<p>មន្ទីពេទ្យមួយនៅប្រទេសកូរ៉េខាងត្បូង ត្រូវបានទទួលការរិះគន់យ៉ាងច្រើន នៅពេលដែលបាន ដាក់តាំងបង្ហាញនូវឆ្អឹងថ្គាមជាច្រើនដុំ របស់អ្នកដែលបានមកវះកាត់កែសម្ផស្ស ធ្វើជាបង្គោល សសរ ច្រកចូល មន្ទីរពេទ្យតែម្តង។ </p>
<p style="text-align: center;"><a class="thickbox" title="" href="/FileManager/Commons/2014/1/28/x01-28-01-2014--16-24-13.jpg"><img src="/FileManager/Articles/mce/2014/1/28/x01-28-01-2014--16-24-13.jpg" alt="" /></a></p>
<p style="text-align: center;"><em><span style="color: #808080;">សសរ ឆ្អឹងថ្គាមពីរ ត្រូវបានដាក់បង្ហាញ នៅច្រកចូល មន្ទីរពេទ្យវះកាត់ កែសម្ផស្ស Oin</span></em></p>
<p>មន្ទីរពេទ្យវះកាត់កែសម្ផស្ស Oin នៅ Gangnam ទីក្រុង Seoul ប្រទេសកូរ៉េខាងត្បូង បានធ្វើ និង ដាក់បង្គោលពីរ ធ្វើពីកែវ ដោយក្នុងនោះមានផ្ទុកសុទ្ធតែជាចំណែកឆ្អឹងថ្គាម ដែលនៅសល់ពីការ វះកាត់ បង្ហាញជាសាធារណៈ ដើម្បីផ្សាយពាណិជ្ជកម្ម។ នៅលើគេហទំព័រនៃមន្ទីរពេទ្យនេះ បាន សរសេរថាៈ "យើងខ្ញុំ ធ្វើពិព័រណ៌ ឆ្អឹងថ្គាមមនុស្ស ដែលបានមកពីការវះកាត់កែសម្ផស្ស ដើម្បីឲ្យ អតិថិជនរបស់ខ្លួន អាចមើលឃើញផ្ទាល់"។</p>
<p>ក្រោយមក រូបភាពនៃបង្គោលឆ្អឹងថ្គាមនេះ ក៏បានចែករំលែកសាយភាពពេញ បណ្តាញទំនាក់ ទំនង Twitter, Facebook,... ដែលធ្វើឲ្យអ្នកនិយមលេងអ៊ីនធឺណេតជាច្រើននាក់ មានប្រតិកម្ម ប្រឆាំង។ មនុស្សជាច្រើនបានរិះគន់ថា នេះគឺជាសកម្មភាពដ៏អាក្រក់បំផុត ជាការផ្សាយពាណិជ្ជ កម្ម គ្មានវិជ្ជាជីវៈ មិនសមហេតុផលទាល់តែសោះ។</p>
<p style="text-align: center;"><a class="thickbox" title="" href="/FileManager/Commons/2014/1/28/x02-28-01-2014--16-25-36.jpg"><img src="/FileManager/Articles/mce/2014/1/28/x02-28-01-2014--16-25-36.jpg" alt="" /></a></p>
<p style="text-align: center;"><em><span style="color: #808080;">រូបភាពមុន និងក្រោយការវះកាត់ កាត់ថ្គាមចេញ របស់អតិថិជនម្នាក់ នៅមន្ទីរពេទ្យ</span></em></p>
<p style="text-align: center;"><a class="thickbox" title="" href="/FileManager/Commons/2014/1/28/x03-28-01-2014--16-26-50.jpg"><img src="/FileManager/Articles/mce/2014/1/28/x03-28-01-2014--16-26-50.jpg" alt="" /></a></p>
<p>នៅចំពោះមុខនឹងប្រតិកម្មរបស់សាធារណជន មន្ទីរសុខាភិបាល Gangnam បានធ្វើការផាក ពិន័យរដ្ឋបាល ទៅលើមន្ទីរពេទ្យកែសម្ផស្ស Oin ចំនួន ២៨០០ ដុល្លារ។ មន្រ្តីម្នាក់បានឲ្យដឹងថា ដោយសារតែមិនមានភស្តុតាងអ្វីដែលថា មន្ទីរពេទ្យ Oin បានរំលោភ បញ្ហាសុខភាព អនាម័យ ដូច្នេះពួកគេ គ្រាន់តែត្រូវបានផាកពិន័យ រដ្ឋបាលប៉ុណ្ណោះ។</p>
<p>ឆ្អឹងរបស់មនុស្ស បន្ទាប់ពីត្រូវបានវះកាត់ចេញមក វាគឺជាកាកសំណល់វេជ្ជសាស្រ្ត និងត្រូវបាន ដុតចោល ឬកំទេចវាទៅតាមដំណាក់កាល៕</p>
<p style="text-align: right;">ប្រែសម្រួល៖ សិលា<br />ប្រភព៖ afamily</p>