<p><strong>ភ្នំពេញ៖</strong> ក្រុមចោរប្លន់ ប្រដាប់អាវុធចំនួន ៥នាក់ ត្រូវបានសមត្ថកិច្ច នគរបាលខណ្ឌ ចំការមន<br />បង្ហាញមុខ នារសៀលថ្ងៃទី ១៩ ខែធ្នូ ឆ្នាំ២០១២ បន្ទាប់ ពីបង្ក្រាបបាន កាលពីរសៀលថ្ងៃទី១៧<br /> ខែធ្នូ ឆ្នាំ២០១២ ក្នុងខណៈដែលក្រុមចោរប្លន់ប្រដាប់អាវុធនេះ បានធ្វើសកម្មភាពយកកាំភ្លើងភ្ជង់<br />ប្លន់យក កាបូបលុយពី ស្ត្រីម្នាក់នៅចំណុចផ្ទះលក់ គ្រឿងសំណង់ ស្ថិតនៅបណ្តោយផ្លូវលេខ១៤៣<br /> សង្កាត់បឹងកេងកងទី៣ ខណ្ឌចំការមន ។</p>
<p>អធិការនគរបាលខណ្ឌចំការមន លោក អ៊ុច សុខុន បានប្រាប់ក្រុមអ្នក សារព័ត៌មានថាក្រុមចោរប្លន់<br /> ទាំង៥នាក់ ដែលត្រូវបានបង្ហាញមុខ នៅពេលនេះ ទី ១ឈ្មោះ ជា ស៊ី ដេត ភេទប្រុស អាយុ៣០ ឆ្នាំ<br /> ស្នាក់នៅផ្ទះលេខ១០ ផ្លូវសុធារស់ សង្កាត់ទន្លេបាសាក់ ខណ្ឌចំការមន និងទី២ ឈ្មោះ សាអែម សុវិជ្ជា<br /> ហៅ ញ៉ាញ់ ភេទប្រុស អាយុ២៨ ឆ្នាំ ស្នាក់នៅផ្ទះ១៤៨ ផ្លូវជាតិលេខ២ ភូមិព្រែកតាគង់ សង្កាត់ចាក់<br />អង្រែលើ ខណ្ឌមានជ័យ ទី៣ ឈ្មោះ សាត សុវឌ្ឍនា ហៅ អាឆ្មា ភេទប្រុស អាយុ២២ ឆ្នាំ ស្នាក់នៅ<br />ផ្ទះលេខ១២ ផ្លូវ៤២២ សង្កាត់ទន្លេបាសាក់ ខណ្ឌចំកាមន (ធ្លាប់ជាប់គុក២លើក) ។ ជនសង្ស័យ បីនាក់<br />នេះ ត្រូវបាននគរបាលខណ្ឌចំការមន ឃាត់ខ្លួនបានកាលពីថ្ងៃទី១៧ ខែធ្នូ ឆ្នាំ២០១២ ខណៈពួកគេធ្វើ<br />សកម្មភាពភ្ជង់ប្លន់យកប្រាក់ពីស្ត្រី វ័យម្នាក់ដែលកំពុង ដើរចេញពីផ្ទះ លក់គ្រឿងសំណង់ ដោយបាន<br />ប្លន់យកប្រាក់អស់ជាង ៥០០ដុល្លារ ហើយត្រូវសមត្ថកិច្ច ចាប់បានភ្លាមៗតែម្តង។</p>
<p>លោកអធិការបានបន្តថា ក្រោយពីឃាត់ខ្លួនក្រុមចោរប្លន់បានចំនួន ៣នាក់ សមត្ថកិច្ចបានធ្វើការស្រាវ<br />ជ្រាវ និងសាកសួររហូតឈានដល់ថ្ងៃទី១៨ ខែធ្នូ ឆ្នាំ២០១២ នេះសមត្ថកិច្ចយើងបានស្រាវជ្រាវ ធ្វើការ<br />ឃាត់ខ្លួនជនសង្ស័យ ដែលបក្ខពួកចំនួន ពីរនាក់ទៀត ទី១ ឈ្មោះ ម៉ម មាន ភេទប្រុស អាយុ២៥ឆ្នាំ <br />ស្នាក់នៅផ្ទះជួលលេខ ២២៧ A បន្ទប់លេខ០៦ ផ្លូវព្រះនរោត្តម សង្កាត់ទន្លេបាសាក់ ខណ្ឌចំការមន<br /> និងទី២ ឈ្មោះ អ៊ូ សុវណ្ណារិទ្ធ ហៅ អាស្រស់ ភេទប្រុស អាយុ២៥ឆ្នាំ ស្នាក់នៅផ្ទះលេខ66 ផ្លូវលេខ៧៧<br /> ភូមិចំរើនផល សង្កាត់បឹងទំពុន ខណ្ឌមានជ័យ និងបានដកហូតវត្ថុតាង រួមមាន ម៉ូតូ០១គ្រឿង និងអាវុធ<br />ខ្លី០១ដើម ។</p>
<p>លោក អ៊ុច សុខុន អធិការនគរបាលខណ្ឌចំការមន បានបន្តទៀតថា ក្រុមចោរប្លន់ ប្រដាប់អាវុធចំនួន៦<br />នាក់ ខាងលើនេះគឺសុទ្ធតែ ក្រុមចោរដែល ធ្លាប់ធ្វើ សកម្មភាពប្លន់ ឆក់ យ៉ាងសកម្មក្នុងរាជធានីភ្នំពេញ<br /> ព្រោះឈ្មោះចោរនីមួយៗ មានដីកាចាប់ខ្លួន ស្ទើរគ្រប់គ្នា ហើយការបង្ក្រាប ក្រុមចោរនេះធ្វើទៅតាមការ<br />បញ្ជា ផ្ទាល់របស់លោក ជួន សុវណ្ណ ស្នងការនគរបាល រាជធានីភ្នំពេញ ទើបលោកបានបញ្ជា កូនចៅ<br />ក្រោមឱវាទ ពួកស្ទាក់ព័ទ្ធចាប់ បានក្រុមចោរប្លន់ ប្រដាប់អាវុធមួយចំបុកដ៏ធំខាងលើនេះ ៕</p>
<p><a class="thickbox" title="" href="/FileManager/Commons/2012/12/20/lay-0199-20-12-2012--07-55-48.jpg"><img src="/FileManager/Articles/mce/2012/12/20/lay-0199-20-12-2012--07-55-48.jpg" alt="" /></a></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/54631-2012-12-19-11-43-59.html"><span style="color: #0000ff;">ដើមអំពិល</span></a></p>