<div class="article-content">
<p><strong>ភ្នំពេញ៖</strong> យុវជន២នាក់ បានបើករថយន្ត មួយគ្រឿង ប្រដេញគ្នា ជ្រុលបុក រថយន្ត៤គ្រឿង ដែលចតស្ងៀម នៅមុខភោជនីយដ្ឋាន ជួបគ្នាសម្លាញ់ បណ្ដាលឲ្យ បុរសម្នាក់ ដែលជាសន្តិសុខ រយ៉ែរថយន្ត រងរបួសបាក់ជើង ទាំងសង ខាងចំណែករថយន្ត រងការខូចខាតយ៉ាងដំណំ។</p>
<p>ហេតុការណ៍ នេះបានកើតឡើង កាលពីវេលាម៉ោង២១និង១០នាទី យប់ថ្ងៃទី២២ ខែមករា ឆ្នាំ២០១៤ នៅចំណុច មុខភោជនីយដ្ឋាន ជួបគ្នាសម្លាញ់ តាមបណ្ដោយផ្លូវលេខ ៣១៥ ស្ថិត ក្នុងសង្កាត់បឹងកក់ទី១ ខណ្ឌទទួលគោក។</p>
<p>តាមសាក្សីនៅកន្លែងកើតហេតុ បានឲ្យដឹងថា មុនពេលកើតហេតុ គេបានឃើញយុវជន២នាក់ បើករថយន្តរ៉េងរ៉ូវ៉ែរ មួយគ្រឿង ពណ៌ខ្មៅ ពាក់ស្លាកលេខភ្នំពេញ 2S-8669 ធ្វើដំណើរតាម បណ្ដោយផ្លូវលេខ៣១៥ ក្នុងទិសដៅ ពីជើងទៅត្បូង ក្នុងល្បឿនយ៉ាងលឿន ដែលប្រដេញគ្នា ជាមួយរថយន្ត មិនស្គាលម៉ាកមួយគ្រឿងទៀត លុះមកដល់ចំណុចកើតហេតុ ស្រាប់តែរ៉េចង្កូត ទៅបុកនិង រថយន្ត៤គ្រឿង មួយគ្រឿង ម៉ាកឡិចស៊ី LX470 ពណ៌ខ្មៅ ពាក់ស្លាកលេខ ភ្នំពេញ 2S-0689 ទី២រថយន្តម៉ាកឡិចស៊ី LX470 ពណ៌ទឹកប្រាក់ ពាក់ស្លាកលេខ ភ្នំពេញ 2L-9213 ទី៣ រថយន្តម៉ាកកូរូឡា ពណ៌ខ្មៅ ពាក់ស្លាកលេខភ្នំពេញ 2K-6559 និងមួយគ្រឿងទៀត ហាយឡែនឌ័រ ដែលចតស្ងាមនៅតាមដងផ្លូវ មុខភោជនីយ៍ដ្ឋាន ជួបគ្នាសម្លាញ់ រុញជាប់គ្នា និងបណ្ដាលឲ្យ អ្នករយ៉ែរថយន្ត រងរបួសបាក់ជើង ទាំងសងខាង ត្រូវបានរថយន្តដឹកទៅសង្គ្រោះភ្លាម ចំណែកទាំង៥គ្រឿង រងការខូចខាត យ៉ាងដំណំ។</p>
<p>ក្រោយពេលកើតហេតុ សមត្ថកិច្ចបានចុះដល់ចំណុច កើតហេតុ និងវាស់វែងយករថយន្តទៅរក្សាទុក នៅការិយាល័យចរាចរណ៍ ជើងគោក ដើម្បីរង់ចាំដោះស្រាយ តាមច្បាប់៕</p>
<p style="text-align: center;"><img src="http://111.92.240.170:81//dap-news/dap-images/2014/January/id-007/Pheak-0211.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2014/January/id-007/Pheak-0212.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2014/January/id-007/Pheak-0213.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2014/January/id-007/Pheak-0214.jpg" alt="Photo by DAP-NEWS" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-067/CH-00626.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-067/CH-00624.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-067/CH-00627.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-067/CH-00625.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>