<p><strong>ព័ត៌មានអន្តរជាតិ ៖</strong> ក្រោយពីបានដកស្រង់ សេចក្តីថ្លែងការណ៍ របស់រដ្ឋាភិបាល កូរ៉េខាងត្បូង ទំព័រ សារព័ត៌មានបរទេស ស៊ីអិនអិន បានចុះផ្សាយ អត្ថបទ កាលពីអំឡុង ពេលម្សិលមិញនេះ អោយដឹង ថា យន្តហោះ ចិន ដឹកអ្នកដំណើរ ច្រើនជាង ២០០ នាក់មួយគ្រឿង បានហោះកៀក និង ហោះកាត់ទៅ នឹងគន្លងបាញ់ គ្រាប់រ៉ុកកែត របស់រដ្ឋាភិបាលកូរ៉េខាងជើង ពោលហោះកាត់ ក្រោយបន្តិច បន្ទាប់ពីធ្វើ ការបាញ់បង្ហោះ ។</p>
<p><a class="thickbox" title="" href="/FileManager/Commons/2014/3/7/60-07-03-2014--11-27-27.jpg"><img src="/FileManager/Articles/mce/2014/3/7/60-07-03-2014--11-27-27.jpg" alt="" /></a></p>
<p>លោក Kim Min-Seok អ្នកនាំពាក្យ តំណាងអោយ ក្រសួងការពារជាតិ ប្រទេស កូរ៉េខាងត្បូង បានអះ អាងអោយដឹង កាលពី ថ្ងៃពុធ ម្សិលមិញនេះ អោយដឹងថា រដ្ឋាភិបាលកូរ៉េខាងជើង បានសម្រេចចិត្ត បាញ់គ្រាប់រ៉ុកកែត កាលពីថ្ងៃអង្គារ កន្លងទៅនេះ នៅវេលាម៉ោង ប្រមាណជាង ៤ និង ១៧ នាទីល្ងាច ដោយពុំបានធ្វើសេចក្តីប្រកាស ព្រមានប្រាប់ ពីគន្លងផ្លូវរថរបស់វា នោះទេ ។</p>
<p><a class="thickbox" title="" href="/FileManager/Commons/2014/3/7/140305230837-china-southern-airplane-file-story-top-07-03-2014--11-27-38.jpg"><img src="/FileManager/Articles/mce/2014/3/7/140305230837-china-southern-airplane-file-story-top-07-03-2014--11-27-38.jpg" alt="" /></a></p>
<p>បន្ថែមពីលើនេះ គាត់បន្តថា វិនាទីបន្ទាប់ ពោលគឺក្រោយពីបានបាញ់បង្ហោះ គ្រាប់រ៉ុកកែត ពីរដ្ឋាភិបាល កូរ៉េខាងជើង បើតាមរបាយការណ៍ គេឃើញមាន យន្តហោះ របស់អាកាសចរណ៍ China Southern Airlines ផ្ទុកអ្នកដំណើរ លើសពី ២០០ នាក់ ហោះចេញពីអាកាសយានដ្ឋាន អន្តរជាតិ Narita ប្រទេស ជប៉ុន ឆ្ពោះទៅកាន់ប្រទេសចិន ដោយហោះកៀក និង ហោះកាត់ គន្លងផ្លវរថ របស់គ្រាប់រ៉ុកកែតនោះ។</p>
<p><a class="thickbox" title="" href="/FileManager/Commons/2014/3/7/north-korea-missile-chinese-airplane-flight-07-03-2014--11-27-47.jpg"><img src="/FileManager/Articles/mce/2014/3/7/north-korea-missile-chinese-airplane-flight-07-03-2014--11-27-47.jpg" alt="" /></a></p>
<p>ជាមួយនឹងសន្និសិទ សារព័ត៌មាន សង្ខេប លោក Kim បានផ្តល់ជាកិច្ចសម្ភាសន៍ អោយដឹងថា វាពិត ជាគ្រោះថ្នាក់មួយ ដែលមិនអាចមើលរំលងបាន ពីព្រោះថា សកម្មភាព បង្កហេតុ របស់រដ្ឋាភិបាលកូរ៉េ ខាងជើង ពិតជាបានធ្វើអោយមានការគម្រាមគំហែង ដល់បណ្តាជនស៊ីវិល ខណៈ រដ្ឋាភិបាលកុម្មុយនី ស្តមួយនេះ ពិតជាបានរំលោភទៅនឹងច្បាប់អន្តរជាតិ ៕</p>
<p><object width="501" height="429" data="http://www.youtube.com/v/CqGovHy5VPU&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/CqGovHy5VPU&rel=1" /></object></p>
<p style="text-align: right;">ប្រែសម្រួល ៖ កុសល<br />ប្រភព ៖ ស៊ីអិនអិន</p>