<div class="article-content">
<p><strong>រតនគិរី៖</strong> ជនសង្ស័យ ដែលពូកែ ខាងបាញ់បោះសេរី នាពេលកន្លងទៅ ឈ្មោះ សាត សឿន ហៅ<br />សឿន ផែនដី បានបាញ់ជាង១០គ្រាប់ នៅខាងមុខ ហាងខារ៉ាអូខេ ពន្លកមាស ស្ថិតនៅភូមិឡាប៉ូ <br />សង្កាត់យក្សឡោម ក្រុងបានលុង កាលពីវេលាម៉ោង ៩៖១៥នាទីយប់ថ្ងៃទី៧ ខែកក្កដា ឆ្នាំ២០១៣<br /> ដោយសារតែខឹង ហៅនារីបម្រើ ខារ៉ាអូខេមិនព្រមមក ។</p>
<p>តែចំពោះករណីនេះ សមត្ថកិច្ច អាវុធហត្ថ ដែលចុះទៅឃាត់ខ្លួន ជនបង្កខាងលើនេះ ទំនងដោះ<br />លែង ពីព្រោះខ្លាច អំណាចលោក សឿន ផែនដី ។ សេចក្តីរាយការណ៍ពីកន្លែងកើតហេតុ បានឲ្យ<br />ដឹងថា នៅវេលាម៉ោង កើតហេតុ ជនបង្ក បានជិះ រថយន្តមួយគ្រឿង អមដោយនារី ចំនួន៣នាក់ <br />មកច្រៀងនៅហាងខារ៉ាអូខេ ខាងលើនេះ រួចហើយបានឲ្យស្រ្តីជាមេកា ហៅនារីម្នាក់ ឈ្មោះ ស្រី<br />នាង ប៉ុន្តែនារីរូបនេះជាប់ បម្រើភ្ញៀវផ្សេង ទើបធ្វើឲ្យជននេះ ចេញពីបន្ទប់លេខ៨៨៨ មកក្រៅ <br />ហើយបើកទ្វារ រថយន្តទាញកំាភ្លើងបាញ់ចំនួន៧គ្រាប់ ។</p>
<p>ក្រោយបង្កការផ្ទុះអាវុធហើយ ជនសង្ស័យរូបនេះ បានចូលទៅក្នុងហាងវិញ ហើយសួររក នារី<br />ឈ្មោះស្រីនាង ដដែល តែត្រូវស្រ្តីមេកាប្រាប់ថា ជាប់រវល់ ស្រាប់តែពេលនោះ សឿនផែនដី បាន<br />ចេញមកក្រៅម្តងទៀត ហើយទាញកាំភ្លើងបាញ់ចំនួន៦គ្រាប់ ទៀត បង្កឲ្យមានការភ្ងាក់ផ្អើលទូ<br />ទាំងក្រុងបានលុង ។</p>
<p>ភ្លាមៗនោះ សមត្ថកិច្ច រួមមាននគរបាល និងអាវុធហត្ថ បានចេញមកជួយអន្តរាគមន៍ ហើយធ្វើ<br />ការឃាត់ខ្លួនជននេះ យកទៅសួរនាំបាត់ទៅ។</p>
<p>ប៉ុន្តែតាមការលួចបង្ហើប របស់មន្រ្តីអាវុធហត្ថម្នាក់ បានឲ្យដឹងថា សមត្ថកិច្ច នឹងដោះលែង ជននេះ<br />ដូច្នេះថ្នាក់ដឹកនាំខេត្តជួយមើលករណីនេះផង៕</p>
<p style="text-align: center;"><img src="http://111.92.240.170:81//dap-news/dap-images/2013/July/id-007/Pheak-0102.jpg" alt="Photo by DAP-NEWS" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>