<p>នេះគឺជាសំណួរមួយដែលនារីទាំងអស់ ចង់ទទួលបានចម្លើយពិត នៅពេលពួកគេឈានចូលដល់<br />វ័យមានស្នេហា។ ប្រសិនបើ មិត្តប្រុសរបស់អ្នក ជាមនុស្សដូចខាងក្រោម នោះគេគឺជាបុរសដែល<br />ស្រឡាញ់អ្នកដោយស្មោះ អ្នកអាចទុកចិត្តបានទាំងស្រុង។</p>
<p style="text-align: center;"><a class="thickbox" title="" href="/FileManager/Commons/2013/12/21/signs-he-loves-you-300-21-12-2013--21-50-21.jpg"><img src="/FileManager/Articles/mce/2013/12/21/signs-he-loves-you-300-21-12-2013--21-50-21.jpg" alt="" width="340" height="509" /></a></p>
<p> <br /><strong>១/ បោះបង់ទម្លាប់ដែលអ្នកមិនចូលចិត្ត</strong><br /><br />ពេលបានស្គាល់ និងក្លាយជាមិត្ដប្រុសរបស់អ្នក គាត់នោះនៅមានទម្លាប់អាក្រក់ជាច្រើន ដូចជា<br />ចូលចិត្តដើរលេងច្រើន ជក់បារី ផឹកស្រាញឹកញាប់។ល។ ប៉ុន្ដែ បន្ទាប់ពីបានក្លាយជាមិត្តប្រុសរបស់<br />អ្នកមួយរយៈពេល គាត់បែរជាលះបង់ទម្លាប់អាក្រក់ទាំងនោះ សូម្បីតែប្រការដែលអ្នកមិនចូលចិត្ដ។<br /><br /><strong>២/ សន្យាអំពីអនាគតជាមួយអ្នក</strong><br /><br />គាត់គូសវាសនូវដំណើរដែលត្រូវដើរ នាពេលអនាគតដ៏ល្អប្រសើរជាមួយអ្នក ហើយតែងនិយាយ<br />អំពីគម្រោងអនាគតនានាជាមួយអ្នក ក្នុងគម្រោងទាំងនោះ អ្នក និងគាត់គឺជាតួអង្គសំខាន់។ <br /><br /><strong>៣/ មិនលាក់បាំងអ្វីទាំងអស់</strong><br /><br />រឿងរ៉ាវអតីតកាល បច្ចុប្បន្នកាល និងរាល់ទំនាក់ទំនងរបស់គាត់ គាត់តែងនិយាយប្រាប់អ្នក។ គាត់<br />និយាយដោយបើកចំហ និងមិនលាក់បាំងអ្វីទាំងអស់ចំពោះអ្នក។ ប្រការនេះ បញ្ជាក់ថា គាត់គឺជា<br />មនុស្សស្មោះត្រង់នឹងអ្នក។<br /><br /><strong>៤/ ឧទ្ទេសនាមអ្នក ទៅឱ្យពុកម្ដាយគាត់បានស្គាល់</strong><br /><br />គាត់នាំអ្នកទៅសួរសុខទុក្ខក្រុមគ្រួសាររបស់គាត់ ពិសេសពុកម្ដាយរបស់គាត់។ នៅពេលផ្ទះគាត់<br />មានកម្មវិធីអ្វីមួយ គាត់តែងអញ្ជើញអ្នកឱ្យទៅចូលរួម ដើម្បីបានស្គាល់ញាតិមិត្ដទាំងឡាយរបស់<br />គាត់។ គាត់ចង់ឱ្យអ្នក មានទំនាក់ទំនងល្អជាមួយក្រុមគ្រួសារខាងគាត់។ នេះក៏ជាសញ្ញា បង្ហាញ<br />ថា គាត់ចង់បានអ្នក ក្លាយជាសមាជិកម្នាក់ក្នុងគ្រួសាររបស់គាត់ នាពេលខាងមុខ។<br /><br /><strong>៥/ បើកចំហទំនាក់ទំនងរវាងអ្នក និងគាត់ ជាសាធារណៈ</strong><br /><br />នៅពេលបានបណ្ដើរគ្នា នៅទីសាធារណៈ ឬកន្លែងដែលមានមនុស្សច្រើន គាត់មិនមានការរារែកក្នុងការបញ្ចេញកាយវិការស្និទ្ធស្នាលជាមួយអ្នក ក្នុងនោះមានដូចជា ការកាន់ដៃ ។ល។ ជាងនេះ គាត់ក៏មានមោទនភាពក្នុងការឧទ្ទេសនាមអ្នក ទៅឱ្យមិត្ដទាំងឡាយរបស់គាត់បានស្គាល់។ គាត់<br />ចង់ឱ្យអ្នកបង្ហាញខ្លួនញឹកញាប់ នៅក្នុងការរស់នៅរបស់គាត់។<br /><br /><strong>៦/ តែងចង់នៅក្បែរអ្នក</strong><br /><br />សញ្ញាមួយផ្សេងទៀត ដែលបង្ហាញអំពីស្នេហាពិត នោះគឺគាត់តែងចង់ឱ្យអ្នកបាននៅក្បែរគាត់ជា<br />និច្ច។ ក្រោយពីបានចាប់ដៃ ឱបថើបអ្នក ហើយគាត់នៅតែបង្ហាញការយកចិត្តទុកដាក់ ព្រួយបារម្ភ<br />អំពីអ្នកគ្រប់ពេល នោះគាត់ប្រហែលជានឹងយកអ្នកជាគូមិនខាន។ ម្យ៉ាងទៀត ការសម្ដែងនូវការ<br />ស្រឡាញ់ដោយការគោរព និងខ្វល់ខ្វាយអំពីបញ្ហាផ្សេងៗរបស់អ្នក ក៏ជាប្រការល្អ ដើម្បីបញ្ជាក់ថា <br />គាត់នឹងជាបុរសស្មោះត្រង់នឹងស្នេហា។<br /><br /><strong>៧/ នៅក្បែរអ្នក ពេលអ្នកត្រូវការ</strong><br /><br />ប្រការសំខាន់បំផុតដែលបង្ហាញអំពីស្នេហាពិតរបស់បុរស នោះគឺ គាត់តែងនៅក្បែរអ្នក នៅពេល<br />ណាដែលអ្នកត្រូវការ គឺមិនមែននៅពេលដែលគាត់ត្រូវការនោះទេ ព្រោះថា ប្រការនេះ បង្ហាញអំពី<br />ការយកចិត្តទុកដាក់ ការព្រួយបារម្ភ ការទទួលខុសត្រូវ និងភាពជាបុរសចិត្តល្អ។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/8279/how-to-prevent-accidents-when-crossing-river-by-ferry"><span style="color: #3366ff;">វិធីបង្ការគ្រោះថ្នាក់ ពេលឆ្លងផ្ទៃទឹក ដោយសាឡាង</span></a></span></p>
<p><span style="color: #3366ff;"><a href="/News/Detail/74615/true-story-not-everyone-lies-frequently"><span style="color: #3366ff;">រកឃើញវិធីថ្មី អាចដឹងថា អ្នកណាកុហក អ្នកណា មិនកុហក</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/89315/why-have-unusually-heavy-snow-to-parts-of-middle-east"><span style="color: #3366ff;">ហេតុអ្វីព្រិលធ្លាក់ខុសធម្មតា នៅតំបន់ខ្លះ ក្នុងពិភពលោក ?</span></a></span></p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ LS<br /><br /></p>