<div class="article-content">
<p><strong>ភ្នំពេញៈ</strong> បន្ទាប់ពីឡើងគ្រងតំណែងបាន១០ថ្ងៃ អភិបាលថ្មី នៃរាជធានីភ្នំពេញ លោក ប៉ា សុជាតិ<br />វង្ស បានសន្យាថា នឹងលើកយកករណីទំនាស់ដីធ្លីដ៏រ៉ាំរ៉ៃ របស់អ្នកភូមិបឹងកក់មកដោះស្រាយមុន<br />គេនៅក្នុងសប្តាហ៍នេះ។ នេះបើ យោងតាមសេចក្តីប្រកាសព័ត៌មាន របស់មជ្ឈមណ្ឌលសិទ្ធិមនុស្ស<br />កម្ពុជា។</p>
<p>ជំហររកដំណោះស្រាយដីធ្លីជូនអ្នកភូមិបឹងកក់របស់អភិបាលរាជធានីភ្នំពេញថ្មី ត្រូវបានមជ្ឈមណ្ឌល<br />សិទ្ធិមនុស្ស កម្ពុជា សម្តែងការស្វាគមន៍ចំពោះឆន្ទៈបើកចំហរមួយនេះ ហើយរំពឹងថា លទ្ធផលប្រា<br />កដជាមានជូនប្រជាពលរដ្ឋ។</p>
<p>បើយោងតាមសេចក្តីប្រកាសព័ត៌មានរបស់មជ្ឈមណ្ឌលសិទ្ធិមនុស្សកម្ពុជា ហៅកាត់ថា ម.ស.ម.ក <br />ដែលចេញ ផ្សាយនៅព្រឹកថ្ងៃចន្ទ ទី១៣ ខែឧសភា ឆ្នាំ២០១៣នេះ បានឲ្យដឹងថា កាលពីព្រឹកថ្ងៃទី០៩ <br />ខែឧសភា ឆ្នាំ២០១៣ កន្លងទៅនេះ លោក ប៉ា សុជាតិវង្ស អភិបាលរាជធានីភ្នំពេញ បានអនុញ្ញាតឲ្យ<br />តំណាងប្រជាពលរដ្ឋ៦នាក់ មកពី សហគមន៍បឹងកក់ បានចូលជួបពិភាក្សាពាក់ព័ន្ធនឹងវិវាទដីធ្លី ដ៏រ៉ាំរ៉ៃ<br />មួយនេះ។</p>
<p>នៅក្នុងការជួបប្រជុំនោះ លោក ប៉ា សុជាតិវង្ស បានស្វែងយល់អំពីគោលបំណងប្រជាសហគមន៍ <br />ដែលបានដាក់ ញ្ញត្តិសុំអន្តរាគមន៍ពីលោកក្នុងការបែងចែកដីធ្លី។ នៅក្នុងញ្ញាតិនោះ បានបញ្ជាក់ពីការ<br />ស្នើសុំឲ្យបោះព្រំដី បញ្ចូល អ្នកភូមិ ៤៨គ្រួសារទៀត ចូលក្នុងគម្រោងអភិវឌ្ឍន៍នៅនឹងកន្លែង និងផ្តល់<br />ប្លង់កម្មសិទ្ធិដល់ប្រជាពលរដ្ឋទាំងនោះ ផងដែរ។</p>
<p>បើតាមសេចក្តីប្រកាសព័ត៌មានកម្រាស់ពីរទំព័ររបស់ ម.ស.ម.ក ដែលមជ្ឈមណ្ឌលព័ត៌មានដើមអម្ពិល<br />ទទួលបាន នេះ ក៏បានឲ្យដឹងដែរថា នៅក្នុងជំនួបពិភាក្សានោះ ប្រជាសហគមន៍ បានជំរុញឲ្យមានការ<br />អនុវត្តសកម្មភាពទាំង ឡាយ ដែលបានលើកឡើងខាងលើ ដោយអនុលោមទៅតាមអនុក្រឹត្យរបស់<br />រាជរដ្ឋាភិបាលកម្ពុជា ចុះថ្ងៃទី១១ ខែ សីហា ឆ្នាំ ២០១១ ដែលបានសម្រេចកាត់ដីទំហំ១២,៤៤ហិកតា<br /> ប្រគល់ឲ្យអ្នកភូមិ ដែលពុំព្រមចាកចេញសម្រាប់ អភិវឌ្ឍនៅនឹងកន្លែង។ លើសពីនោះទៀត តំណាង<br />សហគមន៍បឹងកក់ ក៏បានទាមទារឲ្យកសាងប្រព័ន្ធលូបណ្តោះ ទឹកចេញពីភូមិ ជាពិសេសផ្តល់យុត្តិធម៌<br />ដល់សកម្មជនដីធ្លី អ្នកស្រី យ៉ោម បុប្ផា ដែលកំពុងជាប់ពន្ធនាគារ។</p>
<p>លោក ប៉ា សុជាតិវង្ស នៅចំពោះមុខតំណាងអ្នកភូមិបឹងកក់ទាំង៦នាក់ ក្នុងជំនួបពិភាក្សា បានសន្យា<br />ថា លោកនឹង ចុះសិក្សាករណីនីមួយៗ នៅចុងខែឧសភា ឆ្នាំ២០១៣ ដើម្បីស្វែងរកដំណោះស្រាយឲ្យ<br />បានប្រសើរបំផុត ហើយ លោកបានសន្យាថា នឹងចុះទៅពិនិត្យមើលករណីបឹងកក់មុនគេ នៅសប្តាហ៍<br />នេះ។</p>
<p>ការសន្យា និងប្តេជ្ញាដោះស្រាយលើទំនាស់ដីធ្លីមួយនេះ លោក អ៊ូ វីរៈ ប្រធានមជ្ឈមណ្ឌលសិទ្ធិមនុស្ស<br />កម្ពុជា បាន សម្តែងការស្វាគមន៍យ៉ាងកក់ក្តៅទៅលើជំហរមួយនេះ។ លោកបានបញ្ជាក់ថា «ខ្ញុំសូមស្វា<br />គមន៍ចំពោះឆន្ទៈបើក ចំហរបស់របស់ឯកឧត្តមចំពោះប្រជាពលរដ្ឋ ដែលកំពុងត្រូវការជំនួយជាបន្ទាន់<br />ពីឯកឧត្តម ហើយសង្ឃឹមថា ការ សន្យារបស់ឯកឧត្តមចំពោះសហគមន៍ នឹងទទួលបានលទ្ធផលយ៉ាង<br />ពិតប្រាកដ។ ខ្ញុំក៏សូមអំពាវនាវដល់សាលា រាជធានីភ្នំពេញ រៀបចំឲ្យមានការប្រជុំជាផ្លូវការជាមួយ<br />ប្រជាសហគមន៍បឹងកក់នាពេលឆាប់ៗខាងមុខនេះ ដើម្បី ពិភាក្សាលើផែនការជាក់លាក់រកដំណោះ<br />ស្រាយបញ្ហានោះ ដោយមានការចូលរួមពីអង្គការសង្គមស៊ីវិលផងដែរផង ដែរ»។</p>
<p>នៅក្នុងលិខិតប្រកាសព័ត៌មានរបស់ខ្លួន លោក អ៊ូ វីរៈ ក៏បានជំរុញឲ្យសាលាឧទ្ធរណ៍ដាក់កាលបរិច្ឆេទ<br />សវនាការលើ ករណីអ្នកស្រី យ៉ោម បុប្ផា ឲ្យបានឆាប់បំផុត និងទម្លាក់ការចោទប្រកាន់ទាំងអស់ចំពោះ<br />អ្នកស្រី ព្រមទាំងដោះ លែងអ្នកស្រីភ្លាមៗ ដោយគ្មានលក្ខខណ្ឌ។</p>
<p>សូមបញ្ជាក់ថា ទំនាស់ដីធ្លីរបស់អ្នកភូមិបឹងកក់បានក្លាយជាជម្លោះដ៏រ៉ាំរ៉ៃអស់ជាច្រើនឆ្នាំ បន្ទាប់ពីរាជ<br />រដ្ឋាភិបាល កម្ពុជា បានសម្រេចផ្តល់សិទ្ធិឲ្យក្រុមហ៊ុនឯកជន វិនិយោគទៅលើដីបឹងជាច្រើនហិកតាមួយ<br />នេះ ទៅជាតំបន់ពា ណិជ្ជកម្ម កន្លែងកម្សាន្ត និងលំនៅដ្ឋានដ៏ទំនើប ក្នុងបំណងលើកសោភណភាពទី<br />ក្រុង។ មានប្រជាពលរដ្ឋជាច្រើន គ្រួសារ ហើយបានព្រមទទួលយកនូវគោលនយោបាយរបស់រាជរដ្ឋា<br />ភិបាល ហើយក៏បានរើចេញពីតំបន់មួយនេះ ផងដែរ ដោយឡែកនៅតែប្រជាពលរដ្ឋជាង៤០គ្រួសារ<br />ប៉ុណ្ណោះ បានបដិសេធហើយទាមទារឲ្យរាជរដ្ឋាភិបាលផ្តល់ដីជូនពួកគេ ដើម្បីអភិវឌ្ឍន៍នៅនឹងកន្លែង៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-175.jpg" alt="Photo by DAP-NEWS" width="550" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>