<p><span style="color: #000000;"><strong>ភ្នំពេញ៖</strong> បុរសវ័យ ៦០ឆ្នាំ បានខ្យល់គស្លាប់នៅក្នុងរថយន្ត ពេលកំពុងធ្វើដំណើរចេញពីហូបការនៅកោះពេជ្រ ឆ្ពោះទៅផ្ទះរបស់ខ្លួន នៅក្នុងសង្កាត់ចោមចៅ ខណ្ឌពោធិ៍សែនជ័យ។</span></p>
<p><span style="color: #000000;">មន្រ្តីនគរបាលចរាចរណ៍ បានឲ្យដឹងថា នៅវេលាម៉ោង ៩យប់ថ្ងៃទី២១ ខែមីនា ឆ្នាំ២០១៥នេះ ត្រង់ស្តុបទួលគោក តាមបណ្តោយផ្លូវសហព័ន្ធរុស្ស៊ី គេបានឃើញរថយន្តកូរ៉ូឡា ពាក់ស្លាកលេខ កណ្តាល 2A-1244 មួយគ្រឿង ចត នៅស្ងៀមលើដងផ្លូវបង្កឲ្យមានការកក ស្ទះយ៉ាងខ្លាំង។ ដោយការងឿងឆ្ងល់មិនឃើញរថយន្តបំលាស់ទី សមត្ថកិច្ច ក៏បានដើរទៅមើល ហើយព្យាយាម ស្រែកហៅបុរសក្នុងរថយន្ត តែហៅយ៉ាងម៉េចក៏មិនឆ្លើយ សមត្ថកិច្ច ក៏នាំគ្នា រុញរថយន្តទៅអែបចិញ្ចើមផ្លូវ ហើយគាស់ទ្វារថយន្ត ស្រាប់តែឃើញបុរសម្នាក់កាច់កៅអីដេកសន្លប់ស្តូកស្តឹងក្នុង រថយន្ត។</span></p>
<p><span style="color: #000000;">ឃើញសភាពការណ៍ដូចនោះ សមត្ថកិច្ច ក៏បានទូរស័ព្ទហៅរថយន្តសង្រ្គោះមកពិនិត្យអាការៈរបស់ជនរងគ្រោះ។ នៅពេលក្រុមគ្រូពេទ្យមកដល់ បានបញ្ជាក់ថា បុរសក្នុងរថយន្តនោះ បានខ្យល់គស្លាប់បាត់ទៅហើយ។</span></p>
<p><span style="color: #000000;">បុរសខ្យល់គស្លាប់ក្នុងរថយន្តនេះ មានឈ្មោះ សោម សាន អាយុ ៦០ឆ្នាំ ស្នាក់នៅសង្កាត់ចោមចៅ ខណ្ឌពោធិ៍ សែនជ័យ។ ក្រោយការពិនិត្យ និងធ្វើកោសល្យវិច័យរួចរាល់ហើយ សមត្ថកិច្ច ក៏បានប្រគល់សពជូនក្រុមគ្រួសារ យកទៅធ្វើបុណ្យប្រពៃណី នៃព្រះពុទ្ធសាសនាខ្មែរ៕</span></p>
<p><span style="color: #000000;"><a class="thickbox" title="" href="/FileManager/Commons/2015/3/22/30-22-03-2015--10-37-42.jpg"><img src="/FileManager/Articles/mce/2015/3/22/30-22-03-2015--10-37-42.jpg" alt="" /></a></span></p>
<p><a class="thickbox" title="" href="/FileManager/Commons/2015/3/22/31-22-03-2015--10-37-49.jpg"><img src="/FileManager/Articles/mce/2015/3/22/31-22-03-2015--10-37-49.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/3/22/30-22-03-2015--10-37-42.jpg"></a></span></p>
<p><a class="thickbox" title="" href="/FileManager/Commons/2015/3/22/32-22-03-2015--10-38-07.jpg"><img src="/FileManager/Articles/mce/2015/3/22/32-22-03-2015--10-38-07.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>