<p><span style="color: #000000;"><strong>ភ្នំពេញ៖</strong> តារាសម្តែង មានឈ្មោះបោះសំឡេង តាមរយៈរឿង «ស្នេហ៍៩» កញ្ញា មាន សូនីតា ថ្មីៗនេះបានចេញមុខ ប្រកាសលក់ក្រមា ដើម្បីស្វែងរកថវិកា ទៅជួយដល់ជនរងគ្រោះដោយសាររញ្ជួយដី ក្នុងប្រទេសនេប៉ាល់ ដែលកំពុងតែជួបប្រទះបញ្ហា និងត្រូវការ ជំនួយប្រមាណ២ពាន់លានដុល្លារ ដើម្បីស្តារប្រទេសរបស់ខ្លួនឡើងវិញ ។</span></p>
<p><span style="color: #000000;">ស្របពេលដែលប្រទេសនេប៉ាល់ កំពុងតែត្រូវការជំនួយយ៉ាងច្រើន យកទៅកសាងប្រទេសខ្លួនវិញ ក្រោយពីជួប គ្រោះរញ្ជួយដីផ្ទួនៗគ្នា២លើករួចមក គេសង្កេតឃើញថា តារាសម្តែងស្រីរូបស្រស់ សំឡេងផ្អែមស្រទន់ កញ្ញា មាន សូនីតា បានលេចវត្តមានស្វែងរកជំនួយ ទៅជួយប្រទេសមួយនេះ ដោយនាងបានប្រកាសជាសាធារណៈថា « ខ្ញុំចង់ចូលរួមចំណែកជួយ ទៅដល់ប្រទេសនេប៉ាល់ ដោយយើងមានក្រមាប្រមាណ៥០០ក្រមា មានដាក់ Logo សម្រាប់លក់ក្នុងតម្លៃ ១២០០០រៀល ដែលប្រាក់ចំណេញ ខ្ញុំនឹងយកទៅជួយប្រទេសនេប៉ាល់ ជាមួយក្តីស្រលាញ់របស់នីតានេះតែម្តង…»។</span></p>
<p><span style="color: #000000;">តារាសម្តែង មាន សូនីតា បានសរសេររៀបរាប់ឲ្យដឹងទៀតថា នេះជាការចែករំលែកក្តីស្រលាញ់ ការជួយយកអាសាគ្នាទៅវិញទៅមក ហើយសម្រាប់ការកុម្ម៉ង់ទិញក្រមានេះ គឺអាចទិញបានតាមតម្រូវការបាន។ មួយវិញទៀត មូលហេតុដែលនាងធ្វើបែបនេះ ក្រៅពីការស្វែងរកចំណូល ជួយប្រទេសនេប៉ាល់ នាងក៏មានបំណងចង់ ចូលរួមចំណែកលើកកម្ពស់ ផលិតផលក្រមាក្នុងស្រុក ឲ្យកាន់តែមានភាពលេចធ្លោ និងធ្វើឲ្យទស្សនិកជន កាន់តែស្គាល់ ពីអត្ថប្រយោជន៍ នៃក្រមាថែមមួយកម្រិតទៀត ៕</span></p>
<p><span style="color: #000000;"><a class="thickbox" title="" href="/FileManager/Commons/2015/5/19/09-19-05-2015--13-43-29.jpg"><img src="/FileManager/Articles/mce/2015/5/19/09-19-05-2015--13-43-29.jpg" alt="" /></a></span></p>
<p><a class="thickbox" title="" href="/FileManager/Commons/2015/5/19/10-19-05-2015--13-43-37.jpg"><img src="/FileManager/Articles/mce/2015/5/19/10-19-05-2015--13-43-37.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/5/19/09-19-05-2015--13-43-29.jpg"></a></span></p>
<p><a class="thickbox" title="" href="/FileManager/Commons/2015/5/19/12-19-05-2015--13-43-46.jpg"><img src="/FileManager/Articles/mce/2015/5/19/12-19-05-2015--13-43-46.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>