<p><strong>កូរ៉េ៖</strong> តាមប្រភពសារ ព័ត៌មាន ពី Sport Chosun ថ្មីៗនេះ បានប្រកាស ចំណាត់ថ្នាក់ កំពូលតារា ចម្រៀងស្រី នៅដើម ឆ្នាំ២០១៤ នេះ ។ ចំណាត់ថ្នាក់ដំបូង “Insurmountable Wall” បានទៅលើ ក្រុមតារាចម្រៀងស្រី Girls’ Generation, SISTAR និង 2NE1។ Girls’ Generation បានគ្រងតំណែង ចំណាត់កំពូលនេះ បាន ៣ ឆ្នាំមកហើយ។</p>
<p>ពួកគេមិនត្រឹមតែ ទទួលបាន ប្រជាប្រិយយ៉ាងខ្លាំង ក្នុងប្រទេសនោះទេ សូម្បីតែក្រៅប្រទេស ក៏ពួកគេទទួលបាន ការគាំទ្រយ៉ាងខ្លាំងដែរ ទោះបីជា សមាជិក មួយចំនួន ធ្លាប់មានរឿងអាស្រូវ ស្នេហាក៏ដោយ។</p>
<p>ជាមួយនេះ ក្រុម Girls’ Generation ក៏កំពុងតែត្រៀមចេញ បទចម្រៀងថ្មីរបស់ខ្លួន ក្នុងពេលឆាប់ៗ នេះ។ ក្រុមតារាស្រីបន្ទាប់ គឺក្រុម SISTAR។ បទចម្រៀង ដែលពួកគេទទួលបាន ការគាំទ្រខ្លាំង មានដូចជាៈ “Alone” “Loving U” និង “Gone, Not Around Any Longer”។</p>
<p>ចំណែកឯក្រុម 2NE1 វិញ ទើបតែចេញបទ ចម្រៀងថ្មីៗចំនួន ៣ បទ ដែលមានចំណងជើងថា “Falling in Love” “Do You Love Me” និង “Missing You”។ ពួកគេកំពុងតែ ត្រៀមចេញ ទៅ សម្តែងតន្ត្រី ទេសចរណ៍ ពិភពលោកលើកទី ២ ក្នុង ខែមិនា។</p>
<p>ជាមួយគ្នានេះ ពាក្យចចាមអារ៉ាម ពីក្នុងពិភពសិល្បៈជាច្រើន បានខ្សឹបខ្សៀវគ្នាថា ក្រុម 2NE1 គួរតែសកម្ម ក្នុងការផ្សព្វផ្សាយ បទចម្រៀងរបស់ខ្លួន បន្ថែមទៀត ទើបអាចយកឈ្នះ ក្នុង Girls’ Generation បាន៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-099/v_0147.jpg" alt="" width="600" /></p>
<p style="text-align: right;">ផ្តល់សិទ្ធិដោយ៖ <a href="http://www.lookingtoday.com/index.php/entertainment-general-news/27375--girls-generation-sistar--2ne1---.html"><span style="color: #0000ff;">ដើមអំពិល</span></a></p>