<div class="article-content">
<p><strong>ភ្នំពេញ ៖</strong> មន្រ្តីអាកាសចរណ៍ស៊ីវិល បានថ្លែងឲ្យដឹងថា ថ្នាក់ដឹកនាំកំពុងតែរៀបចំ សំណុំ<br /> ឯកសារ បែបបទបញ្ជូនមន្រ្តីរបស់ខ្លួន ទៅស្រាវជ្រាវ និងយកសពបុរសម្នាក់ ដែលជាអ្នក <br />បើកយន្តហោះ ធ្លាក់ស្លាប់នៅប្រទេសឡាវ កាលពីថ្ងៃទី១៦ ខែតុលា ឆ្នាំ២០១៣។</p>
<p>មន្រ្តីខុទ្ទកាល័យ អាកាសចរណ៍ស៊ីវិល ដែលនិយាយក្នុងលក្ខខណ្ឌ មិនបញ្ចេញឈ្មោះ<br /> បានប្រាប់ មជ្ឈមណ្ឌលព័ត៌មាន ដើមអម្ពិល នៅថ្ងៃទី១៨ ខែតុលា ឆ្នាំ២០១៣ថា បន្ទាប់ពី<br />បានគោលការណ៍ ពីខាងគណៈរដ្ឋមន្រ្តី ហើយមន្រ្តីជំនាញ នឹងធ្វើដំណើរទៅប្រទេសឡាវ<br /> ហើយពួកគេអាចនឹងទៅ ប្រហែលជាថ្ងៃទី១៩ ខែតុលា ។</p>
<p>លោកបន្តថា រហូតមកដល់ថ្ងៃទី១៨ ខែតុលា នេះ ខាងក្រុមរុករក មិនទាន់បានរកឃើញ<br /> សពបុរសម្នាក់នោះ នៅឡើយទេ ហើយលោកក៏មិនទាន់បានដឹង ពីអត្តសញ្ញាណអ្នកបើក<br /> យន្តហោះខ្មែររូបនោះដែរ។</p>
<p>លោកបានបញ្ជាក់ថា “ចំពោះកន្លែងយើងនេះ យើងកំពុងតែសុំគោលការណ៍ ពីថ្នាក់ដឹកនាំ <br />ដើម្បី ចាត់មន្រ្តីជំនាញ ចុះទៅស្រាវជ្រាវ៉ ។</p>
<p>យោងតាមរដ្ឋលេខាធិការទទួលបន្ទុកខាងសុវត្ថិភាពអាកាសចរណ៌ស៊ីវិល និងជាប្រធាន<br />សន្តិសុខ លោក ម៉ក់ សំអុល ដែលភ្នំពេញប៉ុស្ដិ៍ចេញផ្សាយថ្ងៃនេះបានអោយដឹងថា <br />អ្នកបើកបរយន្ដហោះ ជនជាតិខ្មែរម្នាក់ ក្នុងចំណោម ៤៩នាក់បានស្លាប់ នៅក្នុងឧប្បត្តិហេតុ<br />ធ្លាក់យន្ដហោះ របស់ក្រុមហ៊ុន ឡាវអ៊ែឡាញ នៅក្នុងខេត្តចំប៉ាសាក់ ប្រទេសឡាវ កាលពី<br />ថ្ងៃទី១៦ តុលាកន្លងទៅនេះ ។ <strong> <br /></strong></p>
<p>យោងតាម ការចេញផ្សាយ របស់សារព័ត៌មានបរទេស បានឲ្យឹងថា កាលពីថ្ងៃទី១៦<br /> ខែតុលា មានយន្តហោះ ដឹកអ្នកដំណើរមួយគ្រឿង របស់អាកាសចរណ៍ឡាវ បានធ្លាក់<br />យ៉ាងហោចណាស់ មនុស្ស ៤៩នាក់ បានស្លាប់ ។</p>
<p>នាយកប្រតិបត្តិការ របស់ក្រុមហ៊ុនអាកាសចរណ៍ឡាវ បានអះអាងថា ទំនងជាគ្មានមនុស្ស<br />ណា ម្នាក់នៅរស់រានមានជីវិតនោះទេ។ លោក សំពុង ដួងដារ៉ា នាយកប្រតិបត្តិ នៃក្រុមហ៊ុន<br />ឡាវ អ៊ែរឡាញ បានប្រាប់អ្នកសារព័ត៌មាននានា នៅទីក្រុង វៀងច័ន្ទ ថា យន្តហោះ បានធ្លាក់<br />នៅ វេលាម៉ោង ១៥ និង ៥៥នាទី យន្តហោះ ប្រភេទ QV301 បានហោះហើរ ពីទីក្រុងវៀងច័ន្ទ<br /> សំដៅ ទៅខេត្តចំប៉ាសាក់ ភាគខាងត្បូងប្រទេសឡាវ តែបានធ្លាក់ទៅក្នុងទន្លេមេគង្គ ស្ថិត<br />នៅក្រុង ប៉ាកសេ ដោយសារតែអាកាសធាតុអាក្រក់។</p>
<p>អ្នកដំណើរចម្រុះជាតិសាសន៍ មាន ឡាវ, បារំាង, ចិន, កូរ៉េខាងត្បូង, ថៃ, វៀតណាម, <br />អាម៉េរិក, អូស្ត្រាលី, កាណា, និង ម៉ាឡេស៊ី ដោយក្នុងនោះជនជាតិឡាវ មានច្រើនជាងគេ<br /> រហូតដល់ ១៧ នាក់ ត្រូវបានគេរាយការណ៍ស្ថិត នៅក្នុងយន្តហោះដែលបានធ្លាក់នោះ<br /> រួមជាមួយអ្នក បើកបរ យន្ដហោះ ២នាក់, អ្នកជំនាញការម៉ាស៊ីនម្នាក់, និងអ្នកបម្រើ ២នាក់ <br />ហើយសរុបអ្នកជិះលើ យន្តហោះទាំងអស់ មាន ៤៩ នាក់៕</p>
<p style="text-align: center;"><img src="http://image.dap-news.com:81/dap-news/dap-images/2013/October/id-030/Kosal-0198.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-014/that-0254.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/October/id-014/that-0255.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>