<p>តាមប្រភពព័ត៌មានពីបណ្តាញផ្គត់ផ្គង់ឧបករណ៍គ្រឿងផ្សំ ក្រុមហ៊ុន Apple នឹងធ្វើការបង្ហាញណែនាំនូវ គំរូ iPhone ថ្មីស្រឡាញមួយ រួមជាមួយនឹង iPhone 7 និង iPhone 7 Plus នៅក្នុងឆ្នាំ 2016 ខាងមុខ នេះ។</p>
<p><a href="http://www.camnews.com.kh/News/Detail/42793/galaxy-s6-to-the-edge-of-space"><span style="color: #3366ff;"><em>អាន៖ ជឿទេថា Galaxy S6 ត្រូវបានទម្លាក់ពីរយះកំពស់ជិត ៤ម៉ឺនម៉ែត្រ នៅតែមានដំណើរការធម្មតា? (មានវីដេអូ)</em></span></a></p>
<p><a class="thickbox" title="" href="/FileManager/Commons/2015/6/5/038-05-06-2015--17-42-37.jpg"><img src="/FileManager/Articles/mce/2015/6/5/038-05-06-2015--17-42-37.jpg" alt="" /></a></p>
<p>គេហទំព័រព័ត៌មានជាភាសាចិន Economic Daily News បានឲ្យដឹងថា ក្រុមហ៊ុនផ្គត់ផ្គង់ដំណោះស្រាយ ថាច់ស្គ្រីន និងអេក្រង់ AUO របស់តៃវ៉ាន់ បានចុះហត្ថលេខាលើកិច្ចព្រមព្រៀងមួយ ក្នុងការផ្គត់ផ្គង់ អេក្រង់ទំហំ ៤អ៊ីន ដល់ Apple។ បណ្តាបន្ទះអេក្រង់ដំបូង នឹងត្រូវបានចាប់ផ្តើមធ្វើការផលិតនៅដើមឆ្នាំ 2016 និងប្រើប្រាស់សម្រាប់គំរូ iPhone 7c ។ ដូច្នេះ Apple នឹងធ្វើការបង្ហាញណែនាំ iPhone 7c រួម ជាមួយនឹង iPhone 7 និង iPhone 7 Plus នៅចុង ឆ្នាំ 2016 ខាងមុខ។</p>
<p><a href="http://www.camnews.com.kh/News/Detail/78912/apple-continues-to-be-the-most-valuable-brand-in-2015"><span style="color: #3366ff;"><em>អាន៖ Apple ដណ្តើមបានលេខ១ មកវិញ នូវតំណែង ស្លាកយីហោមានតំលៃជាងគេបំផុត ប្រចាំឆ្នាំ ២០១៥</em></span></a></p>
<p>កាលពីខែមេសា កន្លងទៅនេះ មានព័ត៌មានឲ្យដឹងថា AUO បានរៀបចំចុះហត្ថលេខាលើកិច្ចព្រមព្រៀង មួយ ក្នុងការផ្គត់ផ្គង់អេក្រង់ iPhone ជាមួយនឹងទំហំ ផ្សេងៗគ្នា រួមមានទាំងអេក្រង់ទំហំ ៤អ៊ីន សម្រាប់ Apple។ ជាក់ស្តែងរហូតដល់ឆ្នាំ 2016 ទើប AUO អាចប្រគល់ទំនិញដែលបានកុម្មង់ដំបូងទៅដល់ Apple បាន។</p>
<p><a href="http://www.camnews.com.kh/News/Detail/80216/iphone6s-is-the-thinnest-smartphone-of-apple"><span style="color: #3366ff;"><em>អាន៖ iPhone 6S អាចនឹងជាស្មាតហ្វូន មានកម្រាស់ស្តើងជាងគេ របស់ Apple</em></span></a></p>
<p>កាលពីដើមឆ្នាំនេះ មានលេចចេញនូវព័ត៌មានចចាមអារាមជាច្រើនដែលថា Apple នឹងធ្វើការបង្ហាញ ណែនាំនូវគំរូ iPhone អេក្រង់ទំហំ ៤ អ៊ីន រួមជាមួយ នឹង iPhone 6S និង 6S Plus។ ប៉ុន្តែ ផ្ទុយពីព័ត៌មាន ចចាមអារាមទាំងនោះ បណ្តាប្រភពព័ត៌មានដែលស្និទ្ធជាមួយនឹងផែនការរបស់ Apple បានធ្វើការ បញ្ជាក់ជាច្រើនដងថា នៅចុងឆ្នាំនេះ Apple ធ្វើការបង្ហាញណែនាំតែ iPhone 6S និង iPhone 6S Plus តែប៉ុណ្ណោះ៕</p>
<p> </p>
<p style="text-align: right;">ប្រែសម្រួល៖ ករុណា<br /> ប្រភព៖ <em>BGR, Vreview</em></p>