<div class="article-content">
<p><strong>ភ្នំពេញៈ</strong> ព្រះសង្ឃ និងក្រុមចលនាសង្គមក្នុងបណ្តាញ ទំនាក់ទំនងសង្គម ជាច្រើនអង្គ និងនាក់<br /> បានអំពាវនាវ ស្វែងរកកិច្ចសហការនានា ពីសប្បុរសជនពុទ្ធសាសនិកជនទាំងអស់ ចូលជាបច្ច័យ<br />សម្រាប់ការចំណាយផ្សេងៗ ដើម្បីនិមន្តទៅប្រោះព្រំរំដោះគ្រោះ និងនាំមកសេចក្តីសុខចម្រើន<br />សម្រាប់អ្នកដំណើរទូទៅលើកំណាត់ផ្លូវជាតិ លេខ៤ ជាពិសេសចំណុចដែលកើតគ្រោះថ្នាក់រន្ធត់ៗ<br />នាពេលថ្មីៗនេះ ។ ពិធីសូត្រមន្តប្រោះព្រំដោះឧបទ្រពចង្រៃ នេះ គ្រោងនឹងធ្វើឡើងនៅថ្ងៃអាទិត្យ<br /> ទី១០ ខែមីនា ឆ្នាំ២០១៣ វេលាម៉ោង ១រសៀល។</p>
<p>ការអំពាវនាវស្វែងរកជំនួយឧបត្ថម្ភនេះ បានធ្វើឡើងបន្ទាប់ពីប្រធានក្រុមព័ត៌មានជាតិ សេរី ថ្មីៗ <br />និងប្រតិកម្ម រហ័សក្នុង បណ្តាញទំនាក់ទំនងសង្គម លោក ខ័ណ្ឌ ច័ន្ទសុផល គ្រោងនឹងនិមន្តព្រះ<br />សង្ឃជាច្រើន អង្គក្នុងរាជធានី ភ្នំពេញ និង ក្នុងខេត្តព្រះសីហនុ និមន្តទៅប្រោះព្រំរំដោះគ្រោះ<br /> បណ្តេញឧបទ្រពចង្រៃ និងលើករាសីសេរីសួស្តី សេចក្តីសុខ ចម្រើននៅតាមបណ្តោយផ្លូវ ដែល<br />ឧស្សាហ៍កើតគ្រោះថ្នាក់ចរាចរច្រើនបំផុត ជាពិសេសគ្រាន់តែដើម ឆ្នាំ២០១៣ មជ្ជុរាជលើដងវិថី<br />មួយនេះ ផ្តាច់ជីវិតមនុស្សអស់ជាច្រើននាក់។</p>
<p>បើតាមលោក ខ័ណ្ឌ ច័ន្ទសុផល ជារៀបចំចាត់ពិធីប្រោះព្រំនេះ បានប្រាប់មជ្ឈមណ្ឌលព័ត៌មាន<br />ដើមអម្ពិលនាព្រឹក ថ្ងៃសៅរ៍ ទី០៩ ខែមីនា ឆ្នាំ២០១៣ថា ដោយសារចំណុចដែលព្រះសង្ឃត្រូវ<br />និមន្តទៅប្រោះព្រំលើកំណាត់ផ្លូវជាតិ លេខ៤ មានចង្ងាយឆ្ងាយ ហើយខ្វះលទ្ធភាពសម្រាប់ការ<br />ចំណាយផ្សេងៗ ដូចជាថ្លៃរថយន្តឈ្នួល និងថ្លៃចង្ហាន់ លោក ហេតុនេះហើយទើបលោកអំពាវ<br />នាវស្វែងការជួយឧបត្ថម្ភគាំទ្រពីសប្បុរជន ក៏ដូចជាអាជ្ញាធរ និងសមត្ថកិច្ច ផងដែរ។</p>
<p>បើតាមប្រធានក្រុមព័ត៌មានជាតិ សេរី ថ្មីៗ និងប្រតិកម្មរហ័ស នៃបណ្តាញសង្គមហ្វេសប៊ុករូបនេះ<br /> បានឲ្យដឹងទៀត ថា ព្រះសង្ឃដែលគ្រោងនិងនិមន្តទៅប្រោះព្រំលើកំណាត់ផ្លូវជាតិលេខ៤នេះ <br />មានប្រហែលជា១០០អង្គ ដោយ ៥០និមន្តពីរាជធានីភ្នំពេញ និង៥០អង្គទៀតនៅក្នុងខេត្តព្រះ<br />សីហនុតែម្តង។ តាមការគ្រោងទុកពិធីសូត្រមន្តប្រោះ ព្រំនេះ នឹងធ្វើឡើងនៅតាមចំណុច ដែល<br />កើតគ្រោះថ្នាក់រន្ធត់ៗ និងផ្តាច់ជីវិតមនុស្សច្រើន ដូចជាកន្លែងដែលបង្ក គ្រោះថ្នាក់ដល់តារា<br />ចម្រៀងល្បីវ័យក្មេង លោក ខេមរៈ សិរីមន្ត កាលពីយប់ថ្ងៃទី០៧ សម្លាប់ជីវិតមនុស្សរហូតដល់<br /> ៧នាក់ និងចំណុចដែលរថយន្តកាមរីបាឡែនក្រឡាប់ផ្ទុះឆេះ សម្លាប់យុវវ័យប្រុសស្រីរហូតដល់<br />៦នាក់ កាលពីអំ ឡុងពេលចូលឆ្នាំចិន នៅម្តុំចំការដូងប្រេងរបស់លោកឧកញ៉ា ម៉ុង ឬទ្ធី។</p>
<p>នៅក្នុងពិធីសូត្រមន្តប្រោះព្រំនេះ បើតាមការបញ្ជាក់ពីលោក ខ័ណ្ឌ ច័ន្ទសុផល បានឲ្យដឹងថា <br />ក៏មានការអញ្ជើញ ចូលរួមពីតារាកំប្លែងនាយកុយ និងលោកយាយ ណយ សំណាង ដែលជា<br />ឪពុកម្តាយ នៃកូនប្រុស២នាក់ ដែល បានស្លាប់បាត់បង់ជីវិត ក្នុងឧប្បត្តិហេតុគ្រោះថ្នាក់ចរាចរ<br />កាលពីយប់ថ្ងៃទី០៧ កន្លងទៅនេះផងដែរ។</p>
<p>ពិធីប្រោះព្រំតាមជំនឿ និងប្រពៃណីរបស់ប្រជាពលរដ្ឋខ្មែរ បានធ្វើឡើងម្តងរួចមកហើយកាល<br />ពីថ្ងៃទី៣ ខែមីនា នៅតាមបណ្តោយមហាវីថីព្រះនរោត្តម ដោយមានការអញ្ជើញចូលរួមពីប្រជា-<br />ពលដ្ឋយ៉ាងច្រើនផងដែរ ជាពិសេស ក្រុមគ្រួសារ នៃសពជនរងគ្រោះ ដែលត្រូវកញ្ញានិស្សិតពេទ្យ<br />បើករថយន្តបុកនៅមុខក្រសួងមហាផ្ទៃ។</p>
<p>បញ្ហាគ្រោះថ្នាក់ចរាចរកំពុងក្លាយទៅជាក្តីបារម្ភយ៉ាងខ្លាំងប្រជាពលរដ្ឋទូទៅ និងរាជរដ្ឋាភិបាល<br />កម្ពុជា បើតាម របាយការណ៍ របស់អង្គការពិការអន្តរជាតិ បានឲ្យដឹងថា ជាមធ្យមកម្ពុជាមាន<br />មនុស្សស្លាប់យ៉ាងហោចណាស់ ៥នាក់ក្នុង១ថ្ងៃ។</p>
<p>ដោយក្តីព្រួបារម្ភនេះ សម្តេចតេជោ ហ៊ុន សែន នាយករដ្ឋមន្រ្តីកម្ពុជា កាលពីពេលថ្មីៗ បានអំពាវ<br />នាវឲ្យព្រះសង្ឃ និមន្តប្រោះព្រំរំដោះគ្រោះឧបទ្រពនៅតាមបណ្តាដងផ្លូវ ដែលឧស្សាហ៍ជួបគ្រោះ<br />ថ្នាក់ចរាចរ និងផ្តាច់ជីវិតមនុស្ស ច្រើនជាងគេ។</p>
<p>សម្រាប់សប្បុរសជន ដែលមានសទ្ធាជ្រះថ្លា ចូលរួមក្នុងសកម្មភាពនេះ អាចទាក់ទងជាមួយលោក<br /> ខ័ណ្ឌ ច័ន្ធសុ ផល ទូរស័ព្ទលេខ ០១២ ២៥ ២៥ ២២, ០៨៨ ៨ ២៥ ២៥ ២២។</p>
<p>តាមរយៈ នៃការអំពាវនាវនេះ ភិបាលខណ្ឌមានជ័យ លោក គួច ចំរើន បានចូលរួមឧបត្ថម្ភ ថវិកា<br />១០០ដុល្លារ សម្រាប់ការចំណាយផ្សេងៗក្នុងកម្មវិធី៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-009/S-066.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-009/S-067.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/February/id-009/ST-135.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/February/id-009/ST-127.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/February/id-009/ST-129.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-009/S-078.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-009/S-079.jpg" alt="Photo by DAP-NEWS" width="500" /></p>
<p style="text-align: center;"><strong>លោក ខ័ណ្ឌ ច័ន្ទសុផល នាំយកថវិកាសប្បុរសជន ចូលរួមរំលែកទុក្ខ ជាមួយនាយកុយ<br /> និងយាយ ណយ សំណាង</strong></p>
<p style="text-align: right;">ផ្តល់សិទ្ធិដោយ៖ ដើមអំពិល<strong><br /></strong></p>
</div>