ដូរការយល់ឃើញ។</p>
<p>នៅពេលទៅសាលារៀន កូនៗរបស់ Cheong-Choon Ng បានសម្លឹងឃើញនូវសក្កដានុពល<br />ដែលអាចរកប្រាក់បាន បន្ទាប់ពីឃើញមិត្តរបស់ពួកគេចូលចិត្ដឧបករណ៍ដែលពុកបានបង្កើត<br />ឡើង។ ដូច្នេះ Cheong-Choon Ng ក៏បានសម្រេចចិត្តចំណាយប្រាក់ ១០,០០០ដុល្លារដែលបាន<br />សន្សំទុកឱ្យកូនរៀន ដើម្បីធ្វើជាដើមទុនដំបូង។<br /><br />Cheong-Choon Ng បានចំណាយពេល ៦ខែ បង្កើតបាន ២៨ម៉ូដ ដើម្បីជ្រើសយកម៉ូដមួយដែល<br />ល្អ និងស្អាតជាងគេបង្អស់។ ក្រោយមក គាត់ក៏បានទាក់ទងអ្នកផ្គត់ផ្គង់នៅចិន ហើយបានទទួល<br />ទំនិញដំបូងនាខែមិថុនា ឆ្នាំ ២០១១ ។ ទំនិញដំបូងនេះ មានទម្ងន់ ជាង ៩០០គីឡូក្រាម។</p>
<p style="text-align: center;"><a class="thickbox" title="" href="/FileManager/Commons/2013/9/2/rainbow-loom5-02-09-2013--11-44-29.jpg"><img style="display: block; margin-left: auto; margin-right: auto;" src="/FileManager/Articles/mce/2013/9/2/rainbow-loom5-02-09-2013--11-44-29.jpg" alt="" /></a>ផលិតផលនេះមួយឈុត រួមមាន គ្រោងសម្រាប់ត្បាញកៅស៊ូ និងកៅស៊ូ ៦០០កង មានតម្លៃ<br /> ១៧ដុល្លារអាមេរិក</p>
<p>ដំបូងឡើយ Rainbow Loom ត្រូវបានលក់ចេញក្នុងល្បឿនយឺតៗ។ នៅពេលគាត់ទៅកាន់ហាង<br />ទំនិញដើម្បីបញ្ចុះបញ្ចូលម្ចាស់ហាង ពេលខ្លះគាត់ក៏ត្រូវគេដេញតាមរបៀប “ការទូត” ទៀតផង។ <br /><br />ជំហានថ្មីមួយ បានកើតឡើងកាលពីខែកក្កដា ឆ្នាំ ២០១២ នៅពេលហាងមួយរបស់បណ្ដាញ<br /> The Learning Express Toys បានទទួលលក់ផលិតផលរបស់ Cheong-Choon Ng ។ ហាងមួយ<br />នេះ ថែមទាំងបង្កើតវគ្គបណ្ដុះបណ្ដាលរបៀបត្បាញ ដល់អតិថិជន។</p>
<p>Cheong-Choon Ng និយាយថា ៖ “មានពេលមួយនោះ ហាងមួយរបស់ The Learning Express<br /> Toys បានហៅទូរស័ព្ទមកយើងខ្ញុំ ប្រាប់ថា បានលក់អស់ ២៤ប្រអប់ក្នុងមួយសប្ដាហ៍ ហើយ<br />ក្រោយមកគឺ ៩៦ប្រអប់ក្នុងមួយសប្ដាហ៍”។ កូនស្រីរបស់ Cheong-Choon Ng គឺ Teresa និង <br />Michelle សុទ្ធតែយក Rainbow Loom ទៅសាលារៀនដើម្បីឃោសនាដល់មិត្តភ័ក្ដិ។</p>
<p>នៅមុនថ្ងៃបុណ្យណូអែលឆ្នាំ ២០១១ តម្រូវការនៃការលេងល្បែងនេះ បានកើនឡើងខ្លាំង។ <br />Cheong-Choon Ng ឱ្យដឹងថា ៖ “មានការបញ្ជាទិញជាច្រើន ត្រូវបានបញ្ជូនមក ហើយយើងខ្ញុំ<br />ត្រូវស្វែងរកជំនួយពីគ្រប់កន្លែង”។ ការបញ្ចូលផលិតផលសម្រេចទៅក្នុងប្រអប់ នៅតែត្រូវបាន<br />ធ្វើឡើងដោយគ្រួសាររបស់លោក។</p>
<p style="text-align: center;"><a class="thickbox" title="" href="/FileManager/Commons/2013/9/2/rainbow-loom2-02-09-2013--11-46-59.jpg"><img style="display: block; margin-left: auto; margin-right: auto;" src="/FileManager/Articles/mce/2013/9/2/rainbow-loom2-02-09-2013--11-46-59.jpg" alt="" /></a>Michelle កូនស្រីអាយុ ១២ឆ្នាំ របស់ Cheong-Choon Ng កំពុងធ្វើការឱ្យពុកនាង</p>
<p>បើទោះជារកបានប្រាក់រាប់លានដុល្លារ ប៉ុន្ដែ គ្រួសាររបស់ Cheong-Choon Ng មិនបានចាយ<br />វាយខ្ជះខ្ជាយនោះទេ។ Cheong-Choon Ng នៅតែបើកបររថយន្ដដែលមានអាយុ ១២ឆ្នាំ ចំណែក<br /> ប្រពន្ធរបស់គាត់ ក៏តែងចាំរកទិញរបស់ដែលគេបញ្ចុះតម្លៃ។ ប្រាក់ចំណេញដែលរកបាន ត្រូវ<br />បាន Cheong-Choon Ng វិនិយោគជាថ្មី ទៅលើ Rainbow Loom និងរកនឹកបង្កើតផលិតផលម៉ូដ<br />ថ្មី ដើម្បីទាក់ទាញអតិថិជន៕</p>
<p style="text-align: right;"><br />ដោយ ៖ តារា<br />ប្រភព ៖ CNN/nytimes<br /><br /><br /></p>