<p>កុមារាជនជាតិ ឥណ្ឌាម្នាក់ អាយុ ១២ឆ្នាំ ត្រូវបានបុរសពីរនាក់ ចាក់សាំងដុតទាំងរស់ ព្រោះតែបានឈ្លោះគ្នាកាលពីមុននេះ ដោយសាររឿងខ្សែខ្លែង។</p>
<p style="text-align: center;"><a class="thickbox" title="" href="/FileManager/Commons/2013/10/2/naveen-02-10-2013--23-48-52.jpg"><img src="/FileManager/Articles/mce/2013/10/2/naveen-02-10-2013--23-48-52.jpg" alt="" /></a></p>
<p style="text-align: center;"><em>កុមារាដែលត្រូវគេដុតទាំងរស់ ឈ្មោះ Vidhu Jain</em></p>
<p>កុមារាឈ្មោះ Vidhu Jain ជាកូនប្រុសរបស់អ្នកលក់ខ្លែងម្នាក់ ត្រូវបានគេចាប់ខ្លួន ខណៈកំពុងជិះកង់យកបាយពេលថ្ងៃត្រង់ទៅឱ្យប្អូនរបស់ខ្លួន នៅឯសាលារៀន ក្នុងទីរួមស្រុក Malerkotla ខណ្ឌ Sangrur ក្នុងរដ្ឋ Punjab កាលពីថ្ងៃទី ៣០កញ្ញា។<br /> <br />សាក្សីជាច្រើន បានឱ្យដឹងថា កុមារដ៏គួរអាណិតនេះ រត់បណ្ដើរ ស្រែកបណ្ដើរ ដោយសារតែត្រូវជនដៃដល់ចាក់សាំងដុត។ អ្នកដំណើរដែលបានឃើញហេតុការណ៍នេះ ក៏បានបញ្ជូនកុមាររងគ្រោះ ទៅមន្ទីរពេទ្យសង្គ្រោះបន្ទាន់ ប៉ុន្ដែដោយសាររបួសពេញរាងកាយ កុមារនេះក៏បានបាត់បង់ជីវិត។</p>
<p style="text-align: center;"><a class="thickbox" title="" href="/FileManager/Commons/2013/10/2/fire-02-10-2013--23-51-26.jpg"><img src="/FileManager/Articles/mce/2013/10/2/fire-02-10-2013--23-51-26.jpg" alt="" /></a></p>
<p style="text-align: center;"><em>Vidhu Jain បានបាត់បង់ជីវិត ពេលបញ្ជូនទៅមន្ទីរពេទ្យ</em></p>
<p>នៅមុនពេលស្លាប់ កុមារា Vidhu បានប្រាប់នគរបាលថា ខ្លួនមិនស្គាល់ជនដៃដល់ទាំងនោះទេ ប៉ុន្ដែ ស្គាល់មុខពួកគេ ដោយសារតែខ្លួនធ្លាប់បានឈ្លោះប្រកែកគ្នាជាមួយពួកនោះ ដោយសារតែរឿងខ្សែខ្លែង។<br /><br />ទំព័រ Hundustan Times បានចុះផ្សាយថា ការឈ្លោះប្រកែកគ្នានោះ មានអ្នកបុគ្គលិករបស់ហាងមួយ នៅក្បែរនោះដែរ។ នគរបាលឱ្យដឹងថា ពួកគេកំពុងស្រាវជ្រាវស្វែងរកបុគ្គលិកហាងម្នាក់ ដែលបានឃើញហេតុការណ៍ឈ្លោះប្រកែកគ្នានោះ។ ប៉ុន្ដែ ចាប់តាំងពីពេលនោះមក បុគ្គលិកម្នាក់នោះក៏បានបាត់ខ្លួន។</p>
<p style="text-align: center;"><a class="thickbox" title="" href="/FileManager/Commons/2013/10/2/residents-02-10-2013--23-50-44.jpg"><img src="/FileManager/Articles/mce/2013/10/2/residents-02-10-2013--23-50-44.jpg" alt="" /></a></p>
<p>ព័ត៌មានស្ដីអំពីការណីដុតមនុស្សទាំងរស់នេះ បានធ្វើឱ្យបានបាតុកម្មជាច្រើន ពីសំណាក់ប្រជាជនក្នុងតំបន់។ ពួកគេបានដុតបំផ្លាញរថយន្ដដឹកអ្នកដំណើរមួយចំនួន និងបានបិទផ្លូវជាច្រើនកន្លែងផងដែរ។ បច្ចុប្បន្ន នគរបាលកំពុងដុតដៃដុតជើង ដើម្បីតាមស្វែងរកជនដៃដល់។</p>
<p style="text-align: right;"><br /><br />ដោយ ៖ តារា<br />ប្រភព ៖ hindustantimes<br /> </p>