<div class="article-content">
<p><strong>ភ្នំពេញ ៖</strong> ជិតដល់ថ្ងៃខួបមួយឆ្នាំ នៃការយាងចូលព្រះទីវង្គត នៃព្រះបរមរតនកោដ្ឋ សម្តេចតា នា<br />ថ្ងៃទី១៥ ខែតុលា ជាងថតរូបជំនាញជនជាតិអូស្រ្តាលីម្នាក់ បានប្រកាសលក់រូបថតព្រះឆាយា<br />ល័ក្ខណ៍ នៃការ ថ្វាយ ព្រះភ្លើងសម្តេចតាចំនួន១០០០០ដុល្លារ ដែលសំអាងថា រូបថតរបស់ខ្លួន <br />បានផ្តិតនូវការបង្កប់មនោ សញ្ចេតនា យ៉ាងជ្រាលជ្រៅរបស់ព្រះមហាក្សត្រ ព្រះមហាក្សត្រី <br />ចំពោះសម្តេចតា ។</p>
<p>ជនជាតិអូស្រ្តាលី លោក ដូក្លាស ប៊ីតធី អះអាងថា ចំណូលមួយផ្នែកនឹងត្រូវយកទៅផ្គត់ផ្គង់ សម្រាប់<br />ការ បង្កើតនូវអង្គការក្រៅរដ្ឋាភិបាលថ្មីមួយ ដែលនឹងជួយបង្រៀនហែលទឹកដល់កុមារកម្ពុជា ។</p>
<p>លោក ដូក្លាស ប៊ីតធី គឺជាសិល្បករថតរូប សញ្ជាតិអូស្រ្តាលីម្នាក់ ដែលមានកេរ្តិ៍ឈ្មោះល្បីល្បាញ ទូ<br />ទាំង ប្រទេសកម្ពុជា តាមរយៈរូបភាពដែលមានលក្ខណៈលំដាប់ពិភពលោក និងឲ្យពិភពលោកស្គាល់<br /> ប្រទេស កម្ពុជាកំពុងបញ្ចេញនូវរូបភាព នៃវាលព្រះមេរុ ជាទីជួបជុំដែលសម្តេច សម្តេចយាយ និងនា<br />យករដ្ឋមន្រ្តី បានថ្វាយព្រះភ្លើង ចំពោះព្រះបរមសពសម្តេចព្រះបាទ នរោត្តម សីហនុ ។</p>
<p>ព្រះឆាយាល័ក្ខណ៍មួយព្រះអង្គនេះ តំណាងឲ្យព្រះរាជអំណាច និងមហាមនោសញ្ចេតនាដ៏ជ្រាលជ្រៅ<br /> សម្រាប់ព្រឹត្តិការណ៍ទាំមូល ។ ព្រះឆាយាល័ក្ខណ៍នេះ មានទាំងការបញ្ជូលនូវសមាសសភាពមន្រ្តីរាជ<br />ការ គណៈប្រតិភូអ្នកដឹកនាំសាសនា និងអ្នកតំណាងប្រជាជន ដែលមានវត្តមានគ្រប់ឋាន្តរស័ក្តិ ក្នុង<br />ទិដ្ឋាភាពដ៏ប្រត្យក្ស ។</p>
<p>លក្ខណៈពិសេសត្រង់ថា ស៊ុមសម្រាប់ដាក់រូបព្រះឆាយាល័ក្ខណ៍ នៃការថ្វាយព្រះភ្លើង ដល់ព្រះបរម<br />សព សម្តេចតា មានគុណភាព និងប្រកបដោយវិជ្ជាជីវៈ ដែលមានអាចប្រៀបផ្ទឹមបាន និងត្រូវគេ<br />រៀបចំឲ្យ ក្លាយ ទៅជាកំណត់ត្រានៃមហាព្រឹត្តិការណ៍ ៦ សមរាប់រយឆ្នាំ ។ ព្រះឆាយាល័ក្ខណ៍ នឹង<br />ត្រូវបានផ្តិតក្នុងទំហំ ២ ម៉ែត្រ លើក្រដាសពណ៌ប្រាក់ រំលេចដោយកែវចរណៃដែលអាចរក្សាទុកបាន<br />យូរជាង២០០ឆ្នាំ ។ ព្រះ ឆាយាល័ក្ខណ៍ ដែលផ្តិតរូចហើយនឹងត្រូវបានចុះលេខ និងចុះហត្ថលេខារួម<br />ជាមួយលិខិតបញ្ជាក់ តាម ផ្លូវច្បាប់ ការដាក់ប្រកបជាមួយស៊ុមលំដាប់ពិភពលោក ។ ព្រះឆាយា<br />ល័ក្ខណ៍ និងរបស់ទាំងអស់ នឹងត្រូវ ផលិតក្នុងប្រទេសអូស្រ្តាលីដោយសម្ភារៈខ្នាតពិភពលោក ។</p>
<p>លោក ប៊ីតធី និយាយថា ភាពចងចាំ និងការប្រឹងប្រែង ដែលលោកមានដើម្បីសម្រេចបាន នៃរូបភាព<br />នេះ និងសមិទ្ឋផលដែលសម្តេចតាបានធ្វើ សម្រាប់ប្រទេសជាតិ និងប្រជាជនកម្ពុជាទាំងមូល បានធ្វើ<br />ឲ្យទឹក ភ្នែកលោកស្រក់ ទោះបីទ្រង់បានយាងចូលទីវង្គតហើយក៏ដោយ ។</p>
<p>លោកបន្តទៀតថា ក្នុងកំឡុងពេលនៃការថតរូបនោះ នៅចំពោះបរិយាកាសនៃមហាព្រឹត្តិការណ៍ទាំង<br />មូល ការបាញ់កាំភ្លើង១០១គ្រាប់ ដែលធ្វើឲ្យមានការញ័ររញ្ជួយនៅពេញរាជធានីភ្នំពេញ និងការបាញ់<br />កាំជ្រួច យ៉ាងសម្បើម រួមជាមួយនឹងផ្សែងភ្លើង ទឹកភ្នែក និងការប្រមូលផ្តុំនៃប្រជាជន ។</p>
<p>លោកថា “ វាជាកិត្តិយសដ៏ធំធេង ក្នុងមួយជីវិតរបស់ខ្ញុំ ក្នុងការផ្តិតរូបថត ធ្វើជាសក្ខីភាពចំពោះការ<br />ថ្វាយ មហាព្រះភ្លើងចំពោះព្រះបរមសពព្រះករុណា ដែលជាការសម្រេចចុងក្រោយអង្អស់ នៅក្នុង<br />ប្រវត្តិសាស្រ្ត នៃយុគសម័យដ៏សំខាន់មួយក្នុងប្រវត្តិសាស្រ្តរបស់ពិភពលោក និងការរួមចំណែកទុក្ខ <br />ដែលជាការបាត់បង់ របស់កម្ពុជា”។</p>
<p>ការថតរូបរបស់លោក ប៊ីតធី មានការទទួលស្គាល់យ៉ាងខ្លាំង ដោយផូស្កាតចំនួន ១០០០សន្លឹក ត្រូវ<br />បាន លក់ដាច់ក្នុងប្រទេសកម្ពុជា និង១០០០០សន្លឹកទៀត ត្រូវបានលក់ដាច់នៅទូទាំងពិភពលោក <br />ជារៀងរាល់ ខែ ។</p>
<p>សូមជម្រាបថា ចំណូលដែលបានពីការលក់នឹងត្រូវដាក់បញ្ជូលសម្រាប់ ការបង្ហាញនូវរូបភាពដែលមាន<br /> ស៊ុមរបស់សម្តេច សម្តេចម៉ែ និងនាយករដ្ឋមន្រ្តី ក៏ដូចជាការរីកលូតលាស់អាជីវកម្មរបស់លោក ប៊ីតធី<br /> ដែល នឹងអាចជួយផ្សព្វផ្សាយ អំពីប្រទេសកម្ពុជាទៅកាន់ពិភពលោក ។ ចំណែកឯចំណូលមួយទៀត<br /> នឹងត្រូវ យកទៅផ្គត់ផ្គង់សម្រាប់ការបង្កើតនូវអង្គការក្រៅរដ្ឋាភិបាលថ្មីមួយ ដែលនឹងជួយបង្រៀនហែល<br />ទឹកដល់ កុមារកម្ពុជា ៕</p>
<p style="text-align: center;"><img src="http://image.dap-news.com:81/dap-news/dap-images/2013/October/id-015/T-0174.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>