<p>មហាសេដ្ឋី Elon Musk គឺជាមនុស្សម្នាក់ក្នុងចំណោមសមាជិកដែលបានបង្កើតក្រុមហ៊ុនផលិតរថយន្ដ<br />ប្រើថាមពលអគ្គិសនីលំដាប់ខ្ពស់ Tesla Motors នាឆ្នាំ ២០០៣ ។ ប្រភពព័ត៌មានពី Bloomberg បានឱ្យ<br />ដឹងថា ទ្រព្យសម្បត្តិរបស់មហាសេដ្ឋី ជនជាតិអាហ្វ្រិកខាងត្បូង Elon Musk បានកើនឡើងថែម ៥៧០<br />លានដុល្លារ កាលពីយប់ថ្ងៃទី ៨ ខែសីហា កន្លងទៅ នៅពេលភាគហ៊ុនរបស់ក្រុមហ៊ុនរថយន្ដអគ្គិសនី<br /> Tesla Motors ដែលមានលោកជាស្ថាបនិកម្នាក់ដែរនោះ បានកើនឡើង ១៤% ។<br /> <br />កាលពីថ្ងៃទី ៨ សីហា ឆ្នាំ ២០១៣ ក្រុមហ៊ុនផលិតរថយន្ដអគ្គិសនី Tesla Motors បានប្រកាសថា <br />ប្រាក់ចំណេញរបស់ខ្លួនគឺ ២០សេន/ភាគហ៊ុន រួមទាំង ១៥សេន បានមកពីកម្មវិធីដាក់ឱ្យជួល។ ប្រការ<br />នេះធ្វើឱ្យក្រុមអ្នកវិភាគមានការភ្ញាក់ផ្អើល ដោយសារមុននេះ ពួកគេទស្សន៍ទាយថា ក្រុមហ៊ុន Tesla <br />Motors នឹងត្រូវខាត ២០សេន/ភាគហ៊ុន។ មិនត្រឹមតែប៉ុណ្ណោះ ក្រុមហ៊ុននេះ ថែមទាំងបានអះអាងថា<br /> ខ្លួននឹងរកប្រាក់បានច្រើនពេញមួយឆ្នាំនេះ ហើយថានឹងពង្រីកទៅកាន់ទីផ្សារអាស៊ី និងអឺរ៉ុបផងដែរ។</p>
<p style="text-align: center;"><a class="thickbox" title="" href="/FileManager/Commons/2013/8/12/how-elon-musk-is-revolutionizing-two-major-industries-at-the-same-time-12-08-2013--18-35-25.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/12/how-elon-musk-is-revolutionizing-two-major-industries-at-the-same-time-12-08-2013--18-35-25.jpg" alt="" /><br /></a><span class="thickbox">Elon Musk ថែមទាំងមានបំណង ផលិតយន្ដហោះល្បឿនលឿន ដំណើរការដោយ<br />ថាមពលអគ្គិសនីទាំងស្រុង ក្នុងពេលអនាគត។ </span></p>
<p style="text-align: left;">Tesla Motors គឺជាក្រុមហ៊ុនផលិតរថយន្ដម៉ូដែល Model S ប្រើអគ្គិសនី ដ៏ល្បីល្បាញ។ រថយន្ដ<br />ដែលក្រុមហ៊ុននេះបានលក់ចេញក្នុងត្រីមាសទីពីរឆ្នាំ ២០១៣ មានចំនួន ៥,១៥០គ្រឿង គឺច្រើន<br />ជាងគម្រោងដែលក្រុមហ៊ុននេះបានគិត។ ការជួញដូរនៅផ្សារភាគហ៊ុននៅអាមេរិក កាលពីថ្ងៃទី <br />៨ សីហា កន្លងទៅក្រុមហ៊ុន Tesla Motors ដែលមានទីស្នាក់ការនៅក្រុង Palo Alto រដ្ឋ California <br />នេះ បានឈរនៅកម្រិត១៥៣,៤៨ ដុល្លារអាមេរិក ធ្វើឱ្យតម្លៃមូលធនទីផ្សាររបស់ Tesla Motors <br />កើនឡើងជាង ១៨,២ពាន់លានដុល្លារ។<br /><br />គួររំឭកថា កាលពីដើមឆ្នាំនេះ ទស្សនាវដ្ដី Motor Trend បានជ្រើសរើសរថយន្ដ Model S របស់ <br />Tesla Motors ជារថយន្ដដំណើរការដោយអគ្គិសនី ទ្វារ ៤ ដែលអាចបរបានលឿន ខ្លាំងក្លា ដូច<br />រថយន្ដកីឡា។ថ្វីបើមានល្បឿនលឿន ប៉ុន្ដែ Tesla Model S នាំមកនូវអារម្មណ៍ស្រួលខ្លួន ដូចអង្គុយ<br />ក្នុងរថយន្ដ Rolls-Royce និងធំទូលាយមិនចាញ់ Chevrolet Equinox ។<br /><br />ជាមួយនិងតម្លៃភាគហ៊ុនរបស់ Tesla Motors បានកើនឡើងខ្ពស់ ដូច្នេះទ្រព្យសម្បត្តិរបស់មហា<br />សេដ្ឋី ElonMusk ដែលជាស្ថាបនិកម្នាក់របស់ Tesla Motors នោះ ក៏បានកើនឡើងបន្ថែម ៥៧០<br />លានដុល្លារ ក្នុងរយៈពេលតែមួយយប់ ពោលគឺនៅយប់ថ្ងៃទី ៨ សីហាកន្លង។ បច្ចុប្បន្ន បើតាមទំព័រ<br /> Bloomberg ទ្រព្យសកម្មសរុបរបស់ Elon Musk គឺ ៧,៧ពាន់លានដុល្លារ កើនឡើង ២២០% កាលពី<br />ដើមឆ្នាំនេះ ហើយបច្ចុប្បន្ន លោកក៏ជាអ្នកមានជាងគេលំដាប់ទី ១៦២ ក្នុងពិភពលោក។</p>
<p><a class="thickbox" title="" href="/FileManager/Commons/2013/8/12/ku-xlarge-12-08-2013--18-35-59.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/12/ku-xlarge-12-08-2013--18-35-59.jpg" alt="" /></a><br />Elon Musk កើត និងធំឡើងនៅក្រុង Pretoria របស់អាហ្វ្រិកខាងត្បូង។ ក្នុងវ័យ ១២ឆ្នាំ Elon Musk <br />បានបង្ហាញសមត្ថភាពក្នុងវិស័យអវកាស នៅពេលដែលបានលក់ផ្នែកទន់ហ្គេម (game software)<br />Blastar ក្នុងតម្លៃ ៥០០ដុល្លារ។ បន្ទាប់ពីបានបញ្ចប់បរិញ្ញាបត្រផ្នែកសេដ្ឋកិច្ច និងរូបវិទ្យានៅអាមេរិក<br /> Elon Musk បានចាប់ផ្ដើមបង្កើតការងារដោយឡែករបស់ខ្លួន នៅក្នុងវិស័យចំនួន៣ សំខាន់ៗ ដែល<br />លោកយល់ថា នឹងមានឥទ្ធិពលខ្លាំងក្នុងអនាគតរបស់មនុស្ស។ វិស័យទាំងនោះ រួមមាន អ៊ីនធើរ<br />ណិតថាមពលស្អាត និងវិស័យអវកាស។<br /><br />ក្រៅពីការបង្កើតក្រុមហ៊ុនបច្ចេកវិទ្យាអវកាស SpaceX ដែលមានដើមទុន ១០០លានដុល្លារ Musk ក៏ជាស្ថាបនិកនៃក្រុមហ៊ុនផលិតរថយន្ដដំណើរការដោយថាមពលអគ្គិសនី Tesla Motors រួមនិង<br />ប្រព័ន្ធទូទាត់អនឡាញ PayPal ។ ចំណែកក្រុមហ៊ុន SolarCity ដែលមានសេវាកម្មផ្គត់ផ្គង់ថាមពល<br />ព្រះអាទិត្យក៏ត្រូវបានបង្កើតឡើងដោយ Elon Musk ។ បច្ចុប្បន្ន Elon Musk គឺជាអគ្គនាយកក្រុមហ៊ុន<br />បច្ចេកវិទ្យា SpaceX អគ្គនាយកផ្នែករចនារបស់ Tesla Motors និងជាប្រធានក្រុមប្រឹក្សាពិបាលរបស់<br /> SolarCity ផងដែរ។<br /><br />ក្នុងចំណោមក្រុមហ៊ុនរបស់លោក ក្រុមហ៊ុនអវកាស SpaceX បានក្លាយជាទីភ្នាក់ងារឯកជនដំបូង<br />ដែលទទួលបានជោគជ័យ ក្នុងការនាំយកយានទៅកាន់អវកាស និងត្រឡប់មកវិញដោយសុវត្ថិភាព<br /> ជាគម្រោងដែលមុននេះ មានតែ ៣ប្រទេស គឺអាមេរិក រុស្ស៊ី និងចិន ប៉ុណ្ណោះដែលអាចធ្វើបាន។ <br />ជោគជ័យខាងលើ មិនបានធ្វើឱ្យ Elon Musk ស្កប់ចិត្តនោះទេ ពេលនេះ លោក កំពុងនាំមុខក្នុងការ<br />ប្រជែងឡើងទៅកាន់អវកាស ដោយមានគោលដៅចុងក្រោយ គឺនាំមនុស្សឡើងភពព្រះអង្គារ។ <br /><br />នៅក្នុងកិច្ចសម្ភាសមួយកាលពីពេលថ្មីៗនេះ Elon Musk បានថ្លែងថា ថ្ងៃណាមួយខ្លួននឹងស្រាវជ្រាវ ផលិតយន្ដហោះល្បឿនលឿនដំណើរការដោយថាមពលអគ្គិសនីទាំងស្រុង ដែលអាចហោះឡើង<br /> និងចុះចត តាមរបៀបត្រង់ទៅលើ។</p>
<p><a class="thickbox" title="" href="/FileManager/Commons/2013/8/12/elon-musk-12-08-2013--18-36-38.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/12/elon-musk-12-08-2013--18-36-38.jpg" alt="" width="451" height="315" /><br /></a>បើទោះជាមានទ្រព្យស្ដុកស្ដម្ភ ប៉ុន្ដែជីវិតអាពាហ៍ពិពាហ៍របស់ Elon Musk មិនទទួលបានជោគជ័យ<br />នោះទេ។ លោកធ្លាប់បានរៀបការចំនួនពីរលើក លើកទីមួយជាមួយអ្នកនិពន្ធ ចំណែកលើកទីពីរ<br /> ជាមួយតារាសម្ដែង ប៉ុន្ដែពួកគេបានចែកផ្លូវគ្នាទៅហើយ។ មូលហេតុចម្បងគឺដោយសារតែលោក<br /> “ញៀន” នឹងការងារខ្លាំងពេក៕</p>
<p style="text-align: right;"><br />ដោយ ៖ តារា<br />ប្រភព ៖ Forbes/BBC/ Bloomberg<br /><br /></p>