<p><span style="color: #000000;">យានយន្ដ៖ ក្រុមហ៊ុនរថយន្ដ Jaguar Land Rover គ្រោងនឹងធ្វើការផលិតប្រព័ន្ធបច្ចេកវិទ្យាថ្មីមួយ ឈ្មោះថា Mind Sense ដែលជាប្រព័ន្ធវិទ្យាសាស្រ្ដទំនើបមួយមានមុខងារសំខាន់បំផុតក្នុងការ វាស់ស្ទង់រំញោចខួរក្បាលរបស់មនុស្ស ដែលផ្ដោតសំខាន់លើការបើកបររថយន្ដ។ គម្រោងនៃការផលិត របស់ក្រុមហ៊ុន គឺមានបំណងចង់កាត់បន្ថយគ្រោះថា្នក់ចររាចរ ដែលបានកើតមានឡើង តាមរយៈស្ថានភាពអ្នកបើកបរ ទាំងឡាយ ដែលមានសភាព ស្រវឹង តានតឹង អារម្មណ៍មិននឹងនរ និងខ្វះការតាំងចិត្ដបើកបរ ខណៈដែលកំពុងបញ្ជារថយន្ដ។ </span></p>
<p><span style="color: #000000;">អាការៈអ្នកបើកបរ ដែលប្រព័ន្ធ Mind Sense អាចធ្វើការដោយមានប្រសិទ្ធភាព ដូចជា ស្រវឹង ងួយគេង និង អារម្មណ៍រវើរវាយ ក្នុងកំឡុងដែលពួកគេ កំពុងតែបើកបរ ។ </span></p>
<p><span style="color: #000000;">ដើម្បីសម្រេចគម្រោងមួយនេះ ក្រុមហ៊ុន Jaguar Land Rover បានសិក្សាលើទ្រឹស្ដីបទមួយប្រភេទហើយ ដែលត្រូវបាន អង្គការ NASA បានពិសោធ និង ប្រើប្រាស់ជោគជ័យទាំងស្រុងហើយ ចំពោះការអនុវត្ដលើ ស្មារតីអ្នកបញ្ជាយន្ដហោះ ។ </span></p>
<p><span style="color: #000000;">យោងតាម អ្នកឯកទេសខាងផ្នែកបច្ចេកវិទ្យាទំនើបរបស់ក្រុមហ៊ុន Jaguar Land Rover គឺលោក Dr Wolfgang Epple បានលើកឡើងថា" ប្រសិនជាខួរក្បាលមនុស្ស ត្រូវបានបង្ហាញថា ខ្វះការប្រុងប្រយ័ត្ន និង ងងុយដេកក្នុងកំលុងពេល បើកបរ នៅពេលនោះ ការបញ្ជាចង្កួត និង ការជាន់ហ្គែរថយន្ដ មិនមានភាពនឹងនរនោះឡើយ ។ </span></p>
<p><span style="color: #000000;">ចំណែកប្រព័ន្ធបច្ចេកវិទ្យាទំនើបមួយទៀត គឺ Driver Wellness Monitoring (DWM) មានតួនាទីសំខាន់ដូចគ្នាក្នុងការស្វែងយល់ពី អារម្មណ៍ ការតាំងចិត្ដ និងស្ថានភាពអ្នកបើកបរ ដែល ប្រព័ន្ធមួយនេះ ត្រូវ ធ្វើការទំនាក់ទំនងគ្នាជាមួយ កៅអីរថយន្ដដែលមានភាពស្និតបំផុតជាមួយ អ្នកបញ្ជារថយន្ដ។ សមាសភាពរបស់វាគឺ ប្រើស៊ែនស័រ (sensor) វាស់ស្ទង់ នឹងអាចចាប់យកចង្វាក់បេះដូងរបស់ អ្នកបើកបរ ខណៈនោះនឹងអាចបង្ហាញច្បាស់ពីអារម្មណ៍ពិតប្រាកដ របស់អ្នកបើបរជាមិនខាន។ </span></p>
<p><span style="color: #000000;"><a class="thickbox" title="" href="/FileManager/Commons/2015/6/26/6-26-2015-2-45-06-pm-26-06-2015--14-51-25.png"><span style="color: #000000;"><img src="/FileManager/Articles/mce/2015/6/26/6-26-2015-2-45-06-pm-26-06-2015--14-51-25.png" alt="" /></span></a><br /></span></p>
<p><span style="color: #000000;">ប្រព័ន្ធបច្ចេកវិទ្យាមួយទៀត គឺ Predictive Infotainment Screen (PIS) ដែលធ្វើការសហការជាមួយ ផ្ទាំងប៊ត រថយន្ដ ដោយថ្លឹងថ្លែង និង គណនាពីសន្ទុះដៃរបស់អ្នកបើកបរ ដែលមានស្ថានភាព លឿន យឺត ធ្ងន់ និង ស្រាលនាពេលដែល អ្នកបើកបរបញ្ជាចុចលើផ្ទាំងប៊តនោះ ។ អាការៈបែបនេះ ប្រព័ន្ធបច្ចេកវិទ្យានោះអាចធ្វើការសិក្សាដឹងច្បាស់បានពីអារម្មណ៍ដែលកំពុងតែមានចំពោះអ្នកបើកបរ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/6/26/6-26-2015-2-36-14-pm-26-06-2015--14-45-21.png"><span style="color: #000000;"><img src="/FileManager/Articles/mce/2015/6/26/6-26-2015-2-36-14-pm-26-06-2015--14-45-21.png" alt="" /></span></a><br /><br />បច្ចេកវិទ្យាចុងក្រោយបន្ទាប់មួយទៀតគឺ Haptic Accelerator Pedal (HAP) មួយនេះគឺធ្វើការស្វែងយល់តាមរយៈការជាន់ឈ្នាន់ ហ្វាំ្រង ហ្គែ និងអង់យ៉ា រថយន្ដ ខណៈដែលកំពុងតែបើកបរ។ ឧទាហរណ៍ ករណីដែល អ្នកបើកបរ ខ្វះការប្រាកដច្បាស់លាស់ ដូចជាការជាន់ ឈ្នាន់ហ្វ្រាំង ហ្គែ និង អង់យ៉ារថយន្ដ ក្នុងកំលុងពេលមួយ ចង់ប្រើល្បឿនលឿន នោះនឹងមានភាពប្រប្រួល នៃអារម្មណ៍ បញ្ជាលើសន្ទុះជើង (ញ័រ ខ្វះការគ្រប់គ្រង) ដោយស្ថានភាពបញ្ជាមិននឹងនរ ។ នេះជាហេតុ ដែលបង្កឲ្យមានគោះថ្នាក់ កើតឡើង។</span></p>
<p><span style="color: #000000;"><a class="thickbox" title="" href="/FileManager/Commons/2015/6/26/6-26-2015-2-41-04-pm-26-06-2015--14-59-54.png"><span style="color: #000000;"><img src="/FileManager/Articles/mce/2015/6/26/6-26-2015-2-41-04-pm-26-06-2015--14-59-54.png" alt="" /></span></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ carscoops</span></p>