<p><strong>នំពេញ ៖</strong>បង្គោលភ្លើង ស្ថិតនៅចំពីមុខ សកលវិទ្យាល័យបញ្ញាសាស្ដ្រ តាមបណ្ដោយ ផ្លូវព្រះ<br />នរោត្ដម សង្កាត់ទន្លេបាសាក់ ខណ្ឌ ចំការមន កាលពីវេលាម៉ោងប្រមាណ ១០ និង៣០នាទីព្រឹក<br /> ថ្ងៃទី០៥ ខែសីហា ឆ្នាំ ២០១៣ បានទុស្សេឆាបឆេះចេញជាផ្សែង និងអណ្ដាតភ្លើង បង្កឱ្យមាន<br />ការភ្ញាក់ផ្អើល យ៉ាងខ្លាំងពីប្រជាពលរដ្ឋ ដែលកំពុងធ្វើ ដំណើរនៅតាមផ្លូវ ជាពិសេសក្រុមនិស្សិត<br /> ដែលកំពុងសិក្សា នៅក្នុងសកលវិទ្យាល័យមួយនេះ ។</p>
<p>អ្វីដែលធ្វើឱ្យចាប់អារម្មណ៍ជាងនេះ ប្រសិនបើពុំមានការជួយអន្ដរាគមន៍ទាន់ ពេលវេលា របស់<br />កម្លាំងនគរបាលពន្លត់អគ្គិ ភ័យនោះទេ ទុស្សេខ្សែភ្លើងដែលនាំឱ្យឆេះ បង្គោលភ្លើង អាចនឹងរីក<br />រាលដាលកាន់តែ ធ្ងន់ធ្ងរ ពីព្រោះកន្លែងបង្គោលភ្លើងនៅក្បែរ ស្ថានីយប្រេងសូគីម៉ិច ប្រមាណ <br />២០ម៉ែត្រប៉ុណ្ណោះ ។</p>
<p>យោងតាមប្រជាពលរដ្ឋ ដែលធ្វើដំណើរ នៅតាមផ្លូវ ហើយបានឈរមើលហេតុការណ៍ ខាងលើ<br />នេះបានឱ្យដឹងថា នៅវេលាម៉ោង ប្រមាណ ១០ និង៣០នាទីព្រឹកថ្ងៃទី០៥ ខែ សីហា ឆ្នាំ២០១៣<br /> នេះ ស្រាប់តែមានផ្សែង ហុយចេញពីប្រអប់ភ្លើងនៅមុខសកលវិទ្យា ល័យបញ្ញាសាស្ដ្រ ស្ទើរតែ<br />មើលផ្លូវមិនចង់ឃើញ ដោយសារតែឆ្លងចរន្ដអគ្គិសនី ។ ពេលនោះកន្លែងកើតហេតុត្រូវបានសមត្ថ<br />កិច្ច និងក្រុមសន្ដិសុខរបស់សកលវិទ្យាល័យ បញ្ញាសាស្ដ្រ បានទប់ស្កាត់មិនឱ្យប្រជាពល រដ្ឋធ្វើ<br />ដំណើរឆ្លងកាត់ ហើយទាក់ទងទៅខាង មន្ដ្រីអគ្គិសនី និងរថយន្ដពន្លត់អគ្គិភ័យមក ជួយអន្ដរាគមន៍<br /> ដោយសារតែគេភ័យខ្លាច ពីព្រោះស្ថានីយប្រេងសូគីម៉ិចនៅក្បែរនោះ។</p>
<p>ក្រោយពីមានករណីនេះកើតឡើងភ្លាម ប្រធានការិយាល័យពន្លត់ និងបង្ការអគ្គិភ័យ រាជធានីភ្នំពេញ<br /> លោក នេត វណ្ណថា បាន ថ្លែងប្រាប់តាមទូរស័ព្ទថា កម្លាំងនគរបាល របស់លោក បានបញ្ជូនរថយន្ដ<br />១គ្រឿងទៅជួយអន្ដរាគមន៍ ហើយភ្លើងក៏បានរលត់ទៅវិញ ។ យ៉ាងណាក៏ដោយដោយសារតែទុស្សេ ខ្សែភ្លើងមួយសន្ទុះក្រោយមកនៅតំបន់នោះ ភ្លើងដាច់ បូករួមទាំងសកលវិទ្យាល័យ បញ្ញាសាស្ដ្រផង<br />ដែរ ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-011/Hong-0092.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0091.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0093.jpg" alt="" width="500" /></p>
<p style="text-align: center;"><object width="500" height="400" data="http://www.youtube.com/v/pd7zs2BRtkk&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/pd7zs2BRtkk&rel=1" /></object></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>