<div class="article-content">
<p><strong>ភ្នំពេញ </strong> ៖ អ្នកកាសែតម្នាក់ ឈ្មោះស៊ឹម ណាវី អាយុ៤៥ឆ្នាំ រស់នៅសង្កាត់ច្រាំងចំរេះ ខណ្ឌឫស្សីកែវ ត្រូវបានរថយន្ដកុងតឺន័រ ពណ៌ ស លាយខៀវ ពាក់ស្លាកលេខ ភ្នំពេញ 3C-2187 បុកកិនបែកក្បាល ស្លាប់ភ្លាមៗ នៅ កន្លែងកើតហេតុ កាលពីវេលាម៉ោង៨និង ១៥នាទីថ្ងៃទី២៤ ខែមករា ឆ្នាំ២០១៤ ស្ថិត នៅមុខផ្ទះសំណាក់ ៦៩ ផ្លូវលេខ១៩២៨ សង្កាត់ភ្នំពេញថ្មី ខណ្ឌសែនសុខ ។</p>
<p>សមត្ថកិច្ចមូលដ្ឋានបានឱ្យដឹងថា មុនពេលកើតហេតុ ជនរងគ្រោះ បើកម៉ូតូ ម៉ាកស៊ីរូស ពណ៌ក្រហម ពាក់ស្លាកលេខ Press3333k ធ្វើដំណើរតាមផ្លូវលេខ១៩២៨ ក្នុងទិសដៅពីលិចទៅកើត លុះដល់ ចំណុចកើតហេតុ ក៏ត្រូវរថយន្ដហ៊ីណូ បានប្រជែងរថយន្ដកាមរីមិនផុត ក៏ជ្រុលទៅ បុកជនរងគ្រោះ និងកិនបណ្ដាលឱ្យ បែកក្បាលស្លាប់ភ្លាមៗ ។</p>
<p>ក្រោយកើតហេតុ សមត្ថកិច្ចបានទាក់ទងទៅក្រុមគ្រួសារ ដើម្បីមកយកសព រីឯអ្នកបើករថយន្ដកុងតឺន័រ ដែលគេមិនស្គាល់អត្ដសញ្ញាណ បានរត់គេចខ្លួនបាត់ ៕</p>
<p style="text-align: center;"><img src="http://image.dap-news.com:81/dap-news/dap-images/2014/January/id-067/CH-00691.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-067/CH-00692.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-067/CH-00693.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-067/CH-00694.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/79830-2014-01-25-10-30-00.html"><span style="color: #0000ff;">ដើមអំពិល</span></a></p>
</div>