<p>សម័យបច្ចុប្បន្ន ឯកសារប្រវត្តិរូបជាក្រដាស ហាក់មិននៅជាសំខាន់ដូចកាលមុន។ ជំនួសមកវិញ<br /> គ្រាន់តែចូលទៅកាន់បណ្ដាញសង្គម ក្រុមហ៊ុនដែលត្រូវការបុគ្គលិក យល់ទាំងអស់ អំពីបេក្ខភាព។</p>
<p style="text-align: center;"><a class="thickbox" title="" href="/FileManager/Commons/2014/3/8/facebooko-08-03-2014--20-39-24.jpg"><img src="/FileManager/Articles/mce/2014/3/8/facebooko-08-03-2014--20-39-24.jpg" alt="" /></a></p>
<p><br />Shon Burton ដែលជាស្ថាបនិក និងជាអគ្គនាយករបស់បណ្ដាញជ្រើសរើសបុគ្គលិក HiringSolved<br /> អះអាងថា ៖ “នៅពេលទៅសុំការងារធ្វើ អ្វីដែលមានឥទ្ធិពលខ្លាំងជាង ធៀបនឹងអ្វីដែលអ្នកបាន<br />សរសេរក្នុងប្រវត្តិរូបទៅទៀត នោះគឺ Facebook ” ។<br /><br />យោងតាម Burton ទំព័រឯកជន នៅលើបណ្ដាញសង្គម អាចបង្ហើបព័ត៌មានបីប្រភេទ អំពីបេក្ខ<br />ភាព ៖ ព័ត៌មានទំនាក់ទំនង ទីតាំងដែលធ្លាប់ចេញចូល ឬចំណូលចិត្ត និងចំណាប់អារម្មណ៍។ ធៀបទៅនឹងឯកសារប្រវត្តិរូបនៅលើក្រដាស ព័ត៌មានរបស់បេក្ខភាពនៅលើបណ្ដាញសង្គម<br /> បច្ចុប្បន្ន បានជួយដល់ក្រុមហ៊ុនជ្រើសរើសបុគ្គលិក វាយតម្លៃបានយ៉ាងងាយស្រួល។</p>
<p>ក្រុមទីមួយ ៖ បណ្ដាគេហទំព័រសម្រាប់ទំនាក់ទំនង ដូចជា Twitter, Linked In និង Facebook ទិន្ន<br />ន័យនៅលើបណ្ដាញសង្គមទាំងនេះ ជួយឱ្យអ្នកជ្រើសរើសបុគ្គលិក ធ្វើការទំនាក់ទំនង ជាមួយ<br />បេក្ខភាពដែលមានសក្ដានុពល បានយ៉ាងងាយស្រួល ហើយវាជាវិធីថ្មី មិនធ្លាប់មានពីមុនមក។</p>
<p>ក្រុមទីពីរ ៖ គេហទំព័រ សម្រាប់ស្វែងយល់ ឬតាមដានទីកន្លែង ដូចជា Yelp និង Foursquare<br />តាមរយៈបណ្ដាញនេះ ក្រុមហ៊ុនដែលជ្រើសរើសបុគ្គលិក អាចនឹងដឹងបានថា បេក្ខភាពធ្លាប់ទៅ<br />កាន់កន្លែងណាខ្លះ ហើយតាមរយៈនេះដែរ គេអាចដឹងអំពីតំបន់ និងជីវភាពរស់នៅ ក៏ដូចជាទី<br />កន្លែងដែលបេក្ខភាព ចំណាយពេលច្រើនបំផុត ទៅទីនោះ។</p>
<p>ក្រុមទីបី ៖ បណ្ដាគេហទំព័រដែល មាននិន្នាការទៅរកការងារ ដូចជាទំព័រ Linked In, Quora និង <br />GitHub ឬ Facebook ក្រុមអ្នកជ្រើសរើស អាចនឹងក្ដាប់បានទ្រួសៗរបស់បេក្ខភាព ថា តើចំណេះ<br />ដឹង ការយល់ដឹងដល់កម្រឹតណា និងការចាប់អារម្មណ៍ទៅលើវិស័យអ្វីខ្លះ។ ទិន្នន័យនៅលើ<br />បណ្ដាញសង្គមទាំងនេះ គឺជាកត្តាសំខាន់ ដែលនឹងអាចនាំឱ្យបេក្ខភាព ទទួលបានជោគជ័យ ឬ <br />បរាជ័យ ក្នុងការស្វែងរកការងារ ដោយយោងទៅលើភាពវិជ្ជមាន និងអវិជ្ជមានដែលបេក្ខភាព<br />បានបង្ហោះ។<br /><br />Burton ថ្លែងថា ៖ “ប្រវត្តិរូបសង្ខេបនៅលើក្រដាស តែងសរសេរបែប អួតអាង គួរឱ្យធុញទ្រាន់ <br />ហើយវាអាចត្រូវបានគេ “ទាត់ចោល” ដោយងាយ។ ប៉ុន្ដែ Facebook, Linked In, Twitter ឬ <br />YouTube, Instagram, Tumblr, Pinterest, Spotify ជាដើម គឺផ្សេង។ បណ្ដាញសង្គមទាំងនេះ ជួយ<br />ឱ្យអ្នកជ្រើសរើសបុគ្គលិក រកឃើញនូវសក្ដានុពលដែលបេក្ខភាពអាចផ្ដល់ឱ្យក្រុមហ៊ុន”។<br /><br />Burton បន្ថែមថា ៖ “សម័យបច្ចុប្បន្ន ប្រសិនមិនបានចែករំលែក ទៅកាន់បណ្ដាញសង្គម នូវអ្វី<br />ដែលខ្លួនបានធ្វើ ដូចជា GitHub ជាដើម គឺវាហាក់ដូចពិបាកនឹងទទួលបានការងារជាវិស្វករ<br />សបវែរនៅ Google, Apple ឬ Twitter ។ ការប្រែប្រួលនេះ បានកើតឡើងតាំងតែពី ៥ឆ្នាំមុន។<br /> ពិតណាស់ អ្នកជ្រើសរើសបុគ្គលិក នឹងនិយាយថា ៖ “មិនប្រើ GitHub ទេអី? បេក្ខភាពម្នាក់ នេះ <br />ម៉េចក៏អញ្ចឹង?””<br /><br />សម្រាប់កម្ពុជា បណ្ដាញសង្គមដែលកំពុងពេញនិយមបំផុត គឺ Facebook ដូច្នេះ ប្រសិនមាន<br />បំណងស្វែងរកការងារ អ្នកគួរតែបង្កើតគណនី Facebook ផ្ទាល់ខ្លួន និងបង្ហោះនូវអ្វីដែលល្អៗ អ្វី<br />ដែលអ្នកគិតថា វាបង្ហាញនូវភាពវិជ្ជមានដល់ការស្វែងរកការងាររបស់ខ្លួន៕ </p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ BusinessInsider<br /><br /></p>