<div class="article-content">
<p><strong>មណ្ឌលគីរី ៖</strong> សហការីរបស់ស្ថានីយទូរ ទស្សន៍ហង្សមាស ទូរទស្សន៍អប្សរា និង មជ្ឈមណ្ឌល<br />ព័ត៌មានដើមអម្ពិល ប្រចាំនៅ ខេត្ដមណ្ឌលគីរី បានរងរបួសធ្ងន់ត្រូវបានដឹក បញ្ជូនទៅកាន់មន្ទីរ<br />ពេទ្យ បន្ទាប់ពីរថយន្ដ របស់ពួកគេ ដែលជាកម្មសិទ្ធិរបស់ភ្នាក់ងារ ទូរទស្សន៍ហង្សមាស ត្រូវ<br />ថៅកែលក់គ្រឿង សំណង់ដ៏ធំនៅក្នុងខេត្ដមណ្ឌលគីរី លោក ឆៃ លី បើកបុកពេញមួយទំហឹង<br />កាលពី វេលាម៉ោងប្រមាណ ៣រសៀល ថ្ងៃទី២៥ ខែតុលា ឆ្នាំ២០១៣ នេះ ស្ថិតនៅក្នុងសង្កាត់<br /> រមនា ក្រុងសែនមនោរម្យ ខណៈដែលអ្នក យកព័ត៌មានទាំង ៣នាក់ កំពុងធ្វើដំណើរ រួមគ្នា ទៅ<br />យកព័ត៌មានគ្រោះថ្នាក់ចរាចរណ៍ ក្រឡាប់រថយន្ដមួយ នៅក្បែរកន្លែងកើត ហេតុនោះ ។</p>
<p>យោងតាមប្រភពព័ត៌មានពីកន្លែងកើត ហេតុបានឱ្យដឹងថា លោក ឆៃ លី ថៅកែ លក់គ្រឿង<br />សំណង់ដ៏ធំក្នុងខេត្ដមណ្ឌលគីរី បានបើករថយន្ដរបស់ខ្លួនម៉ាកឡង់គ្រីស័រ ស៊េរីឆ្នាំ៩៦ ពណ៌<br />ពងមាន់ បានបើកទៅបុក រថយន្ដហុងដា ស៊ីវិច ស៊េរីចាស់ពណ៌ក្រហម ដែលនៅក្នុងរថយន្ដ<br />នោះ អ្នកយកព័ត៌មាន ៣នាក់ កំពុងធ្វើដំណើរបណ្ដាលឱ្យរថយន្ដ រងការខូចខាតយ៉ាងខ្លាំង រីឯ<br />ជនរងគ្រោះ ទាំង៣នាក់ បានរងរបួសធ្ងន់ ។</p>
<p>ជនរងគ្រោះ ជាអ្នកយកព័ត៌មានប្រចាំនៅ ខេត្ដមណ្ឌល គីរីរួមមាន លោក កេត សារ៉េត សហ<br />ការី ទូរទស្សន៍ហង្សមាស ដែលជាអ្នកបើក រថយន្ដ និងជាម្ចាស់រថយន្ដ លោក ម៉ន ម៉ារ៉េត <br />សហការីរបស់ទូរទស្សន៍អប្សរា និង លោក រឹម រ៉ា សហការីរបស់មជ្ឈមណ្ឌល ព័ត៌មានដើម<br />អម្ពិល ។</p>
<p>បើតាមជនរងគ្រោះទាំង ៣នាក់ បានឱ្យ ដឹងទាំងខ្លួនរងរបួសធ្ងន់ថា ក្រោយពីទទួល បានព័ត៌<br />មានស្ដីពីគ្រោះថ្នាក់ចរាចរណ៍ ក្រឡាប់រថយន្ដ ពួកគេទាំង ៣នាក់ ក៏បាន ធ្វើដំណើរជាមួយគ្នា តាមរថយន្ដរបស់សហការីទូរទស្សន៍ហង្សមាស ស្រាប់តែធ្វើ ដំណើរដល់កន្លែងកើតហេតុ ក៏<br />ត្រូវរថយន្ដ របស់លោក ឆៃ លី ជាថៅកែលក់គ្រឿង សំណង់ដ៏ធំនៅក្នុងខេត្ដមណ្ឌលគីរីនោះ បានបើកបុករថយន្ដរបស់ពួកគេពេញមួយទំហឹង បណ្ដាលឱ្យរងរបួសយ៉ាងធ្ងន់ធ្ងរ ត្រូវបាន ដឹក<br />បញ្ជូនភ្លាមៗទៅកាន់មន្ទីរពេទ្យ ។</p>
<p>សូមបញ្ជាក់ថា កាលពីពេលកន្លងទៅ ថៅកែលក់គ្រឿងសំណង់ លោក ឆៃ លី ត្រូវបានកាសែត<br />ក្នុងស្រុក និងទូរទស្សន៍ ធ្លាប់ចុះផ្សាយចំពោះរថយន្ដដឹកគ្រឿង សំណង់របស់លោកដែលបំផ្លាញ<br />ផ្លូវព្រោះ តែដឹក លើសចំណុះ ដូច្នេះក្នុងគ្រោះថ្នាក់ ចរាចរណ៍ខាងលើនេះ អាចជាចេតនារបស់ <br />ថៅកែលក់គ្រឿងសំណង់រូប នេះតែម្ដង ។ ក្រោយកើតហេតុ កម្លាំងនគរបាលបានចុះ ទៅជួយ<br />អន្ដរាគមន៍ និងយករថយន្ដទាំង២ ទៅ រក្សាទុក ដើម្បីដោះស្រាយតាមផ្លូវ ច្បាប់បន្ដទៀត ៕</p>
<p style="text-align: center;"><img src="http://image.dap-news.com:81/dap-news/dap-images/2013/october/id-078/Lay-374.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/october/id-078/Lay-373.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/october/id-078/Lay-375.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/october/id-078/Lay-372.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/october/id-078/Lay-371.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/october/id-078/Lay-370.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/october/id-078/Lay-369.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/october/id-078/Lay-368.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/october/id-078/Lay-367.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/october/id-078/Lay-366.jpg" alt="Photo by DAP-News" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>