<div class="ja-content-main">
<div class="article-content">
<p><strong>កែប ៖</strong> អ្នកបើករថយន្ត ងងុយដេក បានបើករថយន្តកូរ៉េ ១ តោនកន្លះ ក្នុងល្បឿនយ៉ាងលឿន ក៏ជ្រុល ចង្កូត ទៅបុកតូបលក់ឥវ៉ាន់ចាប់ហួយ របស់ប្រជាពលរដ្ឋ នៅជាប់ផ្លូវជាតិលេខ ៣៣ ធ្លាយពីមុខរហូត ដល់ក្រោយ ប៉ុន្តែសំណាងល្អ គ្មានភាគីណាមួយ ទទួលរងគ្រោះថ្នាក់ឣ្វីឡើយ ។</p>
<p>ហេតុការណ៍នេះកើតឡើង នៅវេលាម៉ោង ៧ និង៥០នាទីព្រឹក ថ្ងៃទី០៥ ខែមិថុនា ឆ្នាំ២០១៤ នៅ ចំណុចដើមព្រីង លើកំណាត់ផ្លូវជាតិលេខ ៣៣ ស្ថិតក្នុងភូមិភ្នំលាវ ឃុំពងទឹក ស្រុកដំណាក់ចង្អើរ ខេត្ត កែប ។</p>
<p>តាមសាក្សី នៅកន្លែងកើតហេតុបានឲ្យដឹងថា មុនពេលកើតហេតុ គេបានឃើញរថយន្តម៉ាក កូរ៉េ១តោន កន្លះ ពណ៌ស ពាក់ស្លាកលេខ កែប 2A -0011 ធ្វើដំណើរតាមបណ្ដោយផ្លូវជាតិលេខ ៣៣ ក្នុងទិសដៅ ពីលិចទៅកើត ក្នុងល្បឿនយ៉ាងលឿន លុះមកដល់ចំណុចកើតហេតុ មិនដឹងជាកើតហេតុអី ស្រាប់តែ រថយន្តរ៉េចង្កូត ទៅបុកចំតូបលក់ឥវ៉ាន់ពេញទំហឹង ពីមុខ ធ្លុះដល់ក្រោយប ។ ក្រោយកើតហេតុភ្លាម អ្នក បើករថយន្ត ចុះរត់គេចខ្លួនបាត់ ។</p>
<p>លោក សែម បញ្ញាមន ឣធិការនគរបាល ស្រុកដំណាក់ចង្អើរ បានឲ្យមជ្ឈមណ្ឌលព័ត៌មានដើមឣម្ពិល ដឹងថា ម្ចាស់រថយន្តបង្កមានឈ្មោះ ជីវ មក់ ភេទប្រុស មានទីលំនៅភូមិកែប សង្កាត់កែប ក្រុង ខេត្ត កែប ។</p>
<p>តាមប្រភពព័ត៌មាន ចុងក្រោយបានឲ្រដឹងថា ខាងរថយន្តបង្ក និងខាងម្ចាស់ផ្ទះ បានឈានទៅដោះ ស្រាយគ្នារួចរាល់ឣស់ហើយដែរ ៕</p>
<p><img src="http://image.dap-news.com:81/dap-news/dap-images/2014/June/id-015/T-0091.jpg" alt="" width="500" /></p>
<p><img src="http://image.dap-news.com:81/dap-news/dap-images/2014/June/id-015/T-0092.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
<div></div>
</div>
</div>