<div class="article-content">
<p><strong>បាងកក៖</strong> មេដឹកនាំក្រុមបាតុករ លោក ស៊ូថេប ប្រកាសចាប់ខ្លូន នាយករដ្ឋមន្រ្តី យីងឡាក់ និង គណៈរដ្ឋមន្រ្តី បើសិន រដ្ឋាភិបាល នៅតែរឹងទទឹងបន្តកាន់អំណាច។</p>
<p>យោងតាមគេហទំព័រ INN របស់ថៃ នៅថ្ងៃ អង្គារ ទី ១៤ ខែ មករា ឆ្នាំ ២០១៤ នេះបានចុះផ្សាយ ឲ្យដឹងថា លោក ស៊ូថេប ថងស៊ូបាន មេដឹកនាំក្រុមចលនាប្រជាជន ដើម្បីប្រជាធិបតេយ្យ ដែល មានព្រះមហាក្សត្រជាប្រមុខ បានប្រកាសលើវេទិកាថា នាអំឡុង ២-៣ ខាងមុខនេះ ខ្លួននឹងដឹក នាំក្រុមបាតុករ ឡោមព័ទ្ធទីស្នាក់ការរដ្ឋទាំងអស់ ដើម្បីមិនឲ្យចូលបំពេញការងារបាន រួមទាំងចូល កាន់កាប់ និង កាត់ផ្តាច់ប្រព័ន្ធទឹក ភ្លើង តាមក្រសួង សំខាន់ៗផ្សេងទៀត បើសិនរដ្ឋាភិបាលនៅ តែរឹងទទឹង ក្រាញអំណាច។</p>
<p>លើសពីនេះ លោក ស៊ូថេប ប្រកាសគំរាមចាប់ខ្លួន លោកស្រី យីងឡាក់ ស៊ីណាវ៉ាត់ នាយករដ្ឋ មន្រ្តី ព្រមទាំង ឧបនាយក រដ្ឋមន្រ្តី និង រដ្ឋមន្រ្តីជាច្រើនរូបទៀត ក្នុងគោលបំណងមិនទទូល យករបប ថាក់ស៊ីន និង មិនទទួលស្គាល់ ការបោះឆ្នោតថ្ងៃទី ២ ខែ កុម្ភៈ ខាងមុខនេះ៕</p>
<p style="text-align: center;"><img src="http://image.dap-news.com:81/dap-news/dap-images/2014/January/id-014/that-0153.jpg" alt="Photo by DAP-News" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-40-26/79168-2014-01-14-09-21-06.html"><span style="color: #0000ff;">ដើមអំពិល</span></a></p>
</div>