<div class="article-content">
<p><strong>ភ្នំពេញ ៖</strong> ស្រ្តីក្មេងខ្ចីរូបស្រស់ម្នាក់ ត្រូវបានគេ ប្រទះឃើញ ដេកដួលសន្លប់ ស្តូកស្តឹងបែកពពុះ<br />ម្នាក់ឯងនៅក្បែររបងរោងចក្រដោយពុំដឹងមូលហេតុ ប៉ុន្តែប្រជាពលរដ្ឋ អ្នកលក់ដូរខាងមុខរោង<br />ចក្រសង្ស័យថា ស្រ្តីរូបនេះទំនង ជាផឹកថ្នាំពុល ប៉ងធ្វើអត្តឃាត ។</p>
<p>ការប្រទះឃើញស្រ្តីរងគ្រោះនេះ កើតឡើង កាលពីវេលាម៉ោង៤និង៤០នាទីនារសៀលថ្ងៃទី០៥ <br />ខែសីហា ឆ្នាំ២០១៣ នៅចំណុច ក្បែររបង រោងចក្រ ជី អេស ធី ដែលមានទីតាំងស្ថិត នៅតាម<br />បណ្តោយផ្លូវ ជាតិលេខ៤ ភូមិអូរដឹម សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។</p>
<p>ប្រជាពលរដ្ឋ ដែលលក់ដូរ នៅក្បែររបងរោងចក្រខាងលើបាននិយាយថា ស្រ្តីរងគ្រោះ ពុំដឹងជា<br />មកពីណាទៅណា ក៏មិនដឹងមាន ឈ្មោះអ្វីនោះដែរ មានអាយុ ប្រហែលជា២០ឆ្នាំង សម្បុរ ស<br /> ស្លៀកខោយឺតខ្មៅ ជើងវែង ពាក់អាវយឺតពណ៌ សូកូឡា និងអាវយឺតខ្មៅពីក្រៅ ។</p>
<p>មុនពេលកើតហេតុ គេបានឃើញស្រ្តីរងគ្រោះ ខាងលើ ដើររេរានៅខាងមុខរោងចក្រ ដោយទឹក<br />មុខស្រងូតស្រង៉ាត់ ដៃកាន់ថង់ ខ្មៅមួយ ក្រោយមកមិនដឹងថា ស្រ្តីរូបនេះទៅ ណាមកណាបាត់<br /> លុះដល់វេលាម៉ោងកើតហេតុ ស្រាប់តែប្រទះឃើញ ស្រ្តីរូបនេះ ដេកដួលសន្លប់ ស្តូកស្តឹង បែក<br />ពពុះមាត់នៅ ក្បែររបងរោងចក្រ ឃើញសភាពបែបនេះ ក៏បានរាយការណ៍ ជូនសមត្ថកិច្ច មូល<br />ដ្ឋាន ឲ្យជួយអន្តរាគមន៍ និងបានហៅរថយន្តសង្គ្រោះរបស់អង្គភាព៧១១ កងពលតូចលេខ៧០<br /> ដឹកយកទៅកាន់មន្ទីរពេទ្យព្រះកុសមៈ ហៅមន្ទីរពេទ្យលោកសង្ឃដើម្បីជួយសង្គ្រោះ អាយុជីវិត<br />បន្ទាន់ ហើយរហូតដល់ពេលនេះ ស្រ្តីរងគ្រោះពុំទាន់ដឹងខ្លួននៅឡើយទេ ក្រុមគ្រួពេទ្យកំពុងតែ<br />ជួយ ព្យាបាលយ៉ាង យកចិត្តទុកដាក់បំផុត ។</p>
<p>បើតាមការសន្និដ្ឋាន របស់សមត្ថកិច្ចបានឲ្យដឹងថា ស្រ្តីរងគ្រោះទំនង មានវិបត្តិអ្វីមួយហើយ <br />ហើយស្រ្តីរូបនេះ បានផឹកថ្នាំធ្វើអត្តឃាត ហើយមើលទៅ ប៉ុន្តែមិនបានសម្រេច ត្រូវបានក្រុម<br />សង្គ្រោះបញ្ជូន ទៅសង្គ្រោះទាន់ ។ ប៉ុន្តែទោះ បីជាយ៉ាងក៏គ្មាន ប្រភពមួយណាបញ្ជាក់ឲ្យ បាន<br />ច្បាស់អំពីមូលហេតុ នៃការដួលសន្លប់នេះដែរ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-067/CH-0073.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-067/CH-0074.jpg" alt="" width="550" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>