<p>Facebook ដែលជាបណ្ដាញសង្គមធំបំផុតក្នុងពិភពលោក ថ្មីៗនេះ បានបញ្ចេញនូវមុខងារថ្មីមួយ <br />អនុញ្ញាតឱ្យអ្នកប្រើប្រាស់ ប្រគល់សិទ្ធិកាន់កាប់គណនី Facebook របស់ខ្លួន ទៅឱ្យអ្នកផ្សេង នៅ<br />ពេលខ្លួនបានបាត់បង់ជីវិត។</p>
<p style="text-align: center;"><a class="thickbox" title="" href="/FileManager/Commons/2015/2/13/fa-13-02-2015--14-08-01.jpg"><img src="/FileManager/Articles/mce/2015/2/13/fa-13-02-2015--14-08-01.jpg" alt="" /></a></p>
<p>មុខងារនេះ ស្ថិតនៅក្នុងបញ្ជីគ្រប់គ្រងគណនី (Manage Your Account) នៃទំព័រជំនួយ (help)។ <br />ក្នុងនោះ អ្នកត្រូវបានអនុញ្ញាតឱ្យជ្រើសរើសម្ចាស់គណនី Facebook ណាមួយដែលជាមិត្ត ឬជា<br />ញាតិរបស់អ្នក ដើម្បីឱ្យជួយគ្រប់គ្រងមុខងារមួយចំនួននៃទំព័ររបស់ Facebook របស់អ្នក ដូចជា<br /> រូបតំណាង រូបក្របមុខ។ល។ បន្ទាប់ពីអ្នកបានស្លាប់។</p>
<p>ក្រៅពីនេះ អ្នកប្រើប្រាស់ក៏អាចជ្រើសរើសមុខងារលុបគណនីរបស់ខ្លួន បន្ទាប់ពីបានបាត់បង់<br />ជីវិត។ មុននេះ Facebook ក៏ធ្លាប់មានមុខមួយ ដែលជួយឱ្យអ្នករាល់គ្នា ប្រកាសអំពីការលាចាក<br />លោករបស់អ្នកលេង Facebook ណាម្នាក់ផងដែរ។</p>
<p style="text-align: center;"><a class="thickbox" title="" href="/FileManager/Commons/2015/2/13/facebook4-13-02-2015--14-09-38.jpg"><img src="/FileManager/Articles/mce/2015/2/13/facebook4-13-02-2015--14-09-38.jpg" alt="" width="463" height="394" /></a></p>
<p style="text-align: center;">បច្ចុប្បន្ន មុនងារនេះ ត្រូវបានគេដាក់ឱ្យប្រើប្រាស់នៅអាមេរិក<br /><br /></p>
<p>Vanessa Callison-Burch ដែលជានាយកផ្នែកផលិតផលរបស់ Facebook យល់ថា ៖ “មនុស្ស<br />រាល់គ្នា តែងមិនបានគិតដល់ប្រការនេះ រហូតដល់ពួកគេបានធ្លាក់ទៅក្នុងស្ថានភាពនៃការបាត់<br />បង់”។</p>
<p style="text-align: center;"><a class="thickbox" title="" href="/FileManager/Commons/2015/2/13/facebook3-13-02-2015--14-08-37.jpg"><img src="/FileManager/Articles/mce/2015/2/13/facebook3-13-02-2015--14-08-37.jpg" alt="" /></a></p>
<p style="text-align: center;">មុនងារនេះ មិនទាន់មានសម្រាប់ប្រទេសកម្ពុជានៅឡើយ<br /><br /></p>
<p>មុខងារប្រគល់មរតករបស់ Facebook នេះ បច្ចុប្បន្ន ត្រូវបានគេដាក់ឱ្យប្រើប្រាស់នៅអាមេរិក <br />ហើយប្រទេសកម្ពុជា និងប្រទេសផ្សេងៗទៀត មិនទាន់មានមុខងារនេះនៅឡើយ។ ប៉ុន្ដែ ពេលដ៏<br />ខ្លីខាងមុខ <a href="https://www.facebook.com/help/1568013990080948" target="_blank"><strong><span style="color: #0000ff;">មុខងារនេះ</span></strong></a>នឹងមាននៅទូទាំងពិភពលោក៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ CNN/Internet <br /><br /></p>