<p>iPhone 5S និង iPhone 5 របស់ Apple ត្រូវបានប្រភពឲ្យដឹងថា បានលក់ដាច់ជាង Galaxy S4 របស់ Samsung ទៅទៀត នៅលើទីផ្សារទូទាំងពិភពលោក ក្នុងខែតុលា កន្លងទៅនេះ នេះបើតាម Counterpoint Research បានប្រារព្ធធ្វើឡើង។</p>
<div class="content">
<p>បើតាមរបាយការណ៍ថ្មីបំផុត ដែលបានប្រកាសបង្ហាញឲ្យដឹង កាលពីថ្ងៃម្សិលមិញនេះ, Counterpoint Research បានឲ្យដឹងថា iPhone 5S បាននាំមុខគេ នូវបរិមាណលក់ចេញ នៃស្មាតហ្វូនទូទាំងពិភព លោក បើជាដំបូងឡើយ ឧបករណ៍នេះ មិនសូវមានការចាប់អារម្មណ៍ច្រើន (អាចមកពីតំលៃថ្លៃពេក)។ ជាក់ស្តែង Apple បានខិតខំប្រឹងប្រែង ឆ្លើយតបទៅនឹងតម្រូវការរបស់អតិថិជន យ៉ាងខ្លាំង នៅក្នុងខែ វិច្ឆិកា និងខែធ្នូ នេះ។</p>
<p>iPhone 5 បានជាប់ចំណាត់ថ្នាក់ទី២ ក្នុងតារាងរបស់ Counterpoint។ Galaxy S4 បានចំណាត់ថ្នាក់លេខ ៣ ហើយនិង iPhone 5C ទទួលបានចំណាត់ថ្នាក់លេខ ៤។ ចំណាត់ថ្នាក់បន្តបន្ទាប់ទៅទៀតគឺបានដល់ Samsung Galaxy Note 3, Galaxy S3 និង Galaxy S4 Mini។</p>
<p><a class="thickbox" title="" href="/FileManager/Commons/2013/12/13/counterpointtopsellersoct2013-13-12-2013--14-47-51.jpg"><img src="/FileManager/Articles/mce/2013/12/13/counterpointtopsellersoct2013-13-12-2013--14-47-51.jpg" alt="" /></a></p>
<p>បើតាមប្រភពពី Counterpoint Research, iPhone 5S របស់ Apple គឺទទួលបានការពេញនិយមខ្លាំង នៅប្រទេសចិន ជាទីកន្លែងដែលភាគហ៊ុនទីផ្សារ នៃស្មាតហ្វូននេះ បានកើនឡើងពី ៣% ដល់ ១២% តែក្នុងរយះពេល ១ខែប៉ុណ្ណោះ។ លទ្ធផលខាងលើ បានជួយឲ្យ Apple ក្លាយទៅជាអ្នកផ្គត់ផ្គង់ស្មាតហ្វូន ធំលំដាប់ទី៣ នៅលើទីផ្សារប្រទេសនេះ។ កិច្ចសន្យា ដែលទើបតែបានចុះហត្ថលេខា កាលពីពេលថ្មីៗ នេះជាមួយ ប្រព័ន្ធទូរស័ព្ទចល័ត China Mobile នឹងជួយឲ្យ Apple រឹតតែខ្លាំងជាងមុនទៅទៀត "ដូចខ្លា ដុះស្លាប" ក្នុងការដែលចូលកៀក កាន់តែជិតស្និតជាមួយអ្នកប្រើប្រាស់ នៅប្រទេសចិន ទីកន្លែងដែល មានចំនួនប្រជាជនច្រើន ជាងគេបំផុតទូទាំងពិភពលោក៕</p>
<p>ព័ត៌មានគួរឲ្យចាប់អារម្មណ៍ ផ្សេងទៀត៖</p>
<p><a href="http://www.camnews.com.kh/News/Detail/85623/the-nokia-normandy-prototyping-android-super-cheap-price"><span style="color: #0000ff;">- គំរូ Concept Nokia Normandy ប្រើប្រព័ន្ធប្រតិបត្តិការ Android តំលៃថោក ស្អាតទាក់ទាញ</span></a><a href="http://www.camnews.com.kh/News/Detail/45271/the-idea-of-a-car-bus-with-lcd-display"><span style="color: #0000ff;"><br />- រថយន្តក្រុង ជាមួយនឹងជញ្ជាំងសងខាង ជាអេក្រង់ LCD ដ៏ស្អាតប្លែកភ្នែក (មានវីដេអូ)</span></a><a href="http://www.camnews.com.kh/News/Detail/79638/6-shocking-truth-about-the-world-of-technology"><span style="color: #0000ff;"><br />- ការពិត ៦យ៉ាងដែលធ្វើឲ្យភ្ញាក់ផ្អើល ស្តីពី ពិភពបច្ចេកវិទ្យា</span></a><a href="http://www.camnews.com.kh/News/Detail/38702/sony-introduces-2-in-1-usb-for-android-smartphones-and-tablets"></a></p>
<p style="text-align: right;">ប្រែសម្រួល៖ សិលា<br />ប្រភព៖ zing</p>
</div>