<p><span style="color: #000000;">ព័ត៌មានកីឡា៖ ថ្នាក់ដឹកនាំ Man United មានការត្រេកអរអួតសរសើរនឹងក្រុមរបស់ខ្លួនជាខ្លាំងក្រៃលែង ក្រោយពីបានមើលឃើញ នូវសមត្ថភាព ផ្ដួលក្រុម Preston ក្នុងការប្រកួត FA Cup ហើយរំកិលខ្លួនចូលវគ្គជម្រុះពាក់កណ្ដាលផ្ដាច់ព្រ័ត្រ ដែលនឹង ប្រឈមមុខជាមួយ Arsenal នៅខែក្រោយនេះ ។ </span></p>
<p><span style="color: #000000;">ថ្នាក់ដឹកនាំ ក្រុម Man United គឺលោក Louis van Gaal បានអួតសរសើរ ក្រុមរបស់ខ្លួនស្ទើរកប់ពពក ក្រោយពីបង្ហាញពាក្យសម្ដីផ្ទាល់ថា ពិតជាក្រុមដែលមានស្មារតីរឹងមាំមិនគួរឲ្យជឿទាល់តែសោះ ។ </span></p>
<p><span style="color: #000000;">Man United បានផ្ដួលស៊ីក្រុម Preston នៅត្រឹមជុំទី ៥ ដោយពិន្ទុ ៣ ទល់នឹង ១ ដោយការរកគ្រាប់បាល់បានដោយកីឡាករ Herrera នាទីទី ៦៥ បន្ទាប់មកទៀតដោយកីឡាករ Fellaini នៅនាទីទី ៧២ និងចុងក្រោយដោយគ្រាប់ប៉េណង់ទីរបស់ Rooney នៅនាទីទី ៨៨ ធ្វើឲ្យក្រុមឈ្នះដាច់ ។ </span></p>
<p><span style="color: #000000;">ថ្វីត្បិតតែស្ថិតក្នុងស្ថានភាពវឹកវឺនយ៉ាងណាក៏ដោយ Preston ក៏អាចរកពិន្ទុ បានមួយគ្រាប់ផងដែរ ដោយកីឡាករ Laird នៅនាទីទី ៤៧ ។ </span></p>
<p><span style="color: #000000;">យោងតាមការបកស្រាយបង្ហាញរបស់គេហទំព័របានឲ្យដឹងថា Man United ក៏ទំនងជាអស់សង្ឃឹមផងដែរនៅជើងប្រកួតទី ១ ខណៈដែលក្រុមមិនអាចបង្កើតបានពិន្ទុសូម្បីតែមួយគ្រាប់នៅឡើយ រហូតមកដល់ជើងទី ២ ក្រុមនៅតែបន្ដប្រគល់ការប្រយុទ្ធឲ្យទៅ Radamel Falcao ប៉ុន្ដែមិនបានផល អ្វីទាំងអស់ ដាច់ចិត្ដនៅនាទីទី ៦០ ក្រុមបានផ្លាស់ប្ដូរ Radamel Falcao ចេញ ជំនួសវិញដោយ កីឡាករ Ashley Young ស្រាប់តែការលេង មានភាពប្រែប្រួលភ្លាមៗ ធ្វើឲ្យក្រុមអាចរកបានពិន្ទុ ២ គ្រាប់នៅនាទីគៀកៗគ្នា និង មួយគ្រាប់ចុងក្រោយដោយគ្រាប់ ប៉េណង់ទី Rooney ធ្វើឲ្យក្រុមយកឈ្នះយ៉ាងងាយស្រួល ។ </span></p>
<p><span style="color: #000000;">ដោយសារតែមួលហេតុនេះហើយបានជា ថ្នាក់ដឹកនាំមានការ អួតសរសើរនឹងក្រុមរបស់ខ្លួនយ៉ាងខ្លាំង ។ ហើយក្រោយពីផ្ដួល Preston ហើយនោះ ក្រុមក៏ត្រូវដល់ពេលប្រឈមមុខនឹង Arsenal នៅក្នុងទឹកដីរបស់ខ្លួនក្នុងការប្រកួត FA Cup នៅខែក្រោយនេះ ដោយមានវត្ដមាន អតីតកីឡាករ ដែលក្រុមធ្លាប់បានលក់ កាលពីរដូវកាលមុន នោះគឺកីឡាករ Dany Welback ចូលរួមប្រកួតផងដែរ ។</span></p>
<p><span style="color: #000000;"><a class="thickbox" title="" href="/FileManager/Commons/2015/2/17/2-17-2015-9-24-18-am-17-02-2015--09-29-06.png"><img src="/FileManager/Articles/mce/2015/2/17/2-17-2015-9-24-18-am-17-02-2015--09-29-06.png" alt="" /></a><br /></span></p>
<p><span style="color: #000000;"><a class="thickbox" title="" href="/FileManager/Commons/2015/2/17/2-17-2015-9-19-27-am-17-02-2015--09-24-42.png"><span style="color: #000000;"><img src="/FileManager/Articles/mce/2015/2/17/2-17-2015-9-19-27-am-17-02-2015--09-24-42.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/2/17/2-17-2015-9-18-32-am-17-02-2015--09-25-02.png"><span style="color: #000000;"><img src="/FileManager/Articles/mce/2015/2/17/2-17-2015-9-18-32-am-17-02-2015--09-25-02.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/2/17/2-17-2015-9-19-12-am-17-02-2015--09-25-14.png"><span style="color: #000000;"><img src="/FileManager/Articles/mce/2015/2/17/2-17-2015-9-19-12-am-17-02-2015--09-25-14.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/2/17/2-17-2015-9-19-40-am-17-02-2015--09-25-31.png"><span style="color: #000000;"><img src="/FileManager/Articles/mce/2015/2/17/2-17-2015-9-19-40-am-17-02-2015--09-25-31.png" alt="" /></span></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ ប៊ីប៊ីស៊ី</span></p>