<p><span style="color: #000000;">(ភ្នំពេញ)៖ ក្រុមហ៊ុនវិនិយោគ OCIC របស់លោក ពង ឈីវសែ និងក្រុមហ៊ុនវិនិយោគវឌ្ឍនៈបានចាប់ដៃគ្នា គ្រោងសាងសង់ចំណតយានយន្តសាធារណៈក្រោមដីជម្រៅ ៣ជាន់ នៅខាងក្រោមសួនច្បារសាធារណៈមុខ ព្រះសក្យមុនីចេតិយ៍ នៅចន្លោះអគារខ្ពស់កាណាឌីយ៉ា និង អគារវឌ្ឍនៈ។ នេះបើយោងតាមលោក ឡុង ឌីម៉ង់ អ្នកនាំពាក្យសាលារាជធានីភ្នំពេញ។</span></p>
<p><span style="color: #000000;">ដំណឹងនៃការវិនិយោគសាងសង់ចំណតយានយន្តក្រោមដីនេះ ត្រូវបានអភិបាលរាជធានីភ្នំពេញ លោក ប៉ា សុ ជាតិវង្ស បង្ហើបឲ្យដឹងកាលពីថ្ងៃទី០៨ ខែមករា ឆ្នាំ២០១៦ម្សិលមិញនេះ ពេលលោកកំពុង ចុះត្រួតពិនិត្យ គម្រោងកែលម្អព្រះសក្យមុនីចេតិយ៍ មុខស្ថានីយរថភ្លើង។</span></p>
<p><span style="color: #000000;">លោកអភិបាលរាជធានីភ្នំពេញ បានថ្លែងថា ការសាងសង់ចំណតយានយន្តសាធារណៈក្រោមដី ដើម្បីដោះ ស្រាយបញ្ហាខ្វះចំណតយានយន្ត និងកាត់បន្ថយការកកស្ទះចរាចរណ៍ផងដែរ ខណៈដែលបច្ចុប្បន្ននេះ រាជធានី ភ្នំពេញគ្មានចំណត់ នាំឱ្យមានការ ចតយានយន្តគ្មានសណ្តាប់ធ្នាប់រំលោភលើដងផ្លូវ និងចំណីផ្លូវ ដែលនាំឱ្យ រំខានដល់ការធ្វើចរាចរណ៍របស់ប្រជាពលរដ្ឋ។</span></p>
<p><span style="color: #000000;">លោក ប៉ា សុជាតិវង្ស បានបន្ថែមថា បញ្ហាស្ទះចរាចរណ៍ក្នុងទីក្រុងនេះ កំពុងប្រឈមជារៀងរាល់ថ្ងៃ ដូច្នេះការ រៀបចំឱ្យមាន ចំណតរថយន្តសាធារណៈត្រឹមត្រូវ ហើយជាមធ្យោបាយ ដ៏ប្រសើរក្នុងការរួមចំណែកកាត់បន្ថយ ការកក់ស្ទះនេះ។</span></p>
<p><span style="color: #000000;">លោក ឡុង ឌីម៉ង់ បានឲ្យដឹងថា គម្រោងសាងសង់ចំណតក្រោមដីនេះ ដែលគម្រោងដំបូងគេក្នុងរាជធានី ភ្នំពេញនេះ គឺជាការវិនិយោគរួមគ្នា វាងក្រុមហ៊ុន OCIC និងក្រុមហ៊ុនវិនិយោគវឌ្ឍនៈ។ ចំណតយានយន្តនេះ ក៏មានផ្សារនៅទី នោះផងដែរ។ តែលោក ឡុង ឌីម៉ង់ មិនទាន់ដឹងថា ក្រុមហ៊ុននឹងចាប់ផ្តើមដំណើរការពេល ណា ហើយចំណាយវិនិយោគប៉ុន្មាននោះដែរ៕</span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xap1/t31.0-8/12466200_518163351697755_5259775266650446603_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xfp1/v/t1.0-9/1919059_518163685031055_5550393725627522568_n.jpg?oh=3fb7e9dc9671b255e3c01959818a2057&oe=5743B66A&__gda__=1464135409_a8acb2a102c364e3b8fc2b1ead9a067d" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>