<p><span style="color: #000000;">ព័ត៌មានអន្តរជាតិ ៖ សាកសពមនុស្សច្រើនជាង ២៣០ នាក់ ត្រូវបានគេជឿថា សម្លាប់ចោលដោយក្រុម ឧទ្ទាមរដ្ឋអ៊ីស្លាមជ្រុលនិយម Islamic State (IS) នោះ ត្រូវ បាន ប្រទះឃើញនៅក្នុងផ្នូរដ៏ធំមួយ នៅភាគ ខាងកើតប្រទេស ស៊ីរ៊ី នេះបើតាមការអះអាងអោយដឹង ពីក្រុមសកម្មជន ។</span></p>
<p><span style="color: #000000;"><a class="thickbox" title="" href="/FileManager/Commons/2014/12/18/51-18-12-2014--09-00-44.jpg"><img src="/FileManager/Articles/mce/2014/12/18/51-18-12-2014--09-00-44.jpg" alt="" /></a><br /></span></p>
<p><span style="color: #000000;">បន្ថែមពីលើនេះ ប្រភពពីទំព័រសារព័ត៌មាន ប៊ីប៊ីស៊ី ក្រោយពីបានដកស្រង់ សេចក្តី ថ្លែងការណ៍ នាយក ដ្ឋានស៊ើបអង្កេតសិទ្ធមនុស្ស ប្រទេសស៊ីរី បានចុះផ្សាយអោយដឹងថា សាក សពមនុស្ស ដ៏ច្រើនលើស លប់ទាំងនោះ គេគិតថា ជាសាកសពក្រុមកុលសម្ព័ន្ធ ដែលបានប៉ះទង្គិច គ្នា ជាមួយនឹងក្រុមឧទ្ទាម ជី ហាតមួយនេះកាលពីកំឡុងរដូវក្តៅកន្លងទៅ ។ ប្រភពដដែលបន្តអោយដឹងថា ផ្នូរយក្ស ខាងលើផ្ទុកទៅ ដោយសាកសពមនុស្សច្រើនរយនាក់ មួយនេះ ត្រូវបានប្រទះឃើញ ក្រោយ ពី ក្រុមកុលសម្ព័ន្ធ Sheitat ត្រូវបានអនុញ្ញាតអោយវិលចូលស្រុកវិញ ពីសំណាក់មេដឹកនាំ រដ្ឋអ៊ីស្លាម ជ្រុលនិយម IS ។ </span></p>
<p><span style="color: #000000;"><a class="thickbox" title="" href="/FileManager/Commons/2014/12/18/52-18-12-2014--09-00-54.jpg"><img src="/FileManager/Articles/mce/2014/12/18/52-18-12-2014--09-00-54.jpg" alt="" /></a><br /></span></p>
<p><span style="color: #000000;">គួរបញ្ជាក់ថា កាលពីអំឡុងខែកន្លងទៅ អង្គការសហប្រជាជាតិ បានទទួល របាយការណ៍ អះអាងអោយ ដឹងថាមានករណីសម្លាប់រង្គាល នៅទីនោះ ។ ក្រុមអ្នកតាមដានស៊ើបអង្កេត បំភ្លឺអោយដឹងថា មានបញ្ហា ចម្រូងចម្រាស់ ប្រឈមមុខដាក់គ្នា បន្ថែមទៀត លើសង្គ្រាមស៊ីវិល ពោល ក្រុម ឧទ្ទាម រដ្ឋអ៊ីស្លាមជ្រុល និយមបានបង្ហាញនូវភាពតស៊ូ គ្រប់រូបភាព ដើម្បីកាន់កាប់ ធនធានប្រេង ដែលនៅជិតនឹងទីក្រុង Moh- assan ។ </span></p>
<p><span style="color: #000000;"><a class="thickbox" title="" href="/FileManager/Commons/2014/12/18/50-18-12-2014--09-01-01.jpg"><img src="/FileManager/Articles/mce/2014/12/18/50-18-12-2014--09-01-01.jpg" alt="" /></a><br /></span></p>
<p><span style="color: #000000;">សាក្សីរស់ម្នាក់ និយាយអោយដឹងថា គាត់បានឃើញក្បាលមនុស្សជាច្រើន ចងភ្ជួរទៅនឹងជញ្ជាំង ខណៈ នោះខ្ញុំ និងគ្រួសាររបស់ខ្ញុំ ខំប្រឹងរត់គេចខ្លួនទាំងប្រថុយប្រថាន មិនត្រឹមតែ ប៉ុណ្ណោះ ផ្នូរថ្មីៗ ត្រូវបានគេ ជីកជាបន្តបន្ទាប់ ។ គួររំឮកថា វីដេអូដែលមានការបង្ហោះឡើងជាសាធារណៈ កាលពីពេលកន្លងទៅនេះ សរបញ្ជាក់អោយដឹងថា ក្រុមរដ្ឋអ៊ីស្លាម IS បានចាប់ប្រតិបត្តិការ សម្លាប់ កាត់ ក្បាល ក្នុងទ្រង់ទ្រាយធំ ប្រឆាំងទៅនឹងក្រុមកុលសម្ព័ន្ធ Sheitat ដែលប្រឆាំងនឹងក្រុមខ្លួន ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ប៊ីប៊ីស៊ី</span></p>