<p>Spacex ឱ្យដឹងថា ពួកគេកំពុងមានគម្រោង សាងសង់ទីក្រុង “ឯករាជ” មួយ នៅលើភពព្រះអង្គារ<br /> ដើម្បីបម្រើដល់ការរស់នៅ របស់មនុស្សនៅទីនេះ នាឆ្នាំ ២០២៦។</p>
<p style="text-align: center;"><a class="thickbox" title="" href="/FileManager/Commons/2014/6/24/spacex1-24-06-2014--10-21-44.jpg"><img src="/FileManager/Articles/mce/2014/6/24/spacex1-24-06-2014--10-21-44.jpg" alt="" /></a></p>
<p>SpaceX គឺជាក្រុមហ៊ុនដឹកជញ្ជូនលើអវកាសឯកជនមួយ ត្រូវបានបង្កើតឡើងកាលពីឆ្នាំ ២០០២<br /> ដោយលោក Elon Musk ។ ក្រុមហ៊ុននេះ មានជំនាញខាងរចនា សាងសង់ និងនាំយានអវកាស<br />ទៅកាន់គន្លងគោចររបស់ផែនដី។ បច្ចុប្បន្ន SpaceX កំពុងមានគោលដៅដ៏អស្ចារ្យមួយ នោះគឺ<br />បង្កើតទីក្រុងនៅលើភពព្រះអង្គារ និងនាំមនុស្សទៅរស់នៅទីនោះ ក្នុងឆ្នាំ ២០២៦។</p>
<p>លោក Elon Musk ថ្លែងថា ក្រុមហ៊ុនរបស់លោក នឹងបង្កើតទីក្រុង “ឯករាជ” មួយ នៅលើភព<br />អង្គារ សម្រាប់ក្រុមអវកាសចរដែលមករស់នៅលើភពនេះ។ នៅក្នុងកិច្ចសម្ភាសមួយ ជាមួយ<br />កាសែត CNBC លោក Elon Musk អះអាងថា ៖ “ខ្ញុំសង្ឃឹមថា ក្រុមមនុស្សដំបូង នឹងត្រូវបាន<br />បញ្ជូនឡើងទៅកាន់ភពព្រះអង្គារ ក្នុងអំឡុង ១០ ទៅ ១២ឆ្នាំខាងមុខ។ ខ្ញុំជឿថា ប្រការនេះ នឹង<br />កើតឡើងជាប្រាកដ”។</p>
<p style="text-align: center;"><a class="thickbox" title="" href="/FileManager/Commons/2014/6/24/spacex2-24-06-2014--10-24-40.jpg"><img src="/FileManager/Articles/mce/2014/6/24/spacex2-24-06-2014--10-24-40.jpg" alt="" /></a></p>
<p>យានអវកាស Dragon របស់ SpaceX គឺជាដៃគូសំខាន់ ក្នុងការដឹកជញ្ជូនទំនិញ ទៅឱ្យស្ថានីយ<br />អវកាសអន្ដរជាតិ ISS ។ បច្ចុប្បន្ន SpaceX ក៏កំពុងតែមានបំណងពង្រីកពាណិជ្ជកម្មរបស់ខ្លួន ទៅ<br />ក្នុងវិស័យទេសចរណ៍អវកាស ក្នុងពេលខាងមុខ។ SpaceX ក៏ត្រូវប្រកួតប្រជែងជាមួយបណ្ដា<br />ក្រុមហ៊ុនធំៗ ដូចជា Boeing ឬ Sierra NevadaCorporation ផងដែរ ក្នុងកិច្ចសហការណ៍ជាមួយ <br />NASA ដែលជាទីភ្នាក់ងារអវកាសរបស់អាមេរិក។</p>
<p style="text-align: center;"><a class="thickbox" title="" href="/FileManager/Commons/2014/6/24/spacex-24-06-2014--10-22-20.jpg"><img src="/FileManager/Articles/mce/2014/6/24/spacex-24-06-2014--10-22-20.jpg" alt="" /></a></p>
<p>កាលពីខែមុន ក្រុមហ៊ុន SpaceX ទើបបានឧទ្ទេសនាមយានអវកាសមួយដែលមានឈ្មោះថា <br />Dragon V2 ហើយសង្ឃឹមថា វានឹងជួយឱ្យ SpaceX ទទួលបានកិច្ចព្រមព្រៀងជាមួយ NASA<br /> ដើម្បីដឹកជញ្ជូនក្រុមអវកាសចរ ទៅបំពេញបេសកកម្ម នៅស្ថានីយអវកាសអន្ដរជាតិ។</p>
<p>Elon Musk ថ្លែងថា បើទោះជាទទួលបានកិច្ចព្រមព្រៀងជាមួយ NASA ឬមិនបានក៏ដោយ ក៏វា<br />នឹង មិនមានផលប៉ះពាល់ដល់គម្រោងនាំមនុស្សទៅរស់នៅលើភពអង្គាររបស់ក្រុមហ៊ុន SpaceX<br /> នោះដែរ៕</p>
<p><object width="483" height="414" data="http://www.youtube.com/v/Cf_-g3UWQ04&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/Cf_-g3UWQ04&rel=1" /></object></p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ sploid/the weather<br /><br /></p>