<p><strong>ព័ត៌មានអន្តរជាតិ ៖</strong> ទីភ្នាក់ងារ សារព័ត៌មានស្កាយ ដែលទើបតែបានចេញផ្សាយ កាលពីពេល កន្លងទៅនេះ អោយដឹងថា នៅឯ ប្រជុំកោះ Gran Canaria មានទីតាំងស្ថិតនៅក្នុងប្រទេស អេស្ប៉ាញ មហាសមុទ្រ អាត្លង់ទិក ករណីកាប៉ាល់ បុកគ្នា ត្រូវបានគេរាយការណ៍ច្រឡំអោយដឹង ថា មានករណីធ្លាក់យន្តហោះ ចូលទៅក្នុងមហាសមុទ្រ ទៅវិញ ។</p>
<p>មុនពេលនឹងមានសេចក្តីប្រកាស កែតម្រូវមកវិញ អាជ្ញាធរ ប្រចាំតំបន់ បានចេញសេចក្តីថ្លែង ការ ណ៍អោយដឹងថា មានយន្តហោះ មួយគ្រឿង បានបើកធ្លាក់ចូលទៅក្នុងសមុទ្រ តំបន់កើតហេតុ ខាងលើ ពោលមានរយៈចម្ងាយតែពីរម៉ាយតែប៉ុណ្ណោះ ពីប្រជុំកោះមួយនេះ។</p>
<p><a class="thickbox" title="" href="/FileManager/Commons/2014/3/31/02-31-03-2014--08-58-11.jpg"><img src="/FileManager/Articles/mce/2014/3/31/02-31-03-2014--08-58-11.jpg" alt="" width="481" height="682" /></a></p>
<p>អ្នកនាំពាក្យ តំណាងអោយ ទីភ្នាក់ងារ សង្គ្រោះបន្ទាន់ ប្រចាំតំបន់ បាននិយាយអោយដឹងថា តាម ពិតទៅ វាពុំមែនជាករណី គ្រោះថ្នាក់ធ្លាក់យន្តហោះនោះទេ តែតាមពិតទៅ វាគ្រាន់តែជាករណី គ្រោះថ្នាក់ នាវាសណ្តោង បុកនឹង នាវានោះទេ ។</p>
<p>គួររំឭកថា ជាដំបូង អាជ្ញាធរ ប្រចាំតំបន់ បានអះអាងអោយដឹងថា យន្តហោះខាងលើបានធ្លាក់ចុះ ដោយនៅក្នុងនោះ ពុំបានដឹងថា មានមនុស្សប៉ុន្មាននាក់ នៅលើយន្តហោះ អោយពិតប្រាកដ នោះទេ ។ លោក Controladores Aéreos ជាបេក្ខភាព ដែលបានផ្តិតរូបភាពខាងលើ បានគូស បញ្ជាក់អោយដឹងថា តាមរយៈរូបភាពមួយនេះ មើលទៅ ជាក់ច្បាស់ណាស់ ដូចមែនទែន ទៅនឹង រូបភាពយន្តហោះ តែដឹងអីថា តាមពិតទៅ ជានាវា ទៅវិញ ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ស្កាយ</p>