<p><span style="color: #000000;"><strong>(សាន់ហ្រ្វាន់ស៊ីស្កូ)៖</strong> បណ្តាញព័ត៌មានសង្គម Facebook បានផ្លាស់ប្តូរការសម្រេចចិត្តលើ ការលុបចេញនូវរូបភាព ដែលបង្ហាញពីក្មេងស្រីអាក្រាតកាយម្នាក់បាននឹងកំពុងរត់គេច ពីការទម្លាក់គ្រាប់បែក នៅសម័យសង្រ្គាមវៀតណាម បន្ទាប់ពីការបិទបាំងរបស់ក្រុមហ៊ុននេះ លើរូបភាពប្រវត្តិសាស្រ្តមួយនេះ បានបង្កឲ្យមានការខឹងសម្បារកើតឡើង។</span></p>
<p><span style="color: #000000;"><a class="thickbox" title="" href="/FileManager/Commons/2016/9/10/18-10-09-2016--11-04-53.jpg"><img src="/FileManager/Articles/mce/2016/9/10/18-10-09-2016--11-04-53.jpg" alt="" /></a><br /></span></p>
<p><span style="color: #000000;">ក្រុមហ៊ុន Facebook បាននិយាយថា រូបភាពមួយនេះត្រូវបានឲ្យសញ្ញាថា បានបំពានបទដ្ឋាន ដែលពាក់ព័ន្ធនិងការបង្ហោះរូបភាពមិនសមរម្យ នៅលើបណ្តាញសង្គមមួយនេះ ដែលកំពុងតែនាំមុខគេ នៅលើពិភពលោក។</span></p>
<p><span style="color: #000000;">ក្រុមហ៊ុន Facebook បានគូសបញ្ជាក់ថា<strong> «ការបង្ហោះរូបភាព របស់ក្មេងដែលអាក្រាតកាយ មិនថាប្រុសឬក៏ស្រីនោះទេ ជាធម្មតាត្រូវបានចាត់ទុកថា ជាការបំពានគោលការណ៍បទដ្ឋាន របស់ក្រុមហ៊ុនយើង ហើយនៅតាមបណ្តាប្រទេសមួយចំនួន រូបភាពបែបនេះប្រហែលជា ត្រូវបានគេចាត់ទុកស្មើ និងរូបភាពអាសអាភាសទៀតផង។ ប៉ុន្តែនៅក្នងករណីនេះ ក្រុមហ៊ុនយើងបានទទួលស្គាល់ នូវសារៈសំខាន់របស់រូបភាពនេះចំពោះ ប្រវត្តិសាស្រ្ត និងសកលលោក»</strong>។</span></p>
<p><span style="color: #000000;">រូបភាពជាប្រវត្តិសាស្រ្ត <strong>«Napalm Girl»</strong> ដែលបង្ហាញឲ្យឃើញពីក្មេងស្រីជនជាតិវៀតណាមម្នាក់ កំពុងរត់គេចខ្លួនពីការទម្លាក់គ្រាប់បែក នៅក្នុងប្រទេសរបស់ខ្លួន និងត្រូវបានផ្តិតយករូបភាពដោយ អ្នកថតរូបម្នាក់ឈ្មោះ Nick Ut Cong Huynh នៅឆ្នាំ១៩៧២។ រូបភាពមួយនេះ ត្រូវបានគេចាត់ទុកជារូបភាពដែលបញ្ជាក់អត្ថន័យយ៉ាងច្បាស់អំពីសង្រ្គាម ហើយបានទទួលពានរង្វាន់ Pulitzer ទៀតផង។</span></p>
<p><span style="color: #000000;">នាយករដ្ឋមន្រ្តីប្រទេសន័រវេស លោកស្រី Erna Solberg ដែលជាអ្នកប្រើប្រាស់បណ្តាញសង្គម យ៉ាងសកម្មមួយរូបនោះ បានបង្ហោះ រូបភាពខាងលើ ដោយមិនគោរពតាម គោលការណ៍របស់ Facebook ក្នុងគោលបំណងឲ្យ មានការសម្រេចចិត្តត្រឹមត្រូវមួយ លើភាពចម្រូងចម្រាសលើរូបភាព នៅសម័យសង្រ្គាម វៀតណាមមួយនេះ ប៉ុន្តែប៉ុន្មានម៉ោងក្រោយ Facebook ក៏បានលុបរូបភាពនោះចេញវិញ។</span></p>
<p><span style="color: #000000;">បន្ទាប់ពីទទួលរងការរិះគន់ និងពីសំណាក់មេដឹកនាំរបស់ន័រវេសខាងលើនេះ ជាសាធារណមក ទើបមកដល់ថ្ងៃសៅរ៍នេះ Facebook បានសម្រេចផ្លាស់ប្តូរគោល ជំហររបស់ខ្លួន ដោយអនុញ្ញាតឲ្យ មានការបង្ហោះរូបភាព ប្រវត្តិសាស្ត្រមួយនេះឡើងវិញ៕</span></p>
<p><span style="color: #000000;"><a class="thickbox" title="" href="/FileManager/Commons/2016/9/10/18a-10-09-2016--11-04-41.jpg"><img src="/FileManager/Articles/mce/2016/9/10/18a-10-09-2016--11-04-41.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>