<p>ដោយសារតែទើបត្រូវបានរើមកពីទីតាំងចាស់ដែលបានបាក់ទៅក្នុងទន្លេស្ទើរតែទាំង<br />ស្រុង ដូច្នេះវត្តសំពោងផលអណ្ដែតក៏កំពុងត្រូវការការកសាងជាបន្ដបន្ទាប់ ចាប់ពីកុដ<br />សម្រាប់ព្រះសង្ឃគង់នៅ និងសាលាឆទាន។ល។</p>
<p>វត្តសំពោងផលអណ្ដែតគឺជាអារាមមួយដែលត្រូវបានកសាងឡើងកាលពីដំបូងនៅម្ដុំ<br />កោះពេជ្រ ក្បែរកាស៊ីណូណាហ្គាបច្ចុច្ចប្បន្ន ប៉ុន្ដែដោយសារច្រាំងទន្លេចេះតែបាក់ជា<br />បន្ដបន្ទាប់ អារាមនេះក៏ត្រូវរើពីកន្លែងមួយទៅកន្លែងមួយ ដើម្បីរត់គេចពីទន្លេបាក់ច្រាំង។ <br />បច្ចុប្បន្ន វត្តសំពោងផលអណ្ដែតមានទីតាំងស្ថិតនៅក្នុងភូមិឬស្សីស្រស់ សង្កាត់និរោធ <br />ខណ្ឌមានជ័យ មានចម្ងាយពីច្រាំងទន្លេទល់មុខនឹងកោះពេជ្រប្រមាណជាជិតមួយគីឡូ<br />ម៉ែត្រ និងកំពុងមានគម្រោងសាងសង់សាលាឆទានមួយមានតម្លៃប្រហែលជាជាង<br /> ៤០០.០០០ ដុល្លារអាមេរិក ដោយក្នុងសសរមួយដើមមានតម្លៃប្រមាណជា ១.០០០<br />ដុល្លារ។</p>
<p>លោកគ្រូព្រះចៅអធិការវត្ដសំពោងផលអណ្ដែតមានសង្ឃដិការថា អារាមនេះមិនទាន់<br />មានព្រះវិហារនៅឡើង ហើយគោលបំណងនៃការសាងសង់សាលាឆទានថ្មីនេះគឺដើម្បី<br />យកដីនៅត្រង់សាលាឆទានចាស់ទុកធ្វើព្រះវិហារនាពេលអនាគត ព្រោះថា ផ្ទៃដីរបស់<br />វត្តនេះតូចចង្អៀត។</p>
<p>តាមគម្រោង សាលាឆទាននេះនឹងមានប្រវែងបណ្ដោយ ៤០ម៉ែត្រ ទទឹង ២០ម៉ែត្រ និង<br />មានកំពស់ប្រមាណជាជាង ៤០ម៉ែត្រ(បូករួមទាំងកំពូលសាលា) ចំណែកសសរក៏មាន<br />ចំនួនជាង ៤០ដើម(ជាមធ្យម ក្នុងមួយដើមមានតម្លៃប្រហែល ១.០០០ដុល្លារ)ផងដែរ។</p>
<p>លោកតាអាស្ចារ្យយូរ សមាជិកគណកម្មធិការវត្ដបានថ្លែងថា បច្ចុប្បន្នវត្តមិនទាន់មាន<br />ថវិការគ្រប់គ្រាន់នោះទេ គឺត្រូវសង្ឃឹមទាំងស្រុងទៅលើប្រជាពុទ្ធបរិស័ទទាំងក្នុង និងក្រៅ<br />ប្រទេស ជាពិសេសគឺរំពឹងទៅលើកសេចក្ដីជ្រះថា្ល និងការរួមចំណែកកសាងក្នុងវិស័យព្រះ<br />ពុទ្ធសាសនាពីសំណាក់សម្ដេច ឯកឧត្តម លោកជំទាវ លោក លោកស្រីនៅទូទាំងប្រទេស<br />កម្ពុជា។</p>
<p>ព្រះចៅអធិការវត្តសំពោងផលអណ្ដែតមានសង្ឃដិការថា ចំនួនទឹកប្រាក់ដែលនឹងត្រូវ<br />ចំណាយទៅលើការសាងសង់សាលាឆទាននេះគឺមិនក្រោម ៤០០.០០០ដុល្លារអាមេរិក<br />នោះទេ។ ព្រះអង្គរួមជាមួយនឹងគណកម្មធិការវត្តសូមអំពាវនាវដល់ប្រជាពុទ្ធបរិស័ទ<br />នៅគ្រប់ទិសទី ទាំងក្នុង និងក្រៅប្រទេស សូមចូលរួមចាប់មគ្គផលដើម្បីរួមចំណែកក្នុង<br />ការសាងសង់សាលាឆទាននេះដោយសេចក្ដីជ្រះថ្លា៕</p>
<p><a class="thickbox" title="" href="/FileManager/Commons/2012/4/5/5-001-05-04-2012--09-06-05.jpg"><img src="/FileManager/Articles/mce/2012/4/5/5-001-05-04-2012--09-06-05.jpg" alt="" /></a></p>
<p style="text-align: center;"><em>គម្រោងសាងសង់សាលាឆទានវត្តសំពោងផលអណ្ដែត</em></p>
<p><a class="thickbox" title="" href="/FileManager/Commons/2012/4/5/4-001-05-04-2012--09-04-10.jpg"><img src="/FileManager/Articles/mce/2012/4/5/4-001-05-04-2012--09-04-10.jpg" alt="" /></a></p>
<p style="text-align: center;"><em>សសរមានចំនួនជាង ៤០ដើម ក្នុងមួយដើមមានតម្លៃប្រហែល ១.០០០ដុល្លារ</em></p>
<p><a class="thickbox" title="" href="/FileManager/Commons/2012/4/5/botra-1-001-05-04-2012--09-04-47.jpg"><img src="/FileManager/Articles/mce/2012/4/5/botra-1-001-05-04-2012--09-04-47.jpg" alt="" /></a></p>
<p style="text-align: center;"><em>សាលាឆទាននេះនឹងមានកន្លែងចតយានយន្ដនៅជាន់ផ្ទាល់ដី និងមានស្ពាន</em><br /><em>សម្រាប់រថយន្ដបរឡើងដល់ទ្វារធំ</em><a class="thickbox" title="" href="/FileManager/Commons/2012/4/5/5-001-05-04-2012--09-06-05.jpg"></a></p>
<p style="text-align: right;"><a class="thickbox" title="" href="/FileManager/Commons/2012/4/5/5-001-05-04-2012--09-06-05.jpg"></a>ដោយ ៖ សូរីយ៉ា</p>