<p><span style="color: #000000;">យោងតាមប្រភពព័ត៌មានពី SamMobile និង ETNews បានឲ្យដឹងថា <span class="Tinhte_XenTag_TagLink">Samsung</span> កំពុងតែធ្វើការអភិវឌ្ឍន៍ <span class="Tinhte_XenTag_TagLink">Galaxy S8</span> ជាមួយនឹងផ្លាស់ប្តូរឲ្យប្រសើរជាងមុនជាច្រើន នៅផ្នែក Hardware ដែលរួមមានដូចជា៖ ចង្កោមកាមេរ៉ាភ្លោះនៅផ្នែកខាងក្រោយ Sensor ស្គែនក្រយៅដៃអមជាមួយនឹងប៊ូតុង Home ត្រូវបានប្តូរមកបំពាក់នៅលើអេក្រង់តែម្តង ហើយស្មាតហ្វូននឹងមិនមានគែម bezel ឆ្វេង ស្តាំ លើ ក្រោម ហើយផ្នែកនៃអេក្រង់កោង នឹងត្រូវបានពង្រីកឡើងទៅផ្នែកខាងលើ និងខាងក្រោម ថែមទៀតផង។ </span></p>
<p><span style="color: #000000;"><a class="thickbox" title="" href="/FileManager/Commons/2016/10/8/the-samsung-galaxy-s8-concept-render-does-not-show-the-bio-blue-4k-screen-tech-08-10-2016--13-23-39.jpg"><img src="/FileManager/Articles/mce/2016/10/8/the-samsung-galaxy-s8-concept-render-does-not-show-the-bio-blue-4k-screen-tech-08-10-2016--13-23-39.jpg" alt="" /></a><br /></span></p>
<p><span style="color: #000000;">ចំនុចដែលគួរឲ្យចាប់អារម្មណ៍បំផុតនោះគឺ Samsung អាចនឹងបោះបង់ចោលទាំងអស់ នូវបណ្តាគែមព័ទ្ធ អេក្រង់ដែលលើស ហើយធ្វើការពង្រីកផ្នែកអេក្រង់កោងឡើងទៅលើ និងចុះក្រោម ដែលនឹងបង្កើតបាននូវស្មាតហ្វូន Galaxy S8 "full-screen" ពិតប្រាកដមួយ។ ផ្នែកតាមកត្តានេះ ពួកយើងអាចស្រមៃគិតបានថា S8 នឹងដូចទៅនឹង S7 Edge សព្វថ្ងៃនេះ ប៉ុន្តែតំបន់ទាំងពីរដែលបំពាក់ប៊ូតុង Home និង Speaker សន្ទនា នឹងត្រូវបំបាត់ចោល ដោយជំនួសមកវិញនូវអេក្រង់ ហើយលើកនេះផ្នែកចុងខាងលើ និងខាងក្រោម នឹងត្រូវបានធ្វើរាងកោងចុះបន្តិច ដូចទៅនឹងផ្នែកអេក្រង់កោងសងខាង ឆ្វេង និងស្តាំដែរ។ សរុបមក <span class="Tinhte_XenTag_TagLink">Galaxy</span> S8 ក្នុងព័ត៌មានចចាមអារ៉ាម នឹងជាស្មាតហ្វូនមួយ ដែលមានបំពាក់នូវអេក្រង់ ១០០% នៅផ្នែកខាងមុខតែម្តង។</span></p>
<p><span style="color: #000000;">ក្រៅពីនេះ Galaxy S8 ក៏ត្រូវបានគេរំពឹងទុកថា នឹងមានបំពាក់នូវចង្កោមកាមេរ៉ាភ្លោះ នៅផ្នែកខាងក្រោយ។ គួរបញ្ជាក់ផងដែរ Samsung បានអនុម័តសេចក្តីសម្រេចនេះរួចហើយ ដោយបច្ចុប្បន្នកំពុងតែគិតថាគួរអនុវត្តបច្ចេកវិទ្យាប្រភេទកាមេរ៉ាភ្លោះដូចទៅនឹងកាមេរ៉ាភ្លោះនៅលើ HTC M8 ឬក៏ប្រភេទកាមេរ៉ា iPhone 7 Plus សព្វថ្ងៃនេះ។</span></p>
<p><span style="color: #000000;">Samsung អាចនឹងធ្វើការបង្ហាញណែនាំ Galaxy S8 ឆាប់ជាងបណ្តាឆ្នាំមុនៗ ដើម្បីបំពេញនូវការខាតបង់ ដ៏ធ្ងន់ធ្ងរ ពីបញ្ហាផ្ទុះឆេះដែលកើតមានលើ Galaxy Note 7 ក្នុងមួយរយះពេលកន្លងទៅនេះ៕</span></p>
<p><em><span style="color: #0000ff;"><a href="http://www.camnews.com.kh/News/Detail/30009/apple-still-rank-no-1-on-the-most-expensive-brand-in-the-world"><span style="color: #0000ff;">- Apple នៅតែឈរលំដាប់លេខ១ លើតម្លៃម៉ាកយីហោ ថ្លៃជាងគេ លើពិភពលោក ក្នុងពេលដែល Google នៅលំដាប់ទី២</span></a></span></em></p>
<p> </p>
<p style="text-align: right;"><em>ប្រែសម្រួល៖ មង្គល</em><br /><em>ប្រភព៖ SamMobile, ETNews, Tinhte</em></p>