<div class="article-content">
<p><strong>ភ្នំពេញ៖</strong> នារីវ័យក្មេងម្នាក់ បានជិះម៉ូតូស្តូបពី ពណ៌ស ពាក់ស្លាកលេខ ភ្នំពេញ 1BP-3036 មក<br />ឈប់នៅចំណុចខាងជើងខារ៉ាអូខេ អិច អូរ ដែលមានទីតាំងស្ថិតនៅ តាមបណ្តោយផ្លូវ១៦៣<br /> ក្នុងសង្កាត់បឹងកេងកងទី៣ ខណ្ឌចំការមន ត្រូវក្រុមចោរប្លន់ប្រដាប់អាវុធ មានគ្នា២នាក់ ប្រដាប់<br />ដោយកាំភ្លើងខ្លី មួយដើម ជិះម៉ូតូឃ្លីកមួយគ្រឿងមកឈប់ក្បែរនារីរូបនោះ រួចធ្វើសកម្មភាពភ្ជង់ប្លន់<br /> យកម៉ូតូជិះទៅបាត់ ដោយសុវត្ថិភាព កាលពីវេលាម៉ោង ២២ និង ៣០ នាទីយប់ថ្ងៃទី ២៣ ខែកញ្ញា<br />ឆ្នាំ ២០១៣ ។</p>
<p>យោងតាមប្រភពព័ត៌មាន ពីកន្លែងកើតហេតុបានឲ្យដឹងថា នារីរងគ្រោះមានឈ្មោះ ស្រីដា ភេទស្រី<br /> អាយុ ២២ ឆ្នាំ ស្នាក់នៅជិតចំណុច កើតហេតុ ចំណែកសង្សាររបស់នាង ក៏មិនត្រូវបានស្គាល់អត្ត<br />សញ្ញាណដែរ ។</p>
<p>នារីរង គ្រោះបាននិយាយប្រាប់សមត្ថកិច្ចថា មុនពេលកើតហេតុរូបនាង បានជិះម៉ូតូស្តុបពី ១គ្រឿង<br /> ពណ៌ស ពាក់ស្លាកលេខ ភ្នំពេញ 1BB-3036 មកឈប់ត្រង់ចំណុចកើតហេតុ ដើម្បីរង់ចាំសង្សារ<br />ប្រុសម្នាក់ ប៉ុន្តែខណៈនាង កំពុងអង្គុយលើម៉ូតូ និយាយទូរស័ព្ទស្រាប់តែលេចមុខ ជនសង្ស័យចំនួន<br /> ២ នាក់ជិះម៉ូតូឃ្លីក ១គ្រឿងមកឈប់ក្បែរនាង រួចដកកាំភ្លើងខ្លី មិនស្គាល់ម៉ាកពីចង្កេះមកភ្ជង់ គំរាម<br />កុំឲ្យនារីរូបនោះ ស្រែករួចប្លន់យកម៉ូតូស្តុបពី ជិះរត់គេចខ្លួនបាត់ដោយសុវត្ថិភាព។ ភ្លាមៗនោះគឺ មាន<br />ការភ្ញាក់ផ្អើលដល់ នគរបាលមូល ដ្ឋានប៉ុស្តិ៍ បឹងកេងកងទី ៣ បានចុះមកអន្តរាគមន៍ នឹងបាននាំ នារី<br />រងគ្រោះទៅកាន់ទីស្នាក់ការនគរបាលប៉ុស្តិ៍ ដើម្បីធ្វើ កំណត់ហេតុកសាងសំណុំរឿងបញ្ជូនទៅថ្នាក់<br />លើ ។</p>
<p>នៅចំពោះមុខ សមត្ថកិច្ចនារីរងគ្រោះ បាននិយាយទាំងទឹកមុខ មិនសប្បាយចិត្តនិងមិនចង់ផ្តល់ព័ត៌<br />មានឲ្យ សមត្ថ កិច្ចឡើយ ព្រោះដោយនាងគិតថា ការប្តឹងផ្តល់ខាងលើនេះ វាគ្មានសង្ឃឹម ក្នុងការ<br />ស្រាវជ្រាវ តាមចាប់ក្រុមចោរ ប្លន់យកមកផ្តន្ទាទោស គឺបានត្រឹមតែខាតបង់ពេលវេលា ជាមួយសមត្ថ<br />កិច្ចតែប៉ុណ្តោះ។ បើទោះបីជាយ៉ាងណា សមត្ថកិច្ចនៅតែព្យាយាមបន្តសួរនារីរងគ្រោះ ដើម្បីចង់ដឹង<br />ព័ត៌មាន ច្បាស់ពាក់ព័ន្ធករណីប្លន់ប្រដាប់អាវុធនេះ ៕</p>
<p style="text-align: center;"><img src="http://image.dap-news.com:81/dap-news/dap-images/2013/September/id-011/Hong-0496.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-011/Hong-0497.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/September/id-011/Hong-0498.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>