<p><span style="color: #000000;"><strong>(កំពង់ធំ)៖</strong> ក្រុមចោរប្លន់ប្រដាប់អាវុធមួយក្រុម កំពុងតែចល័តអាវុធទៅប្លន់នៅទឹកដីស្រុកសណ្ដាន់ ខេត្តកំពង់ធំ និងស្រុកចំការលើ ខេត្តកំពង់ចាម ត្រូវបានកម្លាំងនគរបាលខេត្តកំពង់ធំ បង្ក្រាបបានទាន់ពេល នៅព្រឹកថ្ងៃទី២៥ ខែវិច្ឆិកា ឆ្នាំ២០១៦នេះ ស្ថិតនៅចំណុចភូមិតាពៅ ឃុំគគីធំ ស្រុកបារាយណ៍។</span></p>
<p><span style="color: #000000;">លោកឧត្តមសេនីយ៍ត្រី ជូ សំអាន ស្នងការនគរបាលខេត្តកំពង់ធំ បានឲ្យដឹងនៅព្រឹកថ្ងៃទី២៥ ខែវិច្ឆិកានេះថា ការបង្ក្រាបក្រុមចោរប្រដាប់អាវុធទាំងនេះ ក្រោយពីកម្លាំងរបស់លោក បានទទួលព័ត៌មានពីភ្នាក់ងារសម្ងាត់ សហការជាមួយកម្លាំងនគរបាលស្រុកបារាយណ៍ ក្រោមការសម្របសម្រួលពីលោកព្រះរាជអាជ្ញាខេត្ត បានបើកប្រតិបត្តិការតាមបង្រ្កាបមុខសញ្ញាចោរ ដែលលាក់ទុកអាវុធ ប៉ុនប៉ងប្លន់នៅភូមិសាស្រ្ត ឃុំទំរីង ស្រុកសណ្តាន់ ខេត្តកំពង់ធំ និងក្នុងស្រុកចំការលើ ខេត្តកំពង់ចាម ព្រោះជនសង្ស័យបានសិក្សាភូមិសាស្រ្តទាំងពីរនេះរួចហើយ។</span></p>
<p><span style="color: #000000;">លោកស្នងការបញ្ជាក់ថា ក្នុងប្រតិបត្តិការនេះ កម្លាំងនគរបាលជំនាញចាប់បានជនសង្ស័យម្នាក់ឈ្មោះ សឿក ប៉ាង អាយុ៤៥ឆ្នាំ ទីលំនៅៗភូមិ ពង្រលីង ឃុំក្រវ៉ា ស្រុកបារាយណ៍ហើយបានទៅរស់នៅ ធ្វើចំការនៅតំបន់តាសោម ស្រុកអន្លង់វែង ខេត្តឧត្តរមានជ័យ ទើបត្រឡប់មកវិញបានប្រហែល២-៣ ខែប៉ុណ្ណោះ។</span></p>
<p><span style="color: #000000;">លោកបន្ថែមថា ក្រោយឃាត់ខ្លួនជំនាញ ដកហូតបានអាវុធ AK47 ស្វាយបត់ ១ដើម លេខរលប់, បង់១ មានគ្រាប់ ៤២គ្រាប់ ផលិតនៅប្រទេសចិន គុណភាពល្អ ហើយជនសង្ស័យបានសារភាពថា ខ្លួនទិញពីស្រុកអន្លង់វែង។</span></p>
<p><span style="color: #000000;">យ៉ាងណាក៏ដោយនៅពេលនេះ កម្លាំងនគរបាលជំនាញកំពុងតែជជីកសួរនាំ ដើម្បីតាមចាប់បក្ខបន្ថែមទៀត។</span></p>
<p><span style="color: #000000;">បច្ចុប្បន្នជនសង្ស័យ ត្រូវបានសមត្ថកិច្ចជំនាញកំពុងធ្វើការសាកសួរ ដើម្បីកសាងសំណុំរឿងចាត់ការបន្ដ៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-25-12-12-50-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-25-12-12-50-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-25-12-12-50-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-25-12-12-50-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-25-12-03-32-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-25-12-03-32-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-25-12-03-32-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-25-12-03-37-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-25-12-03-38-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-25-12-03-38-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>