<p>ស្ទើរតែមិនគួរអោយជឿ ៖ លោក John Basile បើយោងតាមសេចក្តីរាយការណ៍ អះអាងអោយដឹងថា គាត់ប្រឈមនឹងការផ្តន្ទាទោស ខណៈគាត់មិនដឹងជាគិតយ៉ាងម៉េច បែរជានាំខ្លាកំណាចមួយក្បាល ដើរចួល បារ រាត្រីមួយកន្លែង មានឈ្មោះ Uncle Richie ក្នុងរដ្ឋ Illinois សហរដ្ឋអាមេរិក នេះបើយោង តាមការដកស្រង់អត្ថបទផ្សាយ ពីគេហទំព័រសារព័ត៌មានបរទេស ស្កាយ ។</p>
<p>ជាការពិត នាវិនាទីនោះ ក្រុមមនុស្ស ដែលមានវត្តមាននៅក្នុងបារ មួយកន្លែងខាងលើនេះពិតជាមាន ភាពភ្ញាក់ផ្អើលជាខ្លាំង ស្របពេលដែលបានឃើញ លោក Basile ដើរដឹកខ្សែ ខ្លាកំណាចចូលទៅក្នុង បារយ៉ាងដូច្នេះ ។</p>
<p>យ៉ាងណាមិញ បើយោងតាមសម្តីមន្រ្តីប៉ូលីស លោក Terry Lemming បានសរបញ្ជាក់អោយដឹងថា គាត់ពិតជាមានការព្រួយបារម្ភជាខ្លាំង ជាមួយនឹងហេតុការណ៍ខាងលើ ទាក់ទិន ទៅនឹងសុខសុវត្ថិ ភាពក្រុមមនុស្ស ប្រចាំតំបន់ ខណៈពេលដែលរឿងនោះ បានកើតឡើង នាវេលាម៉ោង ៧ និង ៣០ នាទីយប់ រាត្រី ថ្ងៃ អាទិត្យ កន្លងទៅនេះ ៕</p>
<p><object width="488" height="418" data="http://www.youtube.com/v/mHo_-wfANJc&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/mHo_-wfANJc&rel=1" /></object></p>
<p style="text-align: right;">ប្រែសម្រួល ៖ កុសល<br />ប្រភព ៖ ស្កាយ</p>