<div class="article-content">
<p><strong>តាកែវ</strong> ៖ ដោយគ្មានជំនឿ លើប្រព័ន្ធតុលាការ ក្រុមប្រជាពលរដ្ឋ ស្រុកបាទី បានសំរេចកាត់ក្ដី <br />ដោយខ្លួនឯង ទៅលើក្រុមចោប្លន់ពីរនាក់ បន្ទាប់ពីពួក គេចាប់បាន ក្រុមចោប្លន់ម៉ូតូទាំងនោះ <br />កាលពីថ្ងៃទី៤ ខែកញ្ញា ឆ្នាំ២០១៣ កន្លងទៅនេះ នៅចំណុចខាងលិចភ្នំតាម៉ៅ ស្រុកបាទី ។</p>
<p>យោងតាមប្រភព ពីប្រជាពលរដ្ឋម្នាក់ បានប្រាប់ឲ្យដឹងថា កាលពីវេលាម៉ោង១១ព្រឹកថ្ងៃទី៤ ខែ<br /> កញ្ញា ឆ្នាំ២០១៣ កន្លងទៅនេះ មានករណីយ ប្លន់ម៉ូតូC១២៥ ស៊េរី ឆ្នាំ២០១២ មួយគ្រឿង របស់<br />ប្រជាពលរដ្ឋម្នាក់ ឈ្មោះ សៅ សឺង មានទីលំនៅក្នុងឃុំក្រាំងធ្នង់ ស្រុកបាទី ពីសំណាក់ក្រុមចោរ<br /> ប្លន់ម៉ូតូបីនាក់ ដោយក្រុមចោរទាំងនោះ បានភ្ជង់គំរាម នៅចំណុចភូមិហនុមាន ។ ក្រោយពីប្លន់<br />បានហើយ ក្រុមចោរទាំងនោះ បានជិះម៉ូតូពីរ គ្រឿងគេចខ្លួន ហើយក៏ត្រូវកំលាំងនគរបាលស្រុក<br />បាទី ចាប់ខ្លួនបានម្នាក់ ដោយឡែកបក្ខពួកពីរនាក់ទៀត ត្រូវបានប្រជាពលរដ្ឋ មួយក្រុមចាប់ខ្លួន<br /> បាននៅចំណុចព្រៃខាងលិច សួនសត្វតាម៉ៅ ជាមួយនឹងម៉ូតូម៉ាកស្មាស់ មួយគ្រឿង ហើយដោយ<br />ក្រុមប្រជាពលរដ្ឋគ្មាន ការជឿជាក់ លើប្រព័ន្ធតុលាការ ដែលតែងតែដោះលែង ក្រុមចោរទាំង<br />នោះ ពួកគេក៏បានសំលាប់ចោរទាំងពីរនាក់នោះតែម្ដងទៅ រួចសពរបស់ចោរពីរនាក់នោះត្រូវ<br />បានប្រជាពលរដ្ឋ អូសយកទៅកប់ចោលនៅក្នុងព្រៃភ្នំតាម៉ៅ។</p>
<p>ក្រុមចោរប្លន់ពីរនាក់ ដែលប្រជាពលរដ្ឋ សំលាប់នោះទី១ឈ្មោះ ឃឹម សុក្រិត ភេទប្រុស អាយុ<br /> ២១ឆ្នាំ មានទីលំនៅក្នុងខណ្ឌចំការមន រាជធានីភ្នំពេញ និងម្នាក់ទៀតឈ្មោះ វាសនា រ៉ាឌី អាយុ<br />២៤ឆ្នាំ មានទីលំនៅក្នុងឃុំព្រែកតាកូវ ស្រុកខ្សាច់កណ្ដាល ខេត្តកណ្ដាល ។</p>
<p>បើតាមប្រជាពលរដ្ឋខាងលើ ចំណែកជនសង្ស័យម្នាក់ទៀត កាលពីរសៀលថ្ងៃទី៥ ម្សិលមិញ<br />ត្រូវបានកំលាំងសមត្ថកិច្ចស្រុកបាទី សហការជាមួយ ព្រោះរាជអាជ្ញារង អមសាលាដំបូងខេត្ត<br />តាកែវ ដោយមានការចូលរួមពីលោកស្នងការខេត្តតាកែវផងនោះ បាននាំខ្លួនឲ្យទៅយកកាំ<br /> ភ្លើង ដែលខ្លួនបានបោះចោល នៅចំណុចភ្នំតាម៉ៅ៕</p>
<p style="text-align: center;"><img src="http://image.dap-news.com:81/dap-news/dap-images/2013/September/id-011/Hong-0131.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>