<p>ស្ទើរតែមិនគួរអោយជឿ ៖ បុរសម្នាក់ ត្រូវបានសម្លាប់ យ៉ាងសាហាវ ពីសំណាក់ ក្រពើកំណាចយក្ស ទឹក សាបមួយក្បាល វិនាទី ខណៈដែលជនរងគ្រោះ ក៏ដូចជាភរិយារបស់លោកក៏កំពុងតែស្ទូចត្រីនៅឯភាគ ខាងជើង ប្រទេសអូស្ត្រាលី នេះបើតាមការដកស្រង់ អត្ថបទផ្សាយ ពីទំព័រ ប៊ីប៊ីស៊ី ។</p>
<p>ប្រភពបន្តអោយដឹងថា ជនរងគ្រោះ មានវ័យ ៥៧ ឆ្នាំ ត្រូវបានរងនូវការវាយប្រហារដោយក្រពើកំណាច ជំនាញខាងប្រល័យ ប្រវែង ៤,៥ ម៉ែត្រ វិនាទី នៅពេលដែល ជនរងគ្រោះ លុយទឹកចូលទៅក្នុងទន្លេ Adelaide ដើម្បីទៅដល់ផ្លែសន្ទូច ដែលបានជាប់ទាក់ នៅក្នុងទឹក ។ យ៉ាងណាមិញ ភរិយាជនរងគ្រោះ រំពេចនោះ មានការតក់ស្លុតជាខ្លាំង ដោយពុំអាចធ្វើអ្វីបាន ក្នុងបទអន្តរាគមន៍ ជួយសង្គ្រោះ ក្រៅអំពី ស្រែកឆោឡោ នោះទេ ។</p>
<p><a class="thickbox" title="" href="/FileManager/Commons/2014/8/19/crocodile-19-08-2014--13-43-32.jpg"><img src="/FileManager/Articles/mce/2014/8/19/crocodile-19-08-2014--13-43-32.jpg" alt="" /></a></p>
<p>ក្នុងរយៈពេល ២ ទៅ ៣ ម៉ោង សាកសពជនរងគ្រោះ ត្រូវបានរកឃើញ ស្របពេលដែល ក្រពើកំណាច មួយក្បាលនោះ ត្រូវបានមន្រ្តីប៉ូលីស បាញ់សម្លាប់ ។ គួរបញ្ជាក់ថា ជនរងគ្រោះខាងលើ ពុំទាន់ស្គាល់ អត្តសញ្ញាណ រូបនេះ គឺជាបេក្ខភាព ជនរងគ្រោះទីបួនហើយ ដែលបានស្លាប់បាត់បង់ជីវិត នៅឯភាគ ខាងជើងប្រទេស ក្នុងអំឡុងឆ្នាំនេះ ដោយសារតែមានការវាយប្រហារ ដោយក្រពើ កំណាច ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ប៊ីប៊ីស៊ី</p>