<p><span style="color: #000000;"><strong>ភ្នំពេញ៖</strong> តារាសម្ដែង រាងរាវខ្ពស់ស្រឡះ ទឹម រដ្ឋា ដែលទស្សនិកជនស្គាល់ថា ជាតារាខ្មែរម្នាក់មានមុខស្រដៀង នឹងតារាចម្រៀង ប៉ារីស ហ៊ីលតុន ជាមួយនឹង ត្រេមុខសិចស៊ីបំផុត ។ កាន់តែអស្ចារ្យជាងនេះ ទឹម រដ្ឋា បានបង្កើតចំណងស្នេហ៍ជា បុរសមាឌធំ ជនជាតិប៉ាគីស្ថាន លោក ហ្សេក គី ដោយបណ្ដើរគ្នាជាសាធារណៈ យ៉ាងបើកចំហរ រួចក៏បែកគ្នាយ៉ាងបើកចំហរផងដែរ ។ </span></p>
<p><span style="color: #000000;">បន្ទាប់ពីបែកគ្នាភ្លាម ទឹម រដ្ឋា ក៏ចេញមុខបកស្រាយ ពីការបែកប្រេះស្រាំ ព្រោះនាងមិនអាចស៊ូទ្រាំ ជាមួយការប្រច័ណ្ឌហួងហែងខុសរឿង របស់សង្សារ ជនជាតិប៉ាគីស្ថាន បានឡើយ ពោលកាលពីនៅមានទំនាក់ទំនងស្នេហ៍ជាមួយគ្នា ប្រៀបបីដូចជារស់នៅក្នុងពិភពគ្មានសេរីភាពមួយ ។ ទឹម រដ្ឋា ក៏បានបង្ហាញវត្តមាន ក្នុងពិធីនានាម្នាក់ឯង និងបានប្រាប់ក្រុមអ្នកកាសែតថា ហាក់ប្លែកបន្តិច ព្រោះធ្លាប់តែបណ្ដើរគ្នា ដល់ពេលម្នាក់ឯងពិបាកបន្តិចដែរ ព្រោះថ្មីៗពេក ។</span></p>
<p><span style="color: #000000;">ចំណែកអតីតសង្សារ ទឹម រដ្ឋា លោក ហ្សេក គី ឯណោះវិញ មិនបានបង្ហាញភាព ស្រណោះសោកស្ដាយ ស្រីស្អាត ទឹម រដ្ឋា សូម្បីតែបន្តិច មើលទៅលោក ដូចជាចិត្តដាច់បំផុត ។ បើសិនបុរសខ្មែរមិនដឹងជា យំសោកបោកប្រាណយ៉ាងណាទេ ព្រោះមិនងាយបានស្រីស្អាត និងជាតារាល្បីមកធ្វើជាសង្សារណាស់ ។ លោក ហ្សេក គី ជាបុរសមានសំណាងម្នាក់ ពិសេស លោកត្រូវបាន ទឹម រដ្ឋា បណ្ដើរយ៉ាងបើកចំហរ មិនខ្វល់ពាក្យអ្នកដទៃ ព្រោះទឹម រដ្ឋា ជានារីមានទំនួលខុសត្រូវខ្ពស់ ហ៊ានធ្វើហ៊ានទទួល ។</span></p>
<p><span style="color: #000000;">លោក ហ្សេក គី មិនត្រឹមតែមិនសោកស្ដាយទេ ថែមទាំងបណ្ដើរស្រីថ្មី យ៉ាងបើកចំហរ បញ្ឈឺចិត្ត ទឹម រដ្ឋា ចូលក្នុងបណ្ដាញសង្គម Facebook យ៉ាងស្និទ្ធស្នាល ជាមួយនារីម្នាក់ផ្សេង ជាជនបរទេសដូចគ្នា ។ លោក ហ្សេក គី បានបង្ហោះរូបភាពជាច្រើនសន្លឹក ដើម្បីបង្ហាញថា នារីថ្មីម្នាក់នេះជាសង្សាររបស់លោក ខណៈនារីជនជាតិបរទេសនោះ ស្អាតមិនចាញ់ តារាៗឡើយ ស្អាតបែបបរទេសតែម្ដង ។</span><br /><span style="color: #000000;">គេមិនទាន់ដឹងទេថា ទឹម រដ្ឋា ឈឺផ្សារយ៉ាងណាឡើយ ព្រោះនាងបែកគ្នាព្រោះហេតុផលសង្សារប្រច័ណ្ឌ តែសង្សារនាងបែរជាមានអ្នកថ្មី លឿនជាងនាងទៅទៀត ពិតជាមិនធម្មតាមែន..!៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/24/1-24-2015-10-26-23-am-24-01-2015--10-32-29.jpg"><img src="/FileManager/Articles/mce/2015/1/24/1-24-2015-10-26-23-am-24-01-2015--10-32-29.jpg" alt="" /></a></span></p>
<p><a class="thickbox" title="" href="/FileManager/Commons/2015/1/24/1-24-2015-10-26-40-am-24-01-2015--10-32-40.jpg"><img src="/FileManager/Articles/mce/2015/1/24/1-24-2015-10-26-40-am-24-01-2015--10-32-40.jpg" alt="" /></a></p>
<p><a class="thickbox" title="" href="/FileManager/Commons/2015/1/24/1-24-2015-10-27-05-am-24-01-2015--10-32-52.jpg"><img src="/FileManager/Articles/mce/2015/1/24/1-24-2015-10-27-05-am-24-01-2015--10-32-52.jpg" alt="" /></a></p>
<p><a class="thickbox" title="" href="/FileManager/Commons/2015/1/24/1-24-2015-10-27-26-am-24-01-2015--10-33-02.jpg"><img src="/FileManager/Articles/mce/2015/1/24/1-24-2015-10-27-26-am-24-01-2015--10-33-02.jpg" alt="" /></a></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span><span style="color: #000000;"><br /></span></p>