<div class="article-content">
<p><strong>ពោធិ៍សាត់ៈ</strong> ក្រុមហ៊ុន អឹមប៊ីអេស របស់លោកឧកញ៉ាទ្រីភាព បានច្រានចោលនូវព័ត៌មាន<br />នានា ដែលថា សន្តិសុខ របស់ក្រុមហ៊ុន បានបាញ់ គំរាមប្រជាពលរដ្ឋ កាលពីយប់ ថ្ងៃទី១៦ <br />ខែមីនា ឆ្នាំ២០១៣ នៅឃុំថ្មដា ស្រុកវាលវែង ខេត្តពោធិ៍សាត់ ទាក់ទិន នឹងបញ្ហា គំរាម<br />កំហែងប្រជាពលរដ្ឋរឿងដីធ្លី។ ជាមួយគ្នានោះដែរ ក្រុមហ៊ុន ក៏បានឲ្យដឹង ថា ក្រុមហ៊ុនគ្មាន<br />ទំនាស់ ជាមួយប្រជាពលរដ្ឋ នៅឃុំថ្មដា ទៀតទេ ព្រោះក្រុមហ៊ុន បានអនុវត្តន៍គោល<br />នយោបាយ របស់រាជរដ្ឋាភិបាល ស្តីពីសកម្មភាពថ្មី គោលនយោបាយចាស់ លើសកម្មភាព<br />ដីធ្លី ដោយឲ្យក្រុមយុវជនស្ម័គ្រចិត្តបានចុះវាស់វែងដី ជូនប្រជាពលរដ្ឋនៅតំបន់នោះ ជិត៨០<br />គ្រួសារ មានផ្ទៃដីប្រហាក់ ប្រហែល១០០ហិកតា រួច ស្រេចទៅហើយ ពីផ្ទៃដី របស់ក្រុមហ៊ុន ដែលទទួលបានសម្បទានសេដ្ឋកិច្ចកាលពីកន្លងមកចំនួន ២ពាន់ហិកត។</p>
<p>បុគ្គលិកក្រុមហ៊ុន អឹមប៊ីអេស បានប្រាប់មជ្ឈមណ្ឌលព័ត៌មានដើមអម្ពិលនៅថ្ងៃទី១៩ ខែមីនា<br /> នេះថា គ្មានបុគ្គលិក ក្រុមហ៊ុនណាម្នាក់ បានបាញ់នៅយប់ថ្ងៃទី១៦ ខែមីនា ឆ្នាំ២០១៣ នៅ<br />ឃុំថ្មដា ស្រុកវាលវែងនោះទេ។</p>
<p>យោងតាមបុគ្គលិកក្រុមហ៊ុន បានឲ្យដឹង ដោយដកស្រង់របាយការណ៍នគរបាល ស្រុកវាល<br />វែងថា នៅយប់កើត ហេតុវេលាម៉ោងជាង ៨ ថ្ងៃទី១៦ ខែមីនា ជនសង្ស័យ៤នាក់ បានជិះម៉ូតូ<br />២គ្រឿង បានបាញ់ឡើងលើចំនួន ៨ គ្រាប់ នៅចំណុចផ្លូវ ចូលភ្លុកដំរី ភូមិឯកភាព ឃុំថ្មដា <br />ស្រុកវាលវែង ខេត្តពោធិ៍សាត់។ ការបាញ់នោះ មិនទាន់ដឹង អំពីគោលបំណង នោះទេ <br />សមត្ថកិច្ចបន្តស្រាវជ្រាវ។</p>
<p>បុគ្គលិករូបនេះបន្តថា ក្រុមហ៊ុនអឹមប៊ីអេស របស់លោកឧកញ៉ាទ្រីភាព គ្មានការជាប់ពាក់ព័ន្ធ<br />ណាមួយ ជាមួយរឿង វិវាទដីធ្លីនៅទីនោះទេ ហើយក៏គ្មានទំនាស់ដីធ្លីជាមួយប្រជាជនដែរ៕</p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>